نوري انسأله....إعبادي امغلس


المحرر موضوع: نوري انسأله....إعبادي امغلس  (زيارة 752 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 498
    • مشاهدة الملف الشخصي
    • البريد الالكتروني
نوري انسأله....إعبادي امغلس

ميسون نعيم الرومي

‏‫نوري انسأله....إعبادي امغلس
ملــيارات اوراحت... ويـــن؟

"بهـّـاوي ! كربوني..... اوربعه
"اعبيس ! شهرستاني احسين

"متواطئ قاضي...اوهالسـاكت
 ابثروة هالشـعب امكوشين

باع الوطن اوگام ايجدي...
بسمك ياشعبي المسكين

شركات الوهميه امكوشه
من أمريكا الحد الصين

ليوين اويمته اتشبعون ؟
كحله اتبوگون امن العين

"بو قنفه.. سلومي امفرفش
اچلابه اوهوه متحدين

نواب احكومة  هالصدفه
"تجميل اوجـــوه امكيفين

"ظرف اعبادي ايچذب دومـه
يلعب گاعد ع الحبلين

شعب الجايع يلطم يبچي
عيشة ضيم اومنكوبين

شعبي الساكت ضايع حقه
ثـور !! اوخلـّصنـه امن البين

الـخايف مايصـعـد قمـّـه
بالحفره ايعيش اوبالطين

باگـونـه امحـابسهم فضـه
هجروْ شعبي اوبسم الدين

‏‫نوري انسأله....إعبادي امغلس
ملــيارات اوراحت... ويـــن؟
-----------------------------------------------------
"بهـّـاوي كربوني:-بهاء الأعرجي نائب رئيس الوزراء السابق
النائب محمد الكربوني رئيس كتلة الحل
"القضاء الأعلى المتورط بالتغطية على جرائم الفساد في العراق
"اعبيس:-النائب عباس البياتي
حسين الشهرستاني المتورط باكبر جريمة فساد
 "بو قنفه :-ابو قنفة سليم الجبوري رئيس مجلس النواب المخلوع
"فضائح عمليات التجميل لنائبات ونواب مجلس نواب العراق
على نفقة خزينة الدولة
ابو ظرف :-حيدر العبادي وظرفه المقفل المشهور
------------------------------------------------------
                                          ١ / حزيران / 2016
                                         ستوكهولم