بنّوتي صارت صبية


المحرر موضوع: بنّوتي صارت صبية  (زيارة 787 مرات)

0 الأعضاء و 1 ضيف يشاهدون هذا الموضوع.

غير متصل سوزان عبده معماري

  • عضو
  • *
  • مشاركة: 28
    • مشاهدة الملف الشخصي
    • البريد الالكتروني
بنّوتي صارت صبية
« في: 21:10 30/06/2016 »
بيروت في 30/6/2016
بنّوتي صارت صبية

من 17 سنة شفتِك اول مرّة..
بعد ساعة وحدة من طلتك على الدني..
ما بعرف ليش تعلقت فيكِ كتير، من أول لحظة،
قلتلّن بوقتا حابة انا كون العرابة.. وهيك صار..
بالميرون المقدس، صرتي بنتي بالروح..
كنت كتير افتخر وشوف حالي انه عندي بنوت حلوة كتير..
شعلة ذكا وشيطنة وهضامة..
وسنة بعد سنة كنت شوفِك عم تكبري..
وكنت اكبر انا معِك..
كنت اسرق الوقت سرقة تا اطلع شوفِك..
كنت كل ما شوفك حس بقلبي يرقص من الفرح
بأول قربانتِك كنت فخورة كتير
سألوني ليش هالقد مبسوطة؟..
قلتلن اول قربانة بنوتي.. بنوتي بالروح..
كنت وبعدني لهلق بحس حالي طايرة
لما بتعيطيلي نانا...
نانا كبرِت وانتِ كبرتِ..
رح دايماً بتكوني بنظري ست الكل اللي بموت فيها..
وهلّق ناطرة افرح فيكِ.. بشهاداتِك.. بنجاحِك..
بنوتي كبرِت.. وصارت صبيّة..
احلى صبيّة.. وأهضم صبيّة..
ميشيل.. عقبال 100 سنة من الهنا والفرح والسعادة
يا سعادة عمري وفرحتي أنا..
عرابتك اللي بتحبك كتير..
نانا