چـِـذْبـَـة نـيـسـان


المحرر موضوع: چـِـذْبـَـة نـيـسـان  (زيارة 782 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
چـِـذْبـَـة نـيـسـان
« في: 10:35 01/04/2016 »
چـِـذْبـَـة  نـيـسـان
ميسون نعيم الرومي
 
نـيـسـان چـِـذْبـَـه ابـأولـَـه
مـن الصدگ شـفـْـنـَـه الـويـل
 
گـالـَـوْ چـذب أبـيـض بـيـه
ثـاري الصدگ هـَـدّ الحـيـل
 
أوَّلـَـك نـيـسـان الچـذب
ويـلي الـقـَهـَر حـَمـّـل شـيـل
 
مـَـدري صدگ لـو قـَـشْمـَرَه
مـَـسـْـرَح اوكـلـَّـه تـمثـيـل
 
نـنـطر رَبـيـع ابـهـَـلـّـتـَه
أشـجار تـرگـص واتـمـيـل
 
ردَّت اطيـور امـهـاجـِـرَه
غـَـنـَّـت عـَـتـابـَه .. امـواويـل
 
عـيـن الگـمـَر كـلهـَه خـَجـَـل
يـعـْـتـب عـَـلـيـه نـَـجـْم اسـهـيـل
 
بـَـذْرَة چـِـذب ! شـو خـَضّرَت؟
أجـيـال بـادَت ... چـَـم جـيـل ؟
 
نـيـسان ! بـَـسـَّـك وانـسحـب
مـَـفـهـوم ؟ كافي الـتـَطويـل
 
وكـت اوخـلـَص .. راح انـتهى
تـَـفـجـيـر جانـَـه اوتـَـقـتـيـل
 
گـلـنـَه الوَكـِـت مـَل اوتـعـَب
صار الـوَكـِت بـيـنـَه ايـعـيـل
 
اسـكـت اوبـَـسـَّـك يـاقـَـلـَم
تـقـْـرَه مـَـقـام اويـالـيـل !!
 
تـقـْـرَه مـَـقـام اويـالـيـل
-----------------------------------------------------------
 1 / نيسان / 2016
ســــــــــــتوكهولم