الى ســـنـجـار


المحرر موضوع: الى ســـنـجـار  (زيارة 882 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
الى ســـنـجـار
« في: 17:38 05/02/2016 »

الى ســـنـجـار



ميسون نعيم الرومي

 
باعوا بناتك كوم يعراقي انهض
ابلحمك صرخ مازاد ضلعك هالنرَض
***
هدوا على الحرات فجـّـروا دمهه
صوت اصرخت سنجار محد سمعهه
***
هم الحكومه اليوم تنهب بلدنه
يا شعب انهض گوم انقذ ولدنه
***
بادوا شعب يا ناس هالعالم اغبر
گالوا يزيدي هاذ جنسيته اسمر
****
محد نصرهم ليش رايد أنه اسأل
نايب جليل انصاف بالشينه يقبل
***
دين الجديد اليوم من جوَّه لحزام
هجرت بلدهه اطفال ماتت بلخيام
***
 ابنية العراق اتصيح تطلب حمايه
نايب سمعهه اوراح والغايه غايه
***
ارضچ مزار ايصير يا بلد سنجار
أحمر ورد بالگاع من دم الاحرار
***
زينوا الشوارب هاي بعتوا وطنه
انغصبن بنات آلاف عطب چبدنه
***
رمز البطوله اليوم يالناديه انتِ
ابظلم النساء اليوم رايه رفعتي
***
ـ (نوبل) فرح هاليوم رمزه يمنـحچ
قدوة نــساء الكون شـهدت دمعتـچ
-----------------------------------------------------------------------------------------------------------------------
4/ شباط/2016
ســــــــــــــــتوكهولم