تاخر الحصول على رقم الملف

[شام]

سلام عليكم
لو سمحتو نحنا قدمنا ع كفالة خاصة لكندا وكتبنا الاستمارات وبعتاناها للكفيل وهوي قدمها من شهرين وشوي بس لهلا ما اجانا لا رفض ولاقبول انو لهلا ما اخدنا رقم الملف ... فلو سمحتو بحسب خبرتكن عادي هالتاخير واديش ممكن يتاخرو اكتر وشكرا لتعاونكم

[شام]

نسيت قول شغلة انةو الكفيل ع تواصل معن بس كمان ماعم يردولو خبر لهلا

[mohammedkarma]

اخي الكريم ما هو نوع المعاملة الخاصة هل هي كنائسية ام خماسية او عن طريق اليو ان وهل حصلت على الجي نمبر رقم الملف الشخصي واذا عندك مسألة قدومك الى كندا ممكن والله أعلم مسالة وقت وانت جاي على كندا لكون لديهم ضغط كبير ومعاملات كثير والانتظار طويل يعني انت شهرين وقلقت على الاقل بعد سته اشهر وممكن اكثر والتساهيل من عند الله عز وجل تمنياتي لك والى الجميع بالتوفيق وراحة البال.
محمد

[شام]

اخي محمد  نحنا مقدمين ع كفالة خماسية لح يصرلنا تلت شهور بس لسا ما حصلنا ع الجي نمبر هلا ممكن التاخير للحصول على الجي نمبر حسب البلد المقدمين منو ولا مالها علاقة  ؟؟ نحنا حاليا مقيمين باربيل
وشكرا لتعاونكم

[mohammedkarma]

لدي صديق في الاردن مع عائلته وعنده الجي نمر من شهر سبتمر السنة الماضية ولحد الان لا يوجد اي جديد بخصوص ملفة لا مقابلة بالسفارة ولا اي شي وبالنسبة الى مكانك في اربيل اعتقد ماله علاقة الموضوع انه انك عندك  معاملة في دائرة الهجرة ماشية ولكن مسالة وقت وصبر والتوفيق من عند الله.
محمد

[شام]

تمام ... الله يكتب يلي فيه الخير بس لو سمحت بتعرف اديش المدة يلي استنا فيها لحتى حصل على الجي نمبر وشكرا لتعاونك

[شام]

يعني لو سمحتو اذا حدا عندو علم اديش اقصى مدة لازم الواحد ينتظرها ليحصل على الفايل نمبر ...
وشكرا لتعاونكم

[شمعه 3]

يعني لو سمحتو اذا حدا عندو علم اديش اقصى مدة لازم الواحد ينتظرها ليحصل على الفايل نمبر ...
وشكرا لتعاونكم

اختي الكريمه

المده الزمنيه غير محدده ولكن من التجارب التي  شاهدناها كانت اغلبها الحصول على رقم الملف  خلال فنره ما بين 3- 6 اشهر  من تاربخ تقديم الطلب عن طريق الكفيل ...  والتاخير الحاصل في تزويدكم برقم الملف معناه ان الملف  لا يزال في مرحلة البروسس  يعني في الاجراءات  الاداريه وحين يتم استكمال الاجراءات الاداريه وحصول الموافقه المبدئيه سيتم عندها تزويدكم برقم الملف  عن طريق السفاره ..

تحياتي

 شمعه - كندا

[شام]

انشا الله خير يارب.... شكرا لردكم وتعاونكم

[شام]

السلام عليكم اخواني لو سمحتو مبارح قلنا الكفيل انو في كتير حالات متل حالتنا
اتصلو فيهن بس هنن بلبنان .... بس ملفنا لسا pending
هلا هل ممكن لان نحنا مقدمين من اربيل ؟؟ والاجراءات بتطول اكتر واذا هيك اديش ممكن يضل pending ؟؟
معئول يضل فترة طويلة اكتر من ست شهور لنقدر نحصل ع رقم الملف او لازم نسافر ع غير بلد ليمشي الحال 
وشكرا الكن

[شمعه 3]

السلام عليكم اخواني لو سمحتو مبارح قلنا الكفيل انو في كتير حالات متل حالتنا
اتصلو فيهن بس هنن بلبنان .... بس ملفنا لسا pending
هلا هل ممكن لان نحنا مقدمين من اربيل ؟؟ والاجراءات بتطول اكتر واذا هيك اديش ممكن يضل pending ؟؟
معئول يضل فترة طويلة اكتر من ست شهور لنقدر نحصل ع رقم الملف او لازم نسافر ع غير بلد ليمشي الحال 
وشكرا الكن

الاخ / الاخت

حالتكم ليست الوحيده ومثلها حصلت حالات كثيره  والتاخير طبيعي  لان الاجراءات بطيئه ولا انصح بالسفر  الا بعد الحصول على رقم ملف

شمعه - كندا

[شام]

تمام.... شكرا كتير الك اخي والله يجزيك الخير يارب