المحرر موضوع: هـذي قـصتي اويـه الـزَمـَـن  (زيارة 2340 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
هـذي قـصتي اويـه الـزَمـَـن
مسسون نعيم الرومي
 
عـَـلـَّمـتـني اشـلـون اسـكـت وانـتـظـر – عـَـلـَّمـتـني اشـلـون احچي اويـه الگـمـَر
واحـسب آنـَه اويـاك حَبـّات المـطـَر – واكـتـب اشـعـاري عـلى اوراق الـشـَـجـَر
يـالـّي أبـدا ًما وفـيـــت
مـن غـرورك ما شـفـيـت
ضاع عـرفـَـك ما دريـت
جـَـمر اوصفـَه ارماد!وابـروحي هـفـَت – لـو زرعـت ابـدَغل تحصد بس قهـر
عـَـلـَّمـتـني اشـلـون اسـكـت وانـتـظـر
***
عـَـلـَّمـتـني الـدَمع حـدَّه اويـه الجـفـن – عـَـلـَّمـتـني الروح تـغـْرَگ بالحزن
الگـَـلب مـَلچـوم جـَرْحـَه اوهاليـون – عـَـلـَّمـتـني افـنـون واشـكال المـِحـَـن
وانـتَ وَعـْـدَك چـَـن ضبـاب
بـاب گـَـلـْبـَـك والـف بـاب
كـلـْهـَه تـركض عَ السـَراب
اتـراوي عـَـنـبـَر حـيـف واتـبـيـع  الـدخـن – گالو العـَـب لـعـِب لعـْبات الدهـَر
عـَـلـَّمـتـني اشـلـون اسـكـت وانـتـظـر
***
عـَـلـَّمـتـني لاتراهن تخسر اودوم الرهان – عـَـلـَّمـتـني الچان والكان اومـَـكـان
شـَـوفـتـني اشـلون نكـبات اشكـثـرهذا الزمان – خايـن او ما أبـَـد ماعـندك أمآن
دولاب هـالـبـيـنـَه اويـدور
لاهي ظـَـلـْمـَه اولاهي نـور
طاحـَـت انـهـدمـَت جـسـور
هايـه قـصتي امـعـارَك اويـاي الـزَمان – يـاغـربـتي مـثـل سـَـوّاح ابـسـَـفـَـر
عـَـلـَّمـتـني اشـلـون اسـكـت وانـتـظـر
عـَـلـَّمـتـني اشـلـون احچي اويـه الگـمـَر
----------------------------------------------------------------
2 / جانوري / 2016
ســـــــــــــتوكهولم