اشـبـَـع نـَـسْـتــَـلـَه


المحرر موضوع: اشـبـَـع نـَـسْـتــَـلـَه  (زيارة 1184 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 499
    • مشاهدة الملف الشخصي
    • البريد الالكتروني

اشـبـَـع نـَـسْـتــَـلـَه


ميسون نعيم الرومي

 
اتـْـفـَـضّل اوإشـْـبـَـع نـَـسـْـتـَـلـَه
يـاشـَـعـَـب صارَت مـَهـْـزَلـَـه
غـَـلـْطـَـه مـن شـاطـر.. بـَـلـْـبـَـلـَه
لـو يـعـْـني هـيـّـه مـَـسـْـخـَـرَه ؟
لـو خـايـف انـتَ امـن الـشـِـرَه
اتـعـوف الـمـَـنـاصب اشـْـكـَـرَه
الـيـحـمي رايـد مـَـنـْـبـَـرَه...
يـطـلـَع يـقـود الـجـَـمـْهـَـرَه
احـمـي الـنـِـضال .. اتـصَدّرَه
اركـض ركـض .. كـلـْمـَـن إلـه
مـامـش شـَـكـَـر .. بـَـس نـَسـْـتـَـلـَه
حـيـف اوألـف مـنـَّـك إلـه
اتـْـفـَـضّل اوإشـْـبـَـع نـَـسـْـتـَـلـَه
***
اتـْـفـَـضّل اوإشـْـبـَـع چـكـلـيـت
لـَـطـْـمـيـّه عـدْنـَـه ابـكـل بـيـت
مـامـش عـَـمـَـل .. مـامـش صيـت
مـو بـالـحـَچـي اوكـيـت اوكـيـت
والـيـسـنـد يـعـَـمـّي الـمـَـفـْـسـَـدَه
مـاتـنـْـفـَـعـَـه كـلـْـمـَة ريـت
اربـَـعـْـطـَعـَـش هـالـضلـيـت
اشـْـقـَـدمـت .. واشـخـَـلـيـت؟
عـَـن الـشـَـعـَـب واتـخـَـلـيـت!
بـَـس الـحـزن .. مـن اوعـيـت
يـاشـَـعـَـب شـَـكـْـبـن چـكـلـيـت
هـذا الـشـَـعـَـب مـنـْهـو إلـه؟
اتـْـفـَـضّل اوإشـْـبـَـع نـَـسـْـتـَـلـَه
***
بـَـقـلاوه وي مـَـن السـِمـَه
الـچـاي .. شـرْبـَـه دَشـْـلـَـمـَه*
اهـبـر هـَـبـر بـالـدولـُـمـَه
تـكـبـَـر اكـروش امـْـعـَـمـّـمـَه
تـِــنـْحـَـل !!! زغـيـره الـمـوزمـَـه*
جـَـتـكـم مـصيـبـَـه امـن السـمـَه
خـُـبـْـزَه شـَـعـَـبـْـنـَـه ايـلـَـمـْـلـِمـَه
زيـنـو الـشـوارب والـلـحى
مـنـْهـو الـذي يـحـمي الحـِـمـَه؟
كـلـمـَن اويـبـري ابـْـقـَـلـَـمـَه
رِدْنـَـه الـعـَـمـَـل والـكـَـلـِـمـَه
خـبـْـزَة يـتـامى امـْحـَـلـِـلـَه
اتـْـفـَـضّل اوإشـْـبـَـع نـَـسـْـتـَـلـَه
--------------------------------------
*الدشلمة:- عدم وضع السكر في كوب الشاي
ووضعها فوق اللسان
*الموزمه :- المشكلة
-----------------------------------------------
آذار / 2016
ســـــــــــــتوكهولم









غير متصل Malik iraqee

  • عضو جديد
  • *
  • مشاركة: 1
  • منتديات عنكاوا
    • مشاهدة الملف الشخصي
    • البريد الالكتروني
رد: اشـبـَـع نـَـسْـتــَـلـَه
« رد #1 في: 08:05 05/03/2016 »
حلوة ...


غير متصل ميسون نعيم الرومي

  • عضو فعال جدا
  • ***
  • مشاركة: 499
    • مشاهدة الملف الشخصي
    • البريد الالكتروني
رد: اشـبـَـع نـَـسْـتــَـلـَه
« رد #2 في: 20:12 09/02/2017 »
الأستاذ مالك العراقي المحترم
تحية طيبة
شكرا لمروركم العطر
مع ودي
ميسون نعيم الرومي