قــصـر الـنـهـايـة


المحرر موضوع: قــصـر الـنـهـايـة  (زيارة 856 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 500
    • مشاهدة الملف الشخصي
    • البريد الالكتروني
قــصـر الـنـهـايـة
« في: 21:53 04/02/2016 »
قــصـر الـنـهـايـة
ميسون نعيم الرومي
 
يـاقـَصر الـنـِـهـايـه لـيـش ؟ يـاقـَصر الـمـْـلـوك
مـَـذبـوحـَه بـيـك ارواح مـَـدْفـونـَـه بـالـشـوك
***
مـَصبـوغـَه گـاعـَـك دَم قـَـصر الـنـِـهـايـه
خـيـرَة شـَـبـاب الـراح ! صارَت سـبـايـه
***
سـاكـت چـثـيـرَه اسـنـيـن قـَـصر الـنـِـهـايـه
احچي عـلى الـلي صار! وامـن الـبـدايــه
***
بـربـعـْطـَعـَـش رمضان ! نـادَوْ إبـــاده
ماأنـسه ذاك اليـوم ! غـيـمـَه اوسـوادَه
***
كـلـما يـجـيـنـَـه اشـبـاط تـلـْچـمـْـنـَه لجـروح
راح الـعـراق انـبـاع ! والـشـَـعـَـب مـَـذبـوح
***
بـربـعـْطـَعـَـش رمضان ذبـحـَوا ولـدْنـَه
دَمـهـم لحـَـد الـيـوم يـحـرگ ابـدَمـْـنـَه
***
وَجـَّـت بـگايـه الروح ! وانـتـفـضت اجـروح
كـلـما يـجـيـنـَه اشـبـاط ! بـس نـبـچي وانـّـوح
***
صَفـَّـوا ولـدْنـَـه ليش ؟ خـَرْبـَـوا وطـَنـَّه
مـن أهـَـد ذاك اشـبـاط ما نـشـَـف دَمـنـَه
***
ماتـنـسـي اولـَـتـروح ! ذكـرى حـَزيـنـَه
هـَـدّوا عـلـيـنـَه اشـرار! حـيـف انـولـيـنـَه
***
شـبـاط الإجـانـَـه الـيـوم ! يـبـچي وايـنـادي
رَدّ العـراق ايـنـوح ! بـيـــد الأعـادي
***
يـعـراقي كافي اوبـَـس ! مـا بـَـعـَـد نـحـمـل
هـذا الـعـمـر هـالـراح ! والـدَمـع يـهـمـل
***
كـون الـفـَـلـَـك يـنـدار يـخـلـَص نـَـفـطـنـَه
أمـريـكه ما تـرضاش يـهـدأ وَضعـْـنـَـه
-----------------------------------------------------
بمناسبة مرور53 سنة على انقلاب شباط الأسود
2016
ســـــــــــــــتوكهولم