المحرر موضوع: كَلبي على وطني  (زيارة 2755 مرات)

0 الأعضاء و 1 ضيف يشاهدون هذا الموضوع.

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 12979
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=okjsl3p8tb316is15kq106d14u&/board,53.0.html
كَلبي على وطني
« في: 08:00 06/07/2016 »


كَلبي على وطني

==================



يا وطني الموشوم بالقنابل

يا وطن الأشجار والأنهار والجداول

يا وطن الأديان والإيمان والتساهل

يا وطن الأشعار والإصرار والتفاؤل

يا وطني المقتول والمقاتل

إنزف صبر يا وطن.. بيّه إلك ميّة جرح

كلما يهيد الألم بجروحي أذرّ الملح

أفديك يا وطني لو مية مرّة أنذبح

وأشرب نخب هيبتك من المسا للصبح

مثلك محب ما إلي ومثلك جرح ما يصح

يا رمح بضمايري لا خطه ولا صابني

كلبي على وطني

كلبي على وطني وي رشفة الفنجان

وبكل تحية صبح من حايط الجيران

لو ما أنت يا حيرتي ما كان كل ما كان

من غير أرض وأهل ما قيمة الإنسان

بس يا خسارة الأهل

من حط رحالة الجمل..

ويّاك علو الجبل

ولا رخص علج أجنبي تتخضّع وتنحني

كلبي على وطني

كلبي على وطني وي كل سحابة تفوت

وعن كل بطل ما بخل فوك التراب يموت

وعن كل دمع من يشع عالخد يكع بسكوت

وعن كل كمر لو ظهر.. وبحزن روحي انتحر

والطير فوك الشجر

ينشد بأعذب صوت

الماي من ينغلي من لوعته يغني:

آنه أنجوي بطيبتي وكل حي طلع مني

كلبي على وطني..

أهواك يا وطني لو جنتك ناري!!

وانزفلك الدم شعر واهديلك أشعاري

كل يوم نكعد سوه وأحجيلك أسراري

تفكدني من أبتعد وتزورني بداري

وأبجيلك ابلا دمع وأشرحلك الجاري

معذور من سرني

ومعذور من لامني

كلبي على وطني

كلبي