مرحلة الفحص الطبي اليوم 5/12/2016 شرح مفصل لعملية الفحص اخوكم حسين العبادي


المحرر موضوع: مرحلة الفحص الطبي اليوم 5/12/2016 شرح مفصل لعملية الفحص اخوكم حسين العبادي  (زيارة 974 مرات)

0 الأعضاء و 1 ضيف يشاهدون هذا الموضوع.

غير متصل IT HUSSEIN

  • عضو فعال جدا
  • ***
  • مشاركة: 409
  • منتديات عنكاوا
    • مشاهدة الملف الشخصي
السلام عليكم اخواني الاعزاء
كما عوتكم بعد كل خطوه انشر موضوع خاص بالتفاصيل .
اليوم الفحص الطبي في مستشفى ابن البيطار .
1. تم الوصول الى بوابة المستشفى الفرع الاول اي ركن المشفى يوجد كرفان استعلامات لدخول المراجع للمستشفى المذكور اعلاه وبعد اجتياز الكرفان تجد فاصل شرك حديد بي ارسي ومكان للجلوس من رصيف كونكريت تجلس .لحين وصول الموظف ساعه 8:30
2. يجلس الموظف وتشتغل الواسطى دخل هذا لا انت انتظر منا لموعدك طبعآ معدهم مواعيد وتسلسل مثل السفاره المهم انتظرت كتله اني ناصريه جاي من الصبح وشفة اهل بغداد عائله كبل دخل سلم جوازاته وصاحهم واني كاعد وسألتهم بشكد موعدكم كالو بال10 ونص شو ذوله صاحهم وي جماعة 8 الصبح المهم كلت هي خربانه عراقيين خلي اروح اعيط بيه كتله حبي انت كلت مواعيد اني موعدي 8 ونص والجماعه دخلتهم واني وراي طريق اي ليش كال ها انطيني جوازك اكتشفة ميمشون على الموعد على العرف و المجاملات .
3.بعد ما اخذ الجواز صاح حسين تعال ادخل دخلت لكيت جماعة ال8 ونص كلهم خلف الاستعلامات عائله وابنيه وامها واني .دخلنه وبقو تقريبآ 80 شخص بره الاستعلامات .
4. يوجد مركز عباره عن كرفانات متصله تصميم سندوج بنل مقسم مركز خاص لفحص iom ومجهز من قبلهم في ابن البيطار والموظفين من وزارة الصحه ايضآ يعني تابعين للمستشفى مخصصين لهذا العمل بايلوجي وممرضات وشعاعي وطبيب .
5. اول شي دخلنه قاعه صغيره صاحونه سلمونه كل واحد باج من 1 الى رقم 5 طبعآ رقم واحد عائله ورقم 2 بنيه وامها ورقم 3 ابنيه وحدها بكيس عن امها وابوها . ورجال نو وزوجته رقم 4 واني رقم 5 .
6. صاحونه بالتسلسل وقعنه يم بنيه اوراق الفحص ودكول البنيه اخوان الفحص يطلع خلال 3 اسابيع نخبركم بالتفاصيل والنتائج واذا حاب تعمل فحص الاعوز المناعي الايدز هذا خياري وليس اجباري وباقي الفحص كما يلي .
1. سحب دم
2. طول
3 وزن
4 عيون
5. ضغط تطلع منهاي الغرفه اتروح لغرفة الاشعه ياخذون اشعه للصدر اكو ورقه للملاحظه ازغيره بيها اسمك ورقم الكيس تنطيها الك البنيه الوقعتك على الاوراق هاي الورقه تنطيها للبنيه الشعاعيه يعني ام الاشعه حتى تخزن معلوماتك ضمن النظام الواضعة الهم iom بعدها اتروح للطبيب غرفه اخره .
الطبيب الطبيب . السؤال هل عندك امراض هل تعاني من شي لا اذا معندك شي بعدها تعاني من امراض نفسيه مراجع طبيب نفسي هم اذا ممراجع ادكول لا . بعدين تطلع من الطبيب تطلع للبيت وهاي هي .
اخوكم حسين العبادي





غير متصل IT HUSSEIN

  • عضو فعال جدا
  • ***
  • مشاركة: 409
  • منتديات عنكاوا
    • مشاهدة الملف الشخصي
اخوان الممتصلين بيه راح يتصلون بيه لان السؤال مهم واني اسأل الكم اهواي حسب حجي الموظفين جاي تجي الاسماء والمعلومات الهم دفعات وكثير ناس جاي تفحص يعني خير ان شاء الله .وربي يسهل على الجميع .


