إحـْـنـَـه الـعـراق الـمـعـْـتـصم


المحرر موضوع: إحـْـنـَـه الـعـراق الـمـعـْـتـصم  (زيارة 889 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 498
    • مشاهدة الملف الشخصي
    • البريد الالكتروني
إحـْـنـَـه الـعـراق الـمـعـْـتـصم
ميسون نعيم الرومي
 
دگــّـوا الـخـيـم رفـعـوا الـعـَـلـَـم
شـَـــعـَـبـْـنـَـه قـَـرّر يـعـْـتـِصم
 
قــَـرَّرْنـَـه ثــَـوْرَه اوتــسـتـمـر
يــنـْـظـَـف وَطـَـنـَّـه امـن الـرِمـَم
 
نـوّاب جـونـَـه ابـتـَـزويــــــر
*(سـَـلـومي) كـاشـخ چـَـن صَنـَـم
 
عـدهـم رواتـب ســَــفـْـطات
احـمـايـات كـومـَـه بـالإســم
 
دسـتـور و*(ابـريـمـَـر) كـِـتـَـب
ضد الـشـَـعـَـب يـحـمي الحـكـَـم
 
نـايـبـات امـدثـرات ابـلا وجـــه
بـالأحـذيـة يـتـْضاربـَـن .. ويـَّه الـزلـم
 
مـاشـاالله ابـلـَـيـّـه حـَـسـَـد
مـاكـو عـِـلـم لاكـو فـهـم
 
شـَحچي اوشـَـگـول اعـْـلـَه الصار
اشـبـَـعـْـنـَـه بـچي اشـبـَـعـْـنـَه ظـلـم
 
حُـكـّام اجـت مـدْري امـنـيـن
كـلـشـي امـنـديـهـم مـا سـِـلـَـم
 
نـفـْـضَوا وَطـَـنـَّـه تـنـْـفـيـض
جـَـدَّوا بـاسـمـْـنـَـه امـن الأمـَم
 
كـلـْمـَـن اوعـِـنـْـدَه فـَـد جـيـش
شـِـفـْـنـَـه الـعـَـجـَـب مـن هـالـقـزم
 
مـن مـَـطـْـرَه غـرْگـَـت بـَـغـْـداد
يـنـْـعـاد بـاچـــــر هـالـفـلـــم
 
سـَـدّ مـوصل الـمـتــْـنـاسـيـه
حـَضروا الـسـفـن حـَضروا الـبـَـلـَم
 
( الـمـالـكـي ) بـيـت الـداء
( لـعـْـبـادي ) مـثـلـَه مـُـتـَهـَـم
 
كـلـكـم شـَـــلـِع كـلـكـم قــَــلـع
مـَـلـْـيـنـتـوا .. جـيـتـوا امـن الـعـَـدَم
 
الـشـَـعـَـب مـنــكـم هـالـتـعـَـب
قـرّر ابـخـيــمـَه اويـعـْـتـِـصم
 
لـو گـَـرَّب مـنـكـم فـَـد نـَـذل
رجـلـَه نـكـْسـرهـَـه اـن الـقـَـدّم
 
دگــّـوا الـخـيـم رفـعـوا الـعـَـلـَـم
احـنـَه الـعـراق اومـعـْـتـِـصم
----------------------------------------------------------------
:- رئيس البرلمان العراقي (سـَـلـومي)*
*(ابـريـمـَـر):- بول بريمرعينه الرئيس الأمريكي جورج بوش رئيسا للإدارة المدنية
للإشراف على إعادة اعمار العراق في 6 مايو 2003
--------------------------------------------------------------------
29 / آذآر / 2016
ســـــــــــــتوكهولم