المحرر موضوع: ܫܲܪܲܪܬܐ ܠܚܸܠܡܐ ܕܚܲܕ̄ ܫܲܒܼܪܐ ܟܪܝܼܗܐ  (زيارة 1556 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
تحقيق حلم طفل مريض
ܫܲܪܲܪܬܐ ܠܚܸܠܡܐ ܕܚܲܕ̄ ܫܲܒܼܪܐ ܟܪܝܼܗܐ
ܡܠܘ̇ܐܵܐ ܦܪܝܼܣܐ ܓܵܘ ܒܹܝܬܼ ܗܲܘܦܐ ܕܥܲܢܟܵܘܐ
ܒܝܲܕ ؛ ܫܡܥܘ̇ܢ ܟܘ̇ܣܐ
ܬܲܪܓܵܡܬܐ ܥܲܠ ܠܫܵܢܐ ܐܬܘܼܪܵܝܐ
ܥܲܒܼܕܝܼܫܘ̇ܥ ܣܵܗܕܐ

ܒܪܲܡܫܐ ܕܚܲܕ̄ ܝܵܘܡܐ ܠܡܲܪ̈ܙܵܢܹܐ ܕܩܲܪܒܵܢܬܐ ܕܥܹܐܕܵܘܵܬܼܐ ܕܡܲܘܠܵܕܐ ܘܪܹܫܐ ܕܫܹܢ̄ܬܐ، ܛܘܼܩܛܸܩܠܹܗ ܠܬܲܪܥܐ ܕܒܲܝܬܵܢ ܚܲܕ̄ ܡܢ ܓܲܒܼܪ̈ܐ ܕܕܵܥܘ̇ܟܼܘܼܬܼܐ ܛܥܝܼܢܐ ܥܲܡܹܗ ܣܘܼܪܓܵܕܐ ܚܲܕ̄ܬܼܐ ܕܦܵܐܹܫ ܛܒܼܝܼܥܐ ܘܲܦܪܝܼܣܐ ܡܢ ܡܕܲܒܪܵܢܝܼܬܹܗ ܒܟܠ ܫܹܢ̄ܬܐ ܠܡܲܢܗܵܪܬܐ ܠܦܘ̇ܬܼ ܚܘܼܦܵܛ̈ܐ ܕܲܡܕܲܒܪܵܢܝܼܬܹܗ ܡܫܲܚܠܦ̈ܐ ܕܓܵܘ ܡܕܝܼܢ̄ܬܐ، ܘܗܵܘ ܥܠܲܝܡܐ ܕܲܠܒܼܝܼܫܐ ܝܗ̄ܘܐ ܠܒܼܝܼܫܬܐ ܫܲܦܝܼܪܬܐ ܟܹܐ ܝܵܕܥܵܚ ܗ̄ܘܵܐܠܹܗ ܘܩܵܡ ܩܵܪܲܚܠܹܗ ܕܦܵܩܸܕ ܘܫܵܬܹܗ ܚܲܕ̄ ܢܸܨܠܐ ܕܩܵܗ̄ܘܐ ܘܡܼܢ ܒܵܬܲܪ ܕܕܪ̈ܫܠܲܢ ܩܲܠܝܼܠ ܒܨܸܒܘܵܬܼܐ ܕܐܲܝܟܵܢܘܵܬܼܐ ܕܫܲܥܬܼܐ ܕܩܵܐܹܡ، ܘܡܘܼܚܙܹܐܠܲܢ ܩܐ ܐܲܪܚܵܢ ܝܲܕܝܼܕܐ ܠܕܘܼܡܵܪܵܢ ܫܲܪܝܼܪܐ ܒܲܦܘܼܠܚܵܢܐ ܕܒܸܩܝܵܡܐ ܝ̄ܠܲܝܗܝ̈ ܒܝܹܗ ܓܲܒܼܪ̈ܐ ܕܕܵܥܘ̇ܟܼܘܼܬܼܐ ܕܝܼܠܲܝܗܝ̈ ܥܲܡ ܕܵܥܘ̇ܟܼܘܼܬܼܐ ܕܝܘܼܩܕܼܵܢ̈ܐ ܒܸܩܝܵܡܐ ܝ̄ܠܲܝܗܝ̈ ܒܥܘܼܕܼܪܵܢܐ ܕܲܟܪ̈ܝܼܗܹܐ ܠܟܠ ܡܢܕܝܼ ܕܲܣܢܝܼܩܹܐ ܝ̄ܠܲܝܗܝ̈ ܥܲܠܠܹܗ ܒܥܸܕܵܢܐ ܕܓܸܕܫܐ ܐܵܘ ܒܚܲܕ̄ ܟܠܲܝܬܐ ܥܲܣܩܐ، ܠܐ ܒܥܹܐܠܝܼ ܕܚܲܬܡܵܐ ܗ̄ܘܐ ܬܦܵܩܬܲܢ ܕܠܐ ܐܲܡܪܸܢ ܗ̄ܘܐ ܩܵܬܹܗ ܠܒܼܝܼܫܬܐ ܕܓܲܒܼܪܐ ܕܕܵܥܘ̇ܟܼܘܼܬܼܐ ܝܼܠܵܗ̇ ܡܫܲܕܠܵܢܬܵܗ̇ ܩܐ ܥܠܲܝܡ̈ܐ ܘܲܒܨܘܼܪܬܐ ܕܝܼܠܵܢܲܝܬܵܗ̇ ܩܐ ܫܲܒܼܪ̈ܐ ܥܲܡ ܠܒܼܝܼܒܼܘܼܬܹܗ ܕܝܼܠܵܗ̇ ܫܩܝܼܠܬܵܗ̇ ܫܲܘܦܐ ܒܬܸܕܡܘܼܪܬܐ ܩܐ ܟܠܲܝܗܝ̈ ܐ̄ܢܵܫ̈ܐ، ܠܐܲܟܼܐ ܦܬܝܼܠܹܗ ܦܵܬܹܗ ܓܲܒܼܪܐ ܕܕܵܥܘ̇ܟܼܘܼܬܼܐ ܥܲܠܠܝܼ ܘܡܝܼܪܹܗ؛ ܗܲܡܙܲܡܬܘܼܟܼ ܠܛܸܦܠ̈ܐ ܐܵܘ ܫܲܒܼܪ̈ܐ ܘܬܸܕܡܘܼܪ̈ܬܲܝܗܝ ܡܘܼܕܥܸܪܵܗ̇ ܠܪܸܢܝܝܼ ܚܕܵܐ ܫܘܼܥܝܼܬܼܐ ܫܲܪܝܼܪܬܵܗ̇ ܡܲܥܸܒܕܵܢܬܵܗ̇ ܒܵܥܹܝܢ ܡܗܵܩܸܢܵܗ̇ ܩܵܬܲܘܟܼܘܼܢ ܘܗܲܕܟܼܐ ܒܹܐ̄ܡܵܪܐ ܝ̄ܠܵܗ̇؛ ܐܝܼܬܼ ܗ̄ܘܐ ܚܕܵܐ ܐܲܬܬܼܐ ܥܠܲܝܸܡܬܼܐ ܕܦܝܼܫ ܗ̄ܘܵܐܠܵܗ̇ ܐܲܪܡܸܠܬܼܐ ܘܐܝܼܬܼ ܗ̄ܘܵܐܠܵܗ̇ ܚܲܕ̄ ܒܪܘܼܢܐ ܙܥܘܼܪܐ ܫܡܹܗ ܒܝܼܠܝܼ، ܘܐܵܗܐ ܫܲܒܼܪܐ ܐܝܼܬܼ ܗ̄ܘܵܐܠܹܗ ܐܸܫܬܐ ܫܸܢ̈ܐ ܘܲܟܪܝܼܗܐ ܝܗ̄ܘܐ ܒܡܲܪܥܐ ܕܐܲܠܠܘ̇ܟܝܼܡܝܐ، ܘܟܲܕ ܓܠܹܐ ܠܗ̄ܘ̇ܢ ܐܵܣܝ̈ܐ ܩܐ ܝܸܡܹܗ ܠܕܲܥܬܝܼܕܼ ܕܝܼܠܹܗ ܕܠܹܐ ܚܲܝܹܗ ܪܵܒܐ، ܘܡܝܼܪ̈ܘܼܢ ܡܸܢܝܵܢܐ ܕܲܨܠܵܝܬܐ ܫܘܼܪܹܐܠܹܗ، ܡܛܠ ܦܪܝܼܩܠܗ̄ܘ̇ܢ ܟܠܲܝܗܝ̈ ܡܸܨܥܲܝܗܝ̈ ܠܦܵܪܲܩܬܹܗ، ܘܟܹܐ ܡܲܥܒܸܪܵܐ ܗ̄ܘܗ̇ ܝܸܡܹܗ ܠܝܵܘܡܵܬܼܐ ܒܩܘܼܪܒܐ ܕܫܲܒܼܪܵܗ̇ ܝܼܚܝܼܕܼܵܝܐ، ܘܒܟܠ ܓܵܫܵܩܬܐ ܥܲܠܠܹܗ ܠܒܵܗ̇ ܝܵܩܸܕ ܗ̄ܘܗ̇ ܒܢܘܼܪܐ ܘܢܲܦ̮ܫܵܗ̇ ܡܝܲܬܪܵܐ ܗ̄ܘܵܗ̇ ܒܝܼ ܫܡܲܛܬܵܐ، ܘܣܲܒܼܪܵܗ̇ ܩܲܕ̄ܡܵܝܐ ܝܼܗ̄ܘܐ ܕܚܲܙܝܐ ܗ̄ܘܵܗ̇ ܠܲܒܪܘܼܢܐ ܡܓܲܪܒܼܘܼܣܹܐ ܘܒܸܪܘܵܝܐ ܩܲܕ̄ܡܵܗ̇ ܘܫܲܪܘܼܪܹܐ ܚܘܼܠܡܵܢܹܗ، ܐܝܼܢܐ ܡܢ ܒܵܬܲܪ ܡܐ ܕܲܫܡܝܼܥܠܵܗ̇ ܠܚܲܒܪܐ ܡܢ ܐܵܣܝ̈ܐ ܡܫܘܼܚܠܸܦ ܠܗ̄ܘ̇ܢ ܣܲܒܼܪ̈ܵܗ̇ ܥܲܠ ܗܲܣܪ̈ܲܬܹܐ ܘܛܘܼܪܵܦܐ ܐܝܼܢܐ ܒܥܵܝܬܼܵܗ̇ ܚܲܝܠܵܢܬܵܗ̇ ܠܡܲܩܪܵܒܼܬܐ ܕܚܲܕܘܼܬܐ ܩܐ ܒܪܘܼܢܵܗ̇ ܐܵܦܸܢ ܕܝܼܬܼ ܓܲܕܐ( ܩܲܕܲܪ) ܦܬܝܼܚܠܵܗ̇ ܕܘܼܪܵܫܐ ܒܗܵـܝ ܨܒܘܼܬܐ، ܟܲܕ ܩܘܼܪܒܸܢܵܗ̇ ܝܸܡܐ ܡܢ ܥܲܪܣܐ(ܫܘܝܼܬܐ) ܕܲܒܪܘܼܢܐ ܒܝܼܠܝܼ ܘܲܕܒܼܝܼܩܠܵܗ̇ ܒܐܝܼܕܹܗ ܘܡܝܼܪܵܗ̇ ܩܵܬܹܗ ܒܩܵܠܐ ܡܸܠܝܐ ܡܢ ܚܢܵܢܐ؛ ܒܪܘܼܢܝܼ ܬܘܼܚܡܸܢܠܘܼܟܼ ܒܪܸܢܝܘܼܟܼ ܕܗܵܘܸܐܠܘܼܟܼ ܚܲܕ̄ ܣܲܒܼܪܐ ܒܚܲܝܘܼܬܘܼܟܼ ܩܐ ܢܲܦ̮ܫܘܼܟܼ ܒܕܲܥܬܝܼܕ؛؟ ܝ̄ܗܝܼܒܼܠܹܗ ܦܘܼܢܵܝܐ ܛܸܦܠܐ ܘܒܲܪܣܵܡܬܐ ܪܫܝܼܡܬܵܗ̇ ܠܦܵܬܹܗ ܡܝܼܪܹܗ ܚܘܼܠܡܝܼ ܐܲܡܝܼܢܵܝܐ ܝܼܠܹܗ ܕܗܵܘܸܢ ܓܲܒܼܪܐ ܕܕܵܥܘ̇ܟܼܘܼܬܼܐ، ܫܘܼܚܠܸܦܠܵܗ̇ ܝܸܡܹܗ ܥܲܡܹܗ ܒܲܪ̈ܣܵܡܬܐ ܘܡܝܼܪܵܗ̇؛ ܫܒܼܘܼܩ ܚܲܙܸܝܚ ܡܘܼܕܝܼ ܐܝܼܬܼ ܒܲܡܨܵܝܬܲܢ ܕܩܵܝܡܸܝܚ̈ ܒܐܵܗܐܦܘܼܠܚܵܢܐ، ܘܒܚܲܕ̄ ܥܕܵܢܐ ܥܘܼܪܩܸܠܬܐ ܒܗܵܘ ܝܵܘܡܐ ܦܣܸܥܠܵܗ̇ ܘܙܝܼܠܵܗ̇ ܝܸܡܐ ܕܗܵܘ ܛܸܦܠܐ ܥܲܠ ܡܕܲܒܪܵܢܝܼܬܼܐ ܕܕܵܥܘ̇ܟܼܘܼܬܼܐ ܘܲܬܦܝܼܩܠܵܗ̇ ܒܚܲܕ̄ ܡܼܢ ܡܸܫܬܲܐܠܵܢ̈ܐ ܘܦܘܼܫܸܩܠܵܗ̇ ܩܵܬܹܗ ܒܥܵܝܬܐ ܕܫܲܒܼܪܵܗ̇ ܐ̄ܚܲܪܵܝܬܵܗ̇، ܘܦܘܼܪܦܸܠܵܗ̇ ܒܝܹܗ ܕܡܲܪܝܸܙ ܚܕܵܐ ܚܕܵܪܬܐ ܓܵܘ ܡܕܝܼܢ̄ܬܐ ܕܚܵܙܹܐ ܒܝܼܠܝܼ ܠܓܵܐܢܹܗ ܪܟܝܼܒܼܵܐ ܒܪܵܕܲܝܬܐ ܕܕܵܥܘ̇ܟܼܘܼܬܐ ܩܐ ܕܪܵܥܸܫ ܕܝܼܠܹܗ ܓܲܒܼܪܐ ܕܕܵܥܘ̇ܟܼܘܼܬܼܐ ܐܵܦܸܢ ܩܐ ܚܕܵܐ ܥܕܵܢܐ ܟܪܝܼܬܼܐ؛ ܦܫܝܼܡܠܹܗ ܗܵܘ ܡܸܫܬܲܐܠܵܢܐ ܕܕܵܥܘ̇ܟܼܘܼܬܼܐ ܒܚܲܒܪ̈ܵܢܹܐ ܕܲܦܠܝܼܛܠܗ̄ܘ̇ܢ ܒܚܲܢܝܼܢܘܼܬܼܐ ܡܢ ܪ̈ܥܵܫܝܵܬܼܐ ܕܝܸܡܐ ܚܲܢܵܢܬܵܗ̇ ܘܡܝܼܪܹܗ ܩܵܬܵܗ̇؛ ܒܸܕ ܩܵܝܡܵܚ̈ ܒܡܸܢܕܝܼ ܕܝܼܠܹܗ ܒܸܫ ܛܵܒܼܐ ܩܐ ܛܸܦܠܐ، ܟܲܕ ܒܥܵܝܐ ܝ̄ܘܸܢ ܡܢܵܟܼܝ ܕܗܵܘܹܐ ܡܛܲܝܒܼܐ ܐܵܘ ܗܵܙܸܪ ܒܪܘܼܢܵܟܼܝ ܡܛܠ ܒܵܬܲܪ ܬܠܵܬܼܐ ܝܵܘܡܵܬܼܐ ܒܐܵܬܹܝܚ̈ ܠܒܲܝܬܵܘܟܼܘܼܢ ܘܫܲܩܠܵܚܠܹܗ ܕܦܵܣܹܥ ܥܲܡܲܢ ܝܵܘܡܐ ܒܲܓܡܝܼܪܘܼܬܹܗ ܡܐܲܝܟܼ ܓܲܒܼܪܐ ܕܕܵܥܘ̇ܟܼܘܼܬܼܐ ܒܐܝܼܩܵܪܐ، ܒܗܵܘܹܐ ܒܝܼܠܝܼ ܥܲܡܲܢ ܘܒܸܕ ܦܵܠܹܛ ܒܟܠ ܝܲܨܝܼܦܘܼܬܼܐ ܘܘܵܠܝܼܬܵܗ̇ ܕܩܵܝܡܵܚ̈ ܒܝܼܵܗ̇ ܒܗܵܘ ܝܵܘܡܐ، ܘܩܐ ܕܗܵܘܹܐ ܫܲܒܼܪܐ ܒܚܲܕܘܼܬܐ ܝܲܬܝܼܪ ܒܸܒܥܵܝܐ ܝ̄ܘܸܢ ܡܢܵܟܼܝ ܗܲܒܼܠܝܼ ܡܫܘܼܚܵܬܼܐ(ܡܲܩܵܐܝܹܝܣ) ܕܲܠܒܼܝܼܫܬܹܗ ܕܦܵܩܕܸܢ ܩܐ ܚܲܝܵܛܐ ܕܚܵܝܸܛܠܹܗ ܚܕܵܐ ܠܒܼܝܼܫܬܵܐ ܪܘܼܫܡܵܝܬܵܗ̇ ܥܲܠ ܡܫܘܼܚܬܹܗ، ܘܗܲܪ ܒܗܵـܝ ܥܕܵܢܐ ܒܝܲܗ̄ܒܼܵܚܠܹܗ ܩܵܒܘܼܬܼܐ(ܡܸܥܛܵܦ̮) ܝܵܪܘܼܩܬܵܗ̇ ܘܟܘܼܣܝܼܬܼܐ ܘܨܲܘܠܹܐ ܕܝܼܠܵܢܵܝ̈ܐ ܒܓܲܒܼܪܵܐ ܕܕܵܥܘ̇ܟܼܘܼܬܼܐ ܘܐܵܗܐ ܡܸܢܕܝܼ ܦܵܐܹܫ ܬܘܼܡܸܡܐ ܒܣܘܼܪܗܵܒܼܵܐ ܕܒܲܪܩܐ، ܘܒܝܵܘܡܐ ܕܣܘܼܙܓܪ̈ܘ̇ܢ ܥܲܠܠܹܗ ܡܛܹܐܠܹܗ ܡܸܫܬܲܐܠܵܢܐ ܕܕܵܥܘ̇ܟܼܘܼܬܼܐ ܠܒܹܝܬܼ ܟܪ̈ܝܼܗܹܐ ܕܝܼܗ̄ܘܐ ܕܡܝܼܟܼܐ ܒܝܼܠܝܼ ܓܵܘܵܗ̇ ܘܩܵܡ ܡܲܠܒܸܫܠܹܗ ܠܒܼܝܼܫܬܐ ܕܕܵܥܘ̇ܟܼܘܼܬܼܐ ܫܲܦܝܼܪܬܐ ܘܩܵܡ ܦܵܠܸܛܠܹܗ ܡܼܢ ܫܒܼܝܼܬܼܐ ܕܒܹܝܬܼ ܟܪ̈ܝܼܗܹܐ ܥܲܠ ܪܵܕܲܝܬܐ ܕܕܵܥܘ̇ܟܼܘܼܬܼܐ ܘܝ̄ܬܝܼܒܼܠܹܗ ܒܝܼܠܝܼ ܒܵܬܲܪ ܪܵܕܹܝܬܐ ܕܕܵܥܘ̇ܟܼܘܼܬܼܐ ܠܵܐ ܡܗܘܼܝܸܡܢܸܐ ܒܓܵܐܢܹܗ، ܘܦܵܬܹܗ ܕܙܘܼܒܸܢܬܐ ܝܗ̄ܘܵܗ̇ ܡܢ ܟܪܝܼܗܘܼܬܼܐ(ܡܲܪܥܐ) ܒܸܨܡܵܚܵܐ ܝܗ̄ܘܵܗ̇ ܒܚܘܼܦܵܛܐ ܘܚܲܕܘܼܬܐ، ܓܘܼܕܐ ܕܕܵܥܘ̇ܟܼܘܼܬܼܐ ܒܗܵܘ ܝܵܘܡܐ ܦܝܼܫܠܹܗ ܩܸܪܝܐ ܠܲܬܠܵܬܼܐ ܝܲܨܝܼܦܘܵܬܼܐ ܡܫܲܚܠܦ̈ܐ، ܘܒܲܬܠܵܬܼܐ ܓܵܗܹܐ ܓܲܒܼܪܐ ܕܕܵܥܘ̇ܟܼܘܼܬܼܐ ܚܲܕ̄ܬܐ ܕܝܼܗ̄ܘܐ ܓܵܘ ܪܵܕܹܝܬܐ ܒܓܹܢ̄ܒܐ ܕܐܵܣܝܼܬܼܐ(ܡܘܼܡܲܪܸܬܼܐ)، ܡܲܫܡܘ̇ܥܹܐ ܝܗ̄ܘܐ ܒܡܲܢܝܵܚܬܐ ܘܚܲܕܘܼܬܼܐ ܠܡܲܫܪ̈ܘ̇ܩܵܬܼܐ ܕܦܘܼܪܓܵܠܐ ܕܒܸܡܚܵܝܐ ܝܗ̄ܘܵܘ ܘܡܝܼܪܘܼܢ ܕܲܦܪܸܣܚܸܙܘܐ ܕܘܼܟܬܵܢܵܝܐ ܦܪܝܼܣܠܹܗ ܠܚܘܼܦܵܛ̈ܐ ܕܓܘܼܕܐ ܕܕܵܥܘ̇ܟܼܘܼܬܼܐ ܕܗܵܘ ܝܵܘܡܐ، ܥܲܡܲܠܝܼܬܐ ܕܫܲܘܬܵܦܬܐ ܕܒܝܼܠܝܼ ܥܲܡ ܓܘܼܕܐ ܕܕܵܥܘ̇ܟܼܘܼܬܼܐ ܡܘܼܕܥܸܪܵܗ̇ ܩܲܠܝܼܠ ܡܢ ܣܘܼܪܗܵܒܼܵܐ ܕܡܸܢܝܵܢܐ ܕܲܨܠܵܝܬܐ، ܐܝܼܢܐ ܡܲܪܥܐ ܠܝܼܛܐ ܕܒܼܝܼܪܹܗ ܩܐ ܟܠܲܝܗܝ̈ ܬܲܪ̈ܥܵܢܹܐ ܕܦܘܼܪܩܵܢܐ، ܘܒܝܵܘܡܐ ܕܫܘܼܪܹ̈ܐ ܠܗ̄ܘ̇ܢ ܢܝܼܫܲܢܩ̈ܐ(ܥܲܠܵܐܡܵܐܬ) ܕܚܲܝܘܼܬܼܐ ܒܸܒܨܵܪܐ ܚܙܹܐܠܵܗ̇ ܐܲܣܝܼܬܼܐ ܕܝܼܗ̄ܘܵܗ̇ ܥܲܡ ܒܝܼܠܝܼ ܕܠܐ ܝ̄ܠܵܗ̇ ܚܫܝܼܚܬܐ ܕܦܵܪܹܫ ܐܵܗܐ ܛܸܦܠܐ ܐܵܘ ܐܵܗܐ ܫܲܒܼܪܐ ܡܢ ܚܲܝ̈ܐ ܪܸܚܩܐ ܡܼܢ ܒܢܲܝ̈ ܒܲܝܬܹܗ ܡܢ ܐ̄ܢܵܫ̈ܐ ܘܚܸܙܡܵܢ̈ܐ، ܘܩܝܼܡܠܵܗ̇ ܘܲܩܪܹܐܠܵܗ̇ ܠܗܲܕܵܡ̈ܐ ܘܦܲܪ̈ܨܘ̇ܦܹܐ ܕܟܸܠܦܲܬܹܗ ܡܢ ܒܢܲܝ̈ ܒܲܝܬܹܗ، ܘܒܥܸܕܵܢܐ ܕܲܕܟܼܝܼܪܵܗ̇ ܕܒܝܼܠܝܼ ܦܝܼܫܠܸܗ ܓܲܒܼܪܐ ܕܕܵܥܘ̇ܟܼܘܼܬܼܐ ܒܐܝܼܩܵܪܐ، ܡܘܼܚܒܸܪܵܗ̇ ܩܪܹܐܠܵܗ̇ ܠܲܡܕܲܒܪܵܢܝܼܬܼܐ ܕܕܵܥܘ̇ܟܼܘܼܬܼܐ ܘܲܒܥܹܐܠܵܗ̇ ܕܗܵܘܹܐ ܡܛܲܝܒܼܵܐ ܚܲܕ̄ ܡܲܡܬܸܠܵܢܐ ܡܢܲܝܗܝ̈ ܒܲܠܒܼܝܼܫܬܐ ܪܘܼܫܡܲܝܬܵܗ̇ ܩܐ ܕܵܒܸܩ ܐܝܼܕܐ ܕܒܝܼܠܝܼ ܘܗܵܘ ܒܸܦܪܵܫܐ ܡܢ ܚܲܝ̈ܐ، ܝ̄ܗܝܼܒܼܠܹܗ ܦܘܼܢܵܝܐ ܡܸܫܬܲܐܠܵܢܐ ܕܕܵܥܘ̇ܟܼܘܼܬܼܐ ܘܡܝܼܪܹܗ ܒܸܕ ܩܵܝܡܹܝܚ̈ ܓܵܗܹܐ ܐ̄ܚܹܪ̄ܬܐ ܒܡܸܢܕܝܼ ܕܝܼܠܹܗ ܒܸܫ ܛܵܒܼܐ، ܡܛܠ ܡܼܢ ܐܲܕܝܼܵܐ ܒܐܸܛܪܐ ܕܪܘܼܒܥܐ ܕܫܵܥܬܼܐ ܒܸܕ ܬܲܡܸܡܵܚ̈ ܠܚܲܕ̄ ܥܲܡܲܠܝܼܬܐ، ܘܒܸܒܥܵܝܐ ܝ̄ܘܲܚ̈ ܡܢܵܟܼܝ ܥܘܼܕܼܪܵܢܐ ܠܡܲܝܕܵܥܬܐ ܠܡܸܫܬܲܐܠܵܢ̈ܐ ܕܒܹܝܬܼ ܟܪ̈ܝܼܗܹܐ ܠܐܸܢܝܵܬܲܢ ܡܛܠ ܒܥܲܒܼܪ̈ܵܚ ܥܲܠ ܒܹܝܬܼ ܟܪ̈ܝܼܗܹܐ ܒܚܲܕ̄ ܥܲܡܲܠܝܼܬܐ ܕܲܨܘܵܪܐ(ܘܲܗܡܝܼܵܐ) ܡܐܲܝܟܼ ܕܝܼܘܲܚ̈ ܬܲܡܘܼܡܹ̈ܐ ܚܲܕ̄ ܥܲܡܲܠܝܼܬܐ ܫܲܪܝܼܪܬܵܗ̇، ܐܲܚܢܲܢ ܒܹܐ̄ܬܵܝܐ ܝ̄ܘܲܚ̈ ܕܣܲܚܒܪ̈ܵܚ ܠܚܲܕ̄ ܡܢ ܗܲܕܵܡ̈ܐ ܕܓܘܼܕܵܢ ܘܒܸܕ ܥܲܒܼܪ̈ܵܚ ܠܬܵܘܵܢܹܗ(ܐܘ̇ܬܵܓܹܗ) ܡܢ ܟܵܘܬܐ، ܥܒܼܵܕܵܢܵܐܝܼܬܼ ܦܝܼܫܠܹܗ ܬܘܼܡܸܡܐ ܐܵܗܐ ܡܸܢܕܝܼ ܡܐܲܝܟܼ ܚܘܼܟܵܡܐ ܕܝܼܗ̄ܘܵܐ ܪܫܝܼܡܐ ܩܵܬܹܗ، ܡܢ ܒܵܬܲܪ ܪܘܼܒܥܐ ܕܫܵܥܬܼܐ ܡܛܹܐܠܵܗ̇ ܪܵܕܲܝܬܐ ܕܕܵܥܘ̇ܟܼܘܼܬܼܐ ܥܲܡ ܡܲܫܪ̈ܘ̇ܩܵܬܼܐ ܕܦܘܼܪܓܵܠܐ(ܐܸܢܕܼܵܐܪ) ܘܲܟܠܹܐ ܠܗ̄ܘ̇ܢ ܩܲܕ̄ܡ ܬܲܪܥܐ ܕܒܹܝܬܼ ܟܪ̈ܝܼܗܹܐ، ܡܘܼܪܸ̈ܡܠܗ̄ܘ̇ܢ ܠܣܸܡܵܠܐ ܕܕܵܥܘ̇ܟܼܘܼܬܼܐ ܠܫܲܘܝܘܼܬܼܐ ܕܐܲܘܵܢܐ ܕܲܛܸܦܠܐ ܟܪܝܼܗܐ ܡܸܕܼܝܵܪܐ(ܛܵܐܒܸܩ) ܬܠܝܼܬܼܵܝܐ، ܘܣܠ̄ܝܼܩܠܗ̄ܘ̇ܢ ܫܬܵܥܣܲܪ ܓܲܒܼܪ̈ܐ ܕܕܵܥܘ̇ܟܼܘܼܬܼܐ ܠܣܸܡܵܠܐ ܘܲܥܒܼܝܼܪ̈ܘ̇ܢ ܠܐܲܘܵܢܐ ܕܫܲܒܼܪܐ ܟܪܝܼܗܐ ܡܢ ܟܵܘܬܐ ܡܢ ܒܵܬܲܪ ܕܲܫܩܝܼܠܗ̄ܘ̇ܢ ܦܣܵܣܐ ܡܢ ܝܸܡܐ ܕܛܸܦܠܐ، ܘܲܚܦܝܼܩܠܗ̄ܘ̇ܢ ܩܐ ܛܸܦܠܐ ܟܪܝܼܗܐ ܒܝܼܠܝܼ ܓܵܘ ܨܲܕܪ̈ܲܝܗܝ ܒܲܚܦܵܩܲܝܗܝ̈ ܕܡܲܚܙܝܼ ܚܘܼܒܲܝܗܝ̈ ܩܵܬܹܗ، ܒܟܸܟ̮ܚܐ ܓܘܼܒܼܪܐ ܡܘܼܪܸܡܠܹܗ ܒܝܼܠܝܼ ܥܲܝܢܹܗ ܥܲܠ ܪܸܫܐ ܕܓܘܼܕܐ ܘܡܝܼܪܹܗ؛ ܝܐ ܡܵܪܝܼ ܐܵܢܐ ܒܩܵܐܹܡ ܝܼܘܸܢ ܓܲܒܼܪܐ ܕܕܵܥܘ̇ܟܼܘܼܬܼܐ ܥܒܼܵܕܼܵܢܵܐܝܼܬܼ،؟ ܘܲܫܩܝܼܠܹܗ ܪܸܫܐ ܕܓܘܼܕܐ ܕܕܵܥܘ̇ܟܼܘܼܬܼܐ ܫܠܵܡܐ ܪܘܼܫܡܵܝܐ ܩܐ ܒܝܼܠܝܼ ܘܡܝܼܪܹܗ ܩܵܬܹܗ ܐܲܢ̄ܬ ܝܼܘܸܬ ܓܲܒܼܪܐ ܕܕܵܥܘ̇ܟܼܘܼܬܼܐ ܒܫܲܪܝܼܪܘܼܬܼܐ ܘܡܐܲܝܟܼ ܕܝܼܘܸܬ ܒܸܚܙܵܝܐ ܠܗܲܕܵܡ̈ܐ ܕܓܘܼܕܐ ܒܲܓܡܝܼܪܘܼܬܹܗ ܐ̄ܬܹܐܠܗ̄ܘ̇ܢ ܕܬܲܡܸܡܝܼ ܠܘܵܠܝܼܬܲܝܗܝ ܚܕܲܪ ܚܲܒܼܪ̈ܲܝܗܝ ܒܝܼܠܝܼ، ܘܥܲܡ ܐܵܢܝܼ ܚܲܒܪ̈ܵܢܹܐ ܪܫܝܼܡܠܹܗ ܫܲܒܼܪܐ ܥܲܠ ܦܵܬܹܗ ܒܪܝܼܪܬܵܗ̇ ܘܲܠܓܵܗܹܐ ܩܲܕ̄ܡܵܝܬܵܗ̇ ܒܲܪܣܵܡܬܐ ܕܝܼܠܵܢܲܝܬܵܗ̇ ܕܝܼܗ̄ܘܗ̇ ܚܕܐ ܒܲܪܣܵܡܬܐ ܪܘܝܼܚܬܵܗ̇ ܕܲܦܠܝܼܛܠܵܗ̇ ܡܢ ܓܵܐܢܵܗ̇ ܕܡܲܚܙܘܼܝܹܐ ܝ̄ܠܵܗ̇ ܠܪܵܡܘܼܬܼܐ ܕܚܲܕܘܼܬܼܐ ܕܲܡܛܹܐܠܹܗ ܥܲܠܠܵܗ̇ ܒܝܼܠܝܼ، ܦܪܝܼܫܠܹܗ ܒܝܼܠܝܼ ܡܢ ܚܲܝ̈ܐ ܒܝܼ ܦܲܓܼܪܐ ܙܲܒܘܼܢ ܘܦܵܬܐ ܒܪܝܼܪܬܵܗ̇ ܒܝܼ ܒܲܪܣܵܡܬܐ ܡܛܠ ܫܘܼܪܸܪܹܗ ܠܚܸܠܡܹܗ ܕܲܗܘܹܐܠܹܗ ܓܲܒܼܪܐ ܕܕܵܥܘ̇ܟܼܘܼܬܼܐ، ܓܪܝܼܫܠܹܗ ܠܢܸܫܡܵܬܼܐ ܐ̄ܚܲܪ̈ܵܝܹܐ ܘܗܵܘ ܕܒܼܝܼܩܐ ܒܐܝܼܕܐ ܕܪܹܫܐ ܕܓܘܼܕܐ ܕܕܵܥܘ̇ܟܼܘܼܬܼܐ، ܘܲܦܪܝܼܚܠܹܗ ܛܥܝܼܢܐ ܠܪܘܼܡܝܵܬܹܐ ܥܲܠ ܓܘܼܠܦܵܢ̈ܐ ܕܓܲܒܼܪ̈ܐ ܕܕܵܥܘ̇ܟܼܘܼܬܼܐ ܕܝܼܗ̄ܘܵܘ ܠܒܼܝܼܫ̈ܐ ܠܒܼܝܼܫܵܬܼܐ ܚܒܼܵܪ̈ܐ، ܡܢ ܒܵܬܲܪ ܕܗܘܼܩܹܐܠܹܗ ܠܫܲܪܒܬܹܗ ܗܵܘ ܓܲܒܼܪܐ ܕܕܵܥܘ̇ܟܼܘܼܬܼܐ ܩܝܼܡܠܹܗ ܘܡܘܼܪܸܡܠܹܗ ܐܝܼܕܹܗ ܒܫܸܠܝܘܼܬܐ ܘܲܦܠܝܼܛܠܹܗ، ܘܐܲܚܢܲܢ ܡܢ ܩܸܫܝܘܼܬܼܐ ܕܡܲܥܸܒܕܵܢܘܼܬܲܢ ܠܐ ܡܨܹܐܠܲܢ ܕܦܲܣܥܵܚ̈ ܥܲܡܹܗ ܗܲܠ ܬܲܪܥܐ ܕܒܲܪܵܝܹܐ ܡܛܠ ܪܵܒܐ ܦܫܝܼܡܠܲܢ ܒܝܼ ܪ̈ܥܵܫܝܵܬܲܢ، ܡܲܪܥܐ ܠܘܵܬܼ ܐ̄ܢܵܫ̈ܐ ܓܘܼܒܼܪ̈ܐ ܝܼܠܹܗ ܛܘܼܪܵܦܐ ܕܢܲܦ̮ܫܐ ܐܝܼܢܐ ܠܘܵܬܼ ܫܲܒܼܪܐ ܝܼܠܹܗ ܛܠܘܼܡܝܐ، ܛܘܼܒܼܵܐ ܠܡܵܢܝܼ ܕܡܘܼܥܒܸܪܹܗ ܚܲܕܘܼܬܼܐ ܥܲܠ ܢܲܦ̮ܫܐ ܕܛܸܦܠܐ، ܘܐܲܠܦܐ ܛܘܼܒܹ̈ܐ ܠܡܵܢܝܼ ܕܡܘܼܢܬܹܐܠܹܗ ܒܝܼ ܦܬܵܚܬܐ ܠܟܵܘܵܬܼܐ ܕܚܲܕ̄ ܫܲܒܼܪܐ ܐ̄ܚܹܪ̄ܢܐ ܕܫܘܼܠܛܸܢܹܗ ܥܲܠܠܹܗ ܡܲܪܥܐ ܘܩܵܡ ܡܲܬܒܼܠܹܗ ܓܵܘ ܒܹܝܬܼ ܐܲܣܝܼܪ̈ܐ ܕܒܼܝܼܪܬܵܗ̇ ؛؛

ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