تـصْحـَـه اشـوَكـت اويـالـنـاطور ؟


المحرر موضوع: تـصْحـَـه اشـوَكـت اويـالـنـاطور ؟  (زيارة 962 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 499
    • مشاهدة الملف الشخصي
    • البريد الالكتروني
تـصْحـَـه اشـوَكـت اويـالـنـاطور ؟
ميسون نعيم الرومي
 
نـتـظـاهـَـر وانـضل انـثـور – تـصْحـَـه اشـوَكـت اويـالـنـاطور ؟
سـاسـَـه اولـلـبـَـلـَـد يـانـاس بـاگـوهـَـه
تـَـفـصيـخ الـمـَـصانـع خـرْدَه بـاعـوهـَـه
والـگـاع إمـْـحـِـلـَـت والأرض بـَـوروهـَـه
صارَت كـلـهـَـه الـنـاس افـگـور –  تـصْحـَـه اشـوَكـت اويـالـنـاطور ؟
***
بـســـــم الـديـن انـبـاگ الـديــــن
احـْـكـومـَـة بـوگ اومـتـْوَرطـيـن
سـكـْـنـَـت نـاس ابـيـوت الـطـيـن
مـِـحـْـتـَـل الـحـاكـم لـقـصور -  نـتـظـاهـَـر وانـضل انـثـور
***
مـَـطـْـرَت صيـف اغـْـرَگــنـَـه اوفـضنـَـه
نِــتْـنـَــقـّـل مـن مـحـنـَـه الـمـحـنـَـه
اسـنـيـن احـكـَـمـتـوْ ضيـم اوشـفـنـَـه
ضگــْـنـَـه الـذل اوشـفـنـَـه الـجور –  تـصْحـَـه اشـوَكـت اويـالـنـاطور ؟
****
*اعـبـادي ايـصـَـرّح رايـد يـصلـحْ
ابـطـَـرگ الـقـول اوگـاعـد يـنـصَحْ
يـومـيـّـه اوهـاليـخـطـب يـشـرَح
*(رَيـّـس حـزبـَـه) اومـنـَّـه الـشـور -  نـتـظـاهـَـر وانـضل انـثـور
***
مـا يـنـفـَـع كـَـتـل اوتـَـخـويـف
اولا تـَـسـكـيـت اولا تـَـسـويـف
تـتـظـاهـَـر بـَـغـداد اتـْهـِـب الريـف
نـطـرد كـل سـارق مـَـأجـور –  تـصْحـَـه اشـوَكـت اويـالـنـاطور ؟
****
فـَـصل الـدَوْلـَـه عـَـن الـديـن
سـاسـَـه اوفـشـلـَـت مـن اسـنـيـن
مـَـطـلـَـب ثـَـوْري مـَـطـْـلـَـب زيـن
نـصْـلـح ، نـبـنـي ، انـعـَـلـّـي الـسـور -  نـتـظـاهـَـر وانـضل انـثـور
***
چـذب اشـبـَـعـنـَه اوكـلـْـهـَـه اوعـود
اسـنـيـن احـكـَـمـتـوا كـلـْـهـن سـود
*ادبـيـتـوا اعـلـيـنـَـه مـثـل الـدود
مـامـش مـاي اومـامـش نـور –  تـصْحـَـه اشـوَكـت اويـالـنـاطور ؟
****
ثـَـورَتـْـنـَـه ثـَـوْرَة إصلاح
عـامل طالـب والـفـَـلاّح
عـَـهـد الـبـائـد ! وَلـَّـه اوراح
عَ الـحـاكـم ثـرْنـَـه اوعَ الـجـور -  نـتـظـاهـَـر وانـضل انـثـور
  تـصْحـَـه اشـوَكـت اويـالـنـاطور ؟
--------------------------------------------------------------------
*اعـبـادي:- حيدر العبادي رئيس وزراء العراق
*(رَيـّـس حـزبـَـه):- رئيس حزب الدعوة (نوري المالكي) الحزب الذي ينتمي اليه حيدر العبادي
*ادبـيـتـوا:-( يدبي :- يطلق عل مشي الدود)
--------------------------------------------------------------------
15/نوفمبر/2015
ســتوكهولم
 
 
 







غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39378
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
شكـــرا علــى ,,النـقــل