يامحـلـــــه الخريــف


المحرر موضوع: يامحـلـــــه الخريــف  (زيارة 963 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
يامحـلـــــه الخريــف
« في: 18:12 19/11/2015 »
يامحـلـــــه الخريــف

ميســون نعيم الرومي

 
يا محله الخريف او محله الوانه
مِمـْـتـَـن الجمال اينام باحضانـَـه
 
مرجان اوذهب وامطرزه ابياقوت
اوراق الشجر تـشبگ ابأغصانـَه
 
وامواج  البحر تـتسامر اويه الريح
غـِـنـْوات الفـَـرَح تـنـْشـِـد ابـخلجانـَه
 
أسراب الطيور الفوگ فوگ الغيم
وابـلـَحن الأمل تـصفگ ابجنحانه
 
ياريح التصيح ابصوت عالي الصوت
تِـــتحـَـدَّه الـزمـَن تـعـْـلـن ابـأشـجانـَه
 
حـَـبـّات المطر چـن لـيـلـو رَبـاني
تـتـهادَه ابـغـَـنـج تـتـغـاوَه تـتـوانـَه
 
ياأرض الوَطـَن مـَمـْدودَة الذرعان
تـتـرَجـَّه الـفـَـرَج والشـفـَّـه خجلاله
 
چا يـمـْـتـَه الفـَرَج يادنـيـه بـَسـّـچ عاد
شـو طال الخـَريـف انـشـِـتـَل باسمانـَه
 
يامـَـرْكـَـب هـَـوانـَه اوتـاه بـالأيـام
واسـنـيـن المضَت هالنهبـَت اصبانه
 
أيام العـمـر مـَعـْـدودَه تـمـشي ابـساع
عـَـن دار ابـتـِـعـد ! مـَخـلوعـَه بـيـبانـَه
 
هالصيف المضه والشته اوبعده اربيع
وافـصول الـسـَـنـَـه بـالـدنـيـه سـَـلـْوانـَه
 
يا محله الخريف او مـَحـْلـَه الـوانـَـه
مـِمـْـتـَـن الجمال ايـنام بـاحضانـَـه
-------------------------------------------------------------------------------------
نوفمبر / 2015
ســــــــــــــــــتوكهولم










غير متصل نـور

  • مبدع قسم الهجرة
  • عضو مميز متقدم
  • *
  • مشاركة: 39378
  • الجنس: ذكر
  • عــــرااااقــــي غـــيـــــوووررررر
    • مشاهدة الملف الشخصي
رد: يامحـلـــــه الخريــف
« رد #1 في: 04:26 31/12/2015 »
شكـــرا علــى ,,النـقــل