غير متصل Um firas

  • عضو فعال جدا
  • ***
  • مشاركة: 220
  • منتديات عنكاوا
    • مشاهدة الملف الشخصي
شكرا اخ حسين  الشرح كافي ووافي لاهالي بغداد ،،،، بالتوفيق ان شاء الله


غير متصل شمس شمس

  • عضو
  • *
  • مشاركة: 28
  • منتديات عنكاوا
    • مشاهدة الملف الشخصي
    • البريد الالكتروني
الف مبروك اخوي IT HUSSEIN  ويارب يوم سفرك لامريكا وسفر كل الطيبين وشكد طول الفحص بلازحمة لان تدري اطفال وياي ؟ ومبروك مرة ثانية اخوي


غير متصل Ali-Shack

  • عضو فعال جدا
  • ***
  • مشاركة: 625
    • مشاهدة الملف الشخصي
الف مبروك للاخ حسين لاجراء الفحص ان شاء الله سرعه الاجرائات والسفر باذن الله
وشكرا الك لهذه التفاصيل الوافيه
ومثل ما تعرف كالوا ان القوائم تجي من عمان ويتم الاتصال
اتمنى التسهيل والتوفيق للجميع


غير متصل IT HUSSEIN

  • عضو فعال جدا
  • ***
  • مشاركة: 409
  • منتديات عنكاوا
    • مشاهدة الملف الشخصي
شكرآ الكم جميعآ اخواني الاعزاء
وربي يجعل السفر حليف كل من انتظر الهجره
شمس شمس . بالنسبه للوقت اذا دخلتي من الاستعلامات ميطول اكثر من ساعه وتطلعين متنتظرين كروب وهاي السوالف الي بالسفاره والمنطقه شعبيه كبالك مطاعم وسوبرماركتات يعني اذا وياك اطفال جبس ننستله على عصاير خليهم بالجنطه لان الجو حار والاطفال يذمرون بسرعه وحاولي اسلمي جوازك للحجي الي بالستعلامات حتى يمشيك بسرعه ويحب الصبغ يعني عمو بلا زحمه وياريت اتقدر عندي اطفال مشيني هاي اذا اجيتي ولكيتي هوسه بس اذا ماكو هوسه وازدحام عادي احجي براحتك وكملي وبالتوفيق للجميع .
واشكر كل الاخوان

 1.Ali-Shack

2. Um firas
واتمنا التوفيق للجميع بالعراق وخارج العراق
اخوكم حسين العبادي


غير متصل شمس شمس

  • عضو
  • *
  • مشاركة: 28
  • منتديات عنكاوا
    • مشاهدة الملف الشخصي
    • البريد الالكتروني
مشكور ياطيب IT HUSSEIN واني ابو شمس بس التسجيل بالمنتدى نطاني هذا الاسم المتوفر  صار خير ويارب نسافر الكل وزوجك شمس ولو 7 سنوات بعدها ههه ومشكورين كل الطيبين بهذه العائلة ومو منتدى بس


غير متصل Haider8183

  • عضو فعال جدا
  • ***
  • مشاركة: 189
  • منتديات عنكاوا
    • مشاهدة الملف الشخصي
انشاء الله السفر وبالخير والبركة


غير متصل abo mays

  • عضو فعال جدا
  • ***
  • مشاركة: 998
    • مشاهدة الملف الشخصي
    • البريد الالكتروني
عزيزي ابو علي / مبروووك عليك الفحص ان شاء الله السفر واشكرك على الاسهاب في الشرح ... اعتقد ان الفحص في مستشفى بغداد احسن من ابن البيطار لانني قارنت كلامك مع ما حدث لنا اثناء فحص ابنتي قبل اشهر وكان الوضع ممتاز جدا .... مع تحياتي ..




غير متصل AHMED.ALmutanabi

  • عضو فعال جدا
  • ***
  • مشاركة: 178
  • منتديات عنكاوا
    • مشاهدة الملف الشخصي
    • البريد الالكتروني
ابو علاوي راح ادزلك التغيير اللي صار هنا


غير متصل IT HUSSEIN

  • عضو فعال جدا
  • ***
  • مشاركة: 409
  • منتديات عنكاوا
    • مشاهدة الملف الشخصي
تم تم تم خير ان شاء الله نفس مافهمتني صح كلامك ندري ضمن مسؤوليات اي غير تكتبون شي واضح المهم بدو يشتغلون بس لا تطلع شغله صفح