اخبار مقابلات التوطين في لبنان

[أم تقى]

السلام عليكم
اخوان رجاءا شنو الاخبار بلشوا يسوون مقابلات توطين في لبنان الي  صارلهم اكثر من سنه محصلين صفة اللجوء اني سمعت بلشوا بلكي نتعاون ونخبر ونشوف شنو طبيعة الاسئله حتي الخير يعم الجميع ببركة هذا الشهر الفضيل والكل الله يسهله وتطلع وتستقر

[عمار البصري]

السلام عليكم ام تقى انا حاليا في العراق وافكر اجي لبنان اقددم لجوء لان عندي اخخي في كندا اذا اتكدرين تطيني صوره عن الاسعار في لبنان اكون ممنون منج علما اني صاحب عائله متكونه من سته افراد

[أم تقى]

وعليكم السلام
اخوي السكن في لبنان اذا مناطق مكتظه وشعبيه تحصله بايجار مع الكهرباء والماء متتجاوز 350الى 400 دولار اما المتوسطه متتجاوز 500دولار الايجار مع الكهرباء والنت والماء توصل 700 ويجوز اقل وممكن تحصل بسعر اقل اذا تدور وتتعب وانصحك اذا تجي تاجر شقه موثثة لمدة شهر وبعدين تدور سكن على راحتك بالضاحيه لان فيها مناطق متوسطه وشعبيه اما بالنسبه للفواكه والخضروات واللحوم مثل العراق اما التطبيب مكلف لكن اكو مؤسسات تساعد اللاجئين الملخص تحتاج معدل 1000 دولار بالشهر مصرف وتكدر تقتصد تصير اقل والله يسهل اموركم والي بي الصالح رب العالمين يقدمه الكم

[عمار البصري]

وعليكم السلام
اخوي السكن في لبنان اذا مناطق مكتظه وشعبيه تحصله بايجار مع الكهرباء والماء متتجاوز 350الى 400 دولار اما المتوسطه متتجاوز 500دولار الايجار مع الكهرباء والنت والماء توصل 700 ويجوز اقل وممكن تحصل بسعر اقل اذا تدور وتتعب وانصحك اذا تجي تاجر شقه موثثة لمدة شهر وبعدين تدور سكن على راحتك بالضاحيه لان فيها مناطق متوسطه وشعبيه اما بالنسبه للفواكه والخضروات واللحوم مثل العراق اما التطبيب مكلف لكن اكو مؤسسات تساعد اللاجئين الملخص تحتاج معدل 1000 دولار بالشهر مصرف وتكدر تقتصد تصير اقل والله يسهل اموركم والي بي الصالح رب العالمين يقدمه الكم

الف شكر اختي العزيزه فقط سؤال اخير توجد مدارس للاطفال لو ماكو يعني مدارس على حساب الامم المتحده لو الجهال اضلون كاعدين بالبيت

[أم تقى]

السلام عليكم
بالنسبه للمدارس من السنه الي فاتت بدوا الطلاب من العراق وسوريا بامكانهم التسجيل بالمدارس اللبنانيه على حساب الامم طبعا اذا كان عندك ورقة حمايه (تسجيل طالبي اللجوء) مجانيه ودون الحاجه الى اقامه (كما كانت سابقا )واكثرها يكون الدوام من الساعه الواحده ظهرا الى الخامسه او السادسه مساءا طبعا اذا بعيده عن البيت باص والباص على حساب الاهل لذا يفضل تشوف سكن قريب من المدرسه واكو مدارس تقبل الطلاب على الصباحي لكن قليله واذا اولادك جايين من العراق ومتفوقين فرصتهم بالصباحي كبيره لان العراقي معروف بتفوقه والكتب تكون مجانيه بس الدراسه من الاول ابتدائي بالانكليزي يعني تعبون اشويه بس فرصه جيده للاطفال ويتعلمون بسرعه واذا اكدرت احصل اسماء المدارس الي على الامم احصله واكتبه اذا قررت بس يرادلي كم يوم حتى احاول احصله لان السنة الي فاتت اعطونا اسماء المدارس في بيروت الي تقبل الاجانب واي حاجه تطلب احنه حاظرين ونسالكم الدعاء لتيسير الامور

[عمار البصري]

السلام عليكم
بالنسبه للمدارس من السنه الي فاتت بدوا الطلاب من العراق وسوريا بامكانهم التسجيل بالمدارس اللبنانيه على حساب الامم طبعا اذا كان عندك ورقة حمايه (تسجيل طالبي اللجوء) مجانيه ودون الحاجه الى اقامه (كما كانت سابقا )واكثرها يكون الدوام من الساعه الواحده ظهرا الى الخامسه او السادسه مساءا طبعا اذا بعيده عن البيت باص والباص على حساب الاهل لذا يفضل تشوف سكن قريب من المدرسه واكو مدارس تقبل الطلاب على الصباحي لكن قليله واذا اولادك جايين من العراق ومتفوقين فرصتهم بالصباحي كبيره لان العراقي معروف بتفوقه والكتب تكون مجانيه بس الدراسه من الاول ابتدائي بالانكليزي يعني تعبون اشويه بس فرصه جيده للاطفال ويتعلمون بسرعه واذا اكدرت احصل اسماء المدارس الي على الامم احصله واكتبه اذا قررت بس يرادلي كم يوم حتى احاول احصله لان السنة الي فاتت اعطونا اسماء المدارس في بيروت الي تقبل الاجانب واي حاجه تطلب احنه حاظرين ونسالكم الدعاء لتيسير الامور

الف رحمة على روح اهلج يا اصيله انا حاليا جاي اشتغل على متعلقات عندي بالعراق اخلصها واكيد احتاج معلومات لكن ما اريد اتعبج حاليا اكمل اموري اولا اسئل الله ان يوفقكم ويسهل عليكم ويخلصكم من هاي المحنه الصعبة والف شكر مره ثانية