قرب السفر ....وأنا كلشي ماعرف ..ساعدوني

[مستكة]

 السلام عليكم شلونكم يالطيبين ..هاي اول رسالة لي وما احب ان اكون ثقيلة الظل عليكم .
بعد فترة ان شاء الباري الكريم ان اسافر مع عائلتي الى كندا والحقيقة انا مااعرف شي  كلش كلش وقد استحصلت على بعض المعلومات من موقعكم الكريم .ولكنهاغير كافية البتة..
نحن 7افراد..سؤالي هو كم استطيع ان أخذ معي من المال..
وماهو مصير الذهب الذي البسه ؟
والسؤال المهم ماهي الاغراض التي يجب علي ان آخذها معي من تركيا من ملابس واواني طبخ واغطية واجهزة وغيرها وكل مايخطر ببالك اخي المجاب ..لاني احضرت نفسي لأملأ عشرة جنط وكلها خرابيط بخرابيط.  ارسدوني الله يحفظكم ويديمكم ذخر الي ولغيري .حتى استطيع ان احضر نفسي..
الله يبارك بيكم واعذروني على كثرة الاسئلة لكني متيقنة بان قلوبكم طيبة وسوف ترشدوني وتعلموني.
تحياتي لكم وتمنياتي لكن باطيب الاوقات

[mnkamala2000]

مبارك عليكم السفر اولا
حبيت استفسر منج كم سؤال قبل الاجابه وهمه :
1.المده بين تسليم الجواز واتصال لتحديد موعد السفر اشكد ؟
2.شوكت سلمتوا الجوازت ؟
3. شوكت جان التبصيم والفحص والمقابله القنصل ؟
4.شنو هيه الفقرات المتكمله بالموقع cic ؟

اجابه عن الاساله الي اعرفه ؛
المبلغ من المال يفضل يكون 10 الاف او اقل ولا يفضل يكون اكثر باعتباركم لاجئين وحتعيشون على مساعدات .
اني شخصيا اذا الله سهل واكتمل موعد سفري مخاخذ ولا فلس واذا احتاجيت ححول من اقربائي والمبلغ حعوفه يم الاقرباء ، علىمود ماحط نفسي ب س و ج . لان اي مبلغ جيبوا وياكم لازم تبلغون عنه بالمطار من توصلون بالسلتمه لكندا .
2. بالنسبه للغراض : الملابس الشتويه فقط وميحتاج اي غراض منزليه لان كلشي حيزودوكم مناك اغراض منزليه كامله من اكل لادوات المطبخ . بس يفضل تاخذون جكاير وميزيد عن 4 كلوسات لان غاليه جكاير هناك بسبب الضرائب .
اغطيه ميحتاج حيزودوكم مناك فقط ملابس .
احضروا الدوره النثقيفيه قبل السفر همه حيشرحولكم كلشي
اتمنى شرحي جان كافي واتمنى من الاخوه الي عنده اي اضافه يفيدنه بيها .

[ادم روني]

السلام عليكم ... اولا اقول مبروك قرب السفر وان شاء الله بالموفقية ... بالنسبه للاغراض الي مهمه كلش رغم بساطتها هي ( الشطاف للحمام ) وبما انه انتوا عائلة كبيرة اخذوااكثر من واحد لان اكيد راح ايكعدوكم في بيتين او بيت واحد بي حمامين .. طبعا يضاف عليهم الملابس الشتويه واذا امكن ايظا الشراشف لان حسب معلوماتي الشراشف هناك غاليه هوايه ... اخوان عندي ملاحظه وهاي موجه للكل هذا المنتدى مخصص لتبادل المعلومات لتكون الاستفاده للجميع .. لكن الملاحظ انه الكثير من اخوانه العرافيين يدخلون المنتدى فقط للمشاهدة دون المشاركة بالمعلومات الي ممكن ايفيدون بيها بقيه الاعضاء أو يدخلون ليسألون فقط فيما يخصهم قبل موعد السفر و ما اعرف ليش هذا الشي يحصل من قبل الكثير ياخوان من شنو تخافون من الحسد ؟ طيب الاغلبيه يدخلون بأسماء وهمية ومن النادر انه الواحد يعرف الثاني الا من خلال الاسماء الوهميه اذن الحسد غير موجود .. فليش يا اخوان تبخلون علينه بالمعلومات مع العلم احنه كلنه في مركب وحده ... طبعا كلامي غير موجه بشكل شخصي للاخت مستكه و مرحبا بها في منتدى كل العراقيين وانما كلامي موجه للكثير ممن يدخلون لاجل اخذ المعلومات من عندنا وهم لايزودوننا بأي معلومه .. تقبلوا مني كل الاحترام والتقدير وارجوا ان لا احد يزعل من كلامي

[مستكة]

الاخوة منكمالاوالاخ آدم...
شكرآجزيلا على المعلومات.اما عن الاستفسار المذكور فالاجابة هي ..لم نبلغ بعد بموعد السفر ومقابلة القنصل كانت قبل اربع شهور والفحص الطبي بنفس اليوم وبعدشهر من موعد المقابلة والفحص ظهرلنا في الموقع تم القبول كلاجئين.اتمنى للجميع التوفيق من كل قلبي وان تنتهي معاناتكم على خير.
واكررشكري واستمرار احتياجي للمعلومات..علما ان المدينة التي بها كفيلنا هي هاملتون ..وشكرا

[مستكة]

طبعا للاخ ادم اقول ...
آني مااعرف شي عن هذا المكان (عين كاوة)ولكن بعض الاصدقاء نصحني بالتسجيل .حتى اني لااملك ايميل وقد دخلت بايميل اخي..
مادري ماجاوبتوني بخصوص الذهب؟؟

[urukiraq]

يدخلون بغير اسماء مثل ما قال اخ ادم هههههههههههه
الحسد . اني نصف الكره الارضية تعرف

[عراقجي]

مبارك عليكم وان شاء الله توصلون بالسلامة وتحقيق امانيكم بطاعة الله. الجواب مثل ما كالوا الاصدقاء بالنسبة للمال . وبالنسبة للذهب اللي تلبسوا عادي ما يسألون عنه الا اذا كان مضموم ,وعلى العموم همة ما يفتشون حقائب اللاجئين بس يدخلوها بجهاز الكشف واني ما سمعت اكو واحد اخذو ذهبه او قللوا من المساعدات اللي يصرفوها اذا الواحد جايب ذهب, فتوكلي على الله والبسي الذهب وكل شي ميصير ان شاء الله. حاولوا تجيبون لاب توب لان هنا غاليات والتلفونات الكلاكسي والاي فون اذا تكدرون جيبو وياكم .الاغراض المنزلية هنا بلاش كل شي ينطوكم حتى الخواشيك فلا تدوخين نفسك .وتقبلو تحياتي

[outtoother]

بالنسبة للفلوس فكل شخص بالغ من حقة ١٠٠٠٠ دولار أدخلة وياه و هذا يعتبر مصرف جيب و ماكو اي مشكلة و لكل تعرف انه المصرف ينراد و ١٠٠٪ ضابط الجوازات الكندي راح يسألكم شكل مدخل فلوس وياك وبالنسبة للذهب فكلشي بالمعقول فشوية ينلبس و شوية بالجنط اتيهوا و يعبر كلى تمام
لكن اذا الفلوس دفاتر تملي الجنط و الذهب كيلوات للصبح لا هذا بحث اخر لازم تلكون حل لان ممكن ايصير بيها سين و جيم

[مستكة]

مبارك عليكم وان شاء الله توصلون بالسلامة وتحقيق امانيكم بطاعة الله. الجواب مثل ما كالوا الاصدقاء بالنسبة للمال . وبالنسبة للذهب اللي تلبسوا عادي ما يسألون عنه الا اذا كان مضموم ,وعلى العموم همة ما يفتشون حقائب اللاجئين بس يدخلوها بجهاز الكشف واني ما سمعت اكو واحد اخذو ذهبه او قللوا من المساعدات اللي يصرفوها اذا الواحد جايب ذهب, فتوكلي على الله والبسي الذهب وكل شي ميصير ان شاء الله. حاولوا تجيبون لاب توب لان هنا غاليات والتلفونات الكلاكسي والاي فون اذا تكدرون جيبو وياكم .الاغراض المنزلية هنا بلاش كل شي ينطوكم حتى الخواشيك فلا تدوخين نفسك .وتقبلو تحياتي

تحياتي الحارة..شكرا جزيلا والله يعطيك العافية ويسهل امرك

[مستكة]

بالنسبة للفلوس فكل شخص بالغ من حقة ١٠٠٠٠ دولار أدخلة وياه و هذا يعتبر مصرف جيب و ماكو اي مشكلة و لكل تعرف انه المصرف ينراد و ١٠٠٪ ضابط الجوازات الكندي راح يسألكم شكل مدخل فلوس وياك وبالنسبة للذهب فكلشي بالمعقول فشوية ينلبس و شوية بالجنط اتيهوا و يعبر كلى تمام
لكن اذا الفلوس دفاتر تملي الجنط و الذهب كيلوات للصبح لا هذا بحث اخر لازم تلكون حل لان ممكن ايصير بيها سين و جيم

الله يعافيك معلومات طيبة
الله ييسر عليك امرك وينطيك الصحة والعافية

[مستكة]

يدخلون بغير اسماء مثل ما قال اخ ادم هههههههههههه
الحسد . اني نصف الكره الارضية تعرف

شكرا على مداخلتك الميمونة ..انه دخلت باسمي وشخصيتي ولكن بايميل اخي وهذا ليس بالعمل المشين..وبعدين انا اللي قلت لكم ذلك ولم تكتشفه انتولاغيرك ..بعدين لازم تعرف ان الحسد موجود ويجب الاحتراس منه بالكتمان كما قال الرسول محمدصلى الله عليه وسلم(اكثر سكان المقابر من العين)ولاتنسى فان القران الكريم ذكر الحسد وشره..
الله يبارك بيك ويحفظك الى اهل بيتك ..واعذرني

[Layal89]

الله يسهل عليكم و ان شاءالله توصلون بالسلامه
اني بعدني بتركيا بس دائما اسمع اذا انتي محجبه اخذي وياج ملابس محجبات لأن اول فتره صعب تلكين الشي المناسب خاصتا اذا تلبسين جبه و بتركيا ملابس المحجبات والشالات ارخص واحلى , و بالنسبه للفلوس يسألون بالمطار شكد شايلين وياكم
 بس حبيت اسألكم شكد المده بين مقابلة اليوان و بين مقابلة السفاره الكنديه ؟مشكوره مقدما

[مستكة]

الله يسهل عليكم و ان شاءالله توصلون بالسلامه
اني بعدني بتركيا بس دائما اسمع اذا انتي محجبه اخذي وياج ملابس محجبات لأن اول فتره صعب تلكين الشي المناسب خاصتا اذا تلبسين جبه و بتركيا ملابس المحجبات والشالات ارخص واحلى , و بالنسبه للفلوس يسألون بالمطار شكد شايلين وياكم
 بس حبيت اسألكم شكد المده بين مقابلة اليوان و بين مقابلة السفاره الكنديه ؟مشكوره مقدما

شكرا جزيلا ليالي الله يرضى عليك فعلا انا محتاجة مثل هاي الملابس..وبخصوص سؤالك عن الفترة مابين مقابلة اليو ان والسفارة ...الجواب هوستة شهور بالتمام والكمال..ادعوالله ان ييسر لكم اموركم وامور كل اللاجئينالعراقيين .
ليش انتم بعدكم لي هسة ماطالعلكم توطين ..لو بعدكم ماقابلتو بالسفار؟؟؟
تحياتي و(ساوول)..

[Layal89]

شكرا جزيلا ليالي الله يرضى عليك فعلا انا محتاجة مثل هاي الملابس..وبخصوص سؤالك عن الفترة مابين مقابلة اليو ان والسفارة ...الجواب هوستة شهور بالتمام والكمال..ادعوالله ان ييسر لكم اموركم وامور كل اللاجئينالعراقيين .
ليش انتم بعدكم لي هسة ماطالعلكم توطين ..لو بعدكم ماقابلتو بالسفار؟؟؟
تحياتي و(ساوول)..

احنه صار سنه ونص هنا بتركيا و مقابلة اليو ان بعد اقل الشهر ان شاءالله, بس عائلة زوجي بكندا كلهم درجه اولى و اذا الله راد واثقين تطلعلنه كندا و قبل 3 اشهر قدمنا على الكنائسيه بس بعد ماكو جواب , ان شاءالله اليو ان اسرع منهم
شكرا على دعواتكم الحلو وان شاءالله يوم الي تكتبين موضوع الوصول وتشاركينه فرحتكم و تجربتكم

[ادم روني]

[/colorشكرا لكل الاخوان على مشاركاتهم المفيدة ... وتحية للاخت مستكه وان شاء الله تسهل وياكم الامور وتوصلون بالسلامة والموفقية كذلك لكل المتقدمين والمنتظرين بفارغ الصبر ... طبعا من ناحية الفلوس مثل مكالوا الاخوان عدم الاكثار من المبالغ وطبعا تتوزع على افراد العائله وكذلك الذهب وحبيت انوه على شغله اختي العزيزه وهي شراء كفوف من النوع الزين وجواريبات صوف ولفافات لان هاي الشغلات في البداية كلش مهمه لان انتوا راح توصلون وقت الثلوج .. واتمنى ان تتواصلين ويانه بالمعلومات حتى بعد الوصول الى كندا لان هاي المعلومات تكون جدا مفيدة لجميع المتقدمين لانه الي يوصل ايكون مر بكل الاجراءات وتفاصيلها وبنفس الوقت هو يكون العين التي نرى بها ما يدور من اجراءات والخ عند الوصول ... تحياتي للجميع ]

[مستكة]

ليال..شكرا لك واتمنى لكم القبول التام وباسرع وقت وتجتمعون مع اهل زوجك بكل خير ويلتم شملكم .ومااوصيك الا بالصبر والتفاؤل وحسن الظن بالله الكريم ..
تحياتي الحارة.
اخي العزيز آدم...شكرا على النصائح الزينة وانشاءالله سالتزم بها ..تمنياتي لك بالموفقية وتحقيق الأماني.

[عراقجي]

نسيت اذكر شغلة الادوية,شكد ما تكدرين تجيبين ادوية لا تقصرين لان الطب هنا ويا انتظار السرة يموت الواحد وبعده ما صارفين اله الدوا .خاصة الابر والسرنجات وادوية الامراض المزمنة والتشنجات .ترا هنا مومثل بغداد شوكت متريد تشتري الدوا اللي تريده؟ لازم انتظار الدكتور شوكت يوصف لك الدوا.وتقبلي تحياتي

[مستكة]

نسيت اذكر شغلة الادوية,شكد ما تكدرين تجيبين ادوية لا تقصرين لان الطب هنا ويا انتظار السرة يموت الواحد وبعده ما صارفين اله الدوا .خاصة الابر والسرنجات وادوية الامراض المزمنة والتشنجات .ترا هنا مومثل بغداد شوكت متريد تشتري الدوا اللي تريده؟ لازم انتظار الدكتور شوكت يوصف لك الدوا.وتقبلي تحياتي

جزاك الله الف خير اخي ..عراقجي
تمنياتي لك بالتوفيق

[ادم روني]

الاخ عراقجي كان عندي سؤال هي الادوية مسمحوح دخولها لكندا ... والمراهم للتشنجات وغيرها مسموح دخولها للطائرة ؟ وخصوصا في ظل الاجراءات الامنية الحاليه .. لان حسب معلوماتي اي شي بودر او عصاره مرهم ميسمحون بدخولها للطائرة ... رغم انه هي فعلا مثل ما اتفضلت انه هذه شغلات جدا مهمه وخصوصا ال ( فلواوت , البنادول , والمساجيل الرش ومرهم موف هذه لللفلاونزا والتشنجات )

[عراقجي]

الاخ آدم, بعد التحية والاكرام
اذا وضعت الادوية بالجنط الكبيرة ما عليها شي يسمحون ان شاء الله, بس ممنوع تحطها بالهاندباك .بالنسبة للادوية الضرورية مثل:بخاخ للمصاب بالربو, دوا البروستات, فولتارين, وغيرها من الادوية للامراض المزمنة :مرض القلب وغيرها من الامراض.لان هنا المشكلة هي الانتظار ,انتظار موعد الطبيب , والمريض ما يكدر ينتظر .والادوية المسكنة موجودة تكدر تشتريها هاي مو مهمة, لان تكدر تحصل عليها بدون وصفة طبية بس غالية مثل :البندول والفلو اوت و مراهم التشنجات موجودة بدون وصفة, بس اني قصدت الامراض العصية والالتهابات مثل :اموكسيسيلين من المضادات الحيوية اللي ما تنصرف هنا الا بوصفة طبية, هاي هي المشكلة.طبعا الابر والسرنجات مهمة جدا لازم الواحد يجيبها وياه. وتقبل تحياتي

[ادم روني]

ممنون اخوية عراقجي على التوضيح جزاك الله كل خير

[mnkamala2000]

طبعاهاي القانونين قريته بورقه الدخول الى كندا والي تسمه Declaration Card

200 cigarettes, 200 tobacco sticks,
50 cigars or cigarillos and
200 grams of manufactured tobacco
(Special Duty may apply).

Currency and/or monetary instruments totaling
CAN$10,000 or more.

Meat/meat products; dairy products; fruits;
vegetables; seeds; nuts; plants and animals or their
parts/products; cut flowers; soil; wood/wood
products; birds; insects

ممكت تفيدكم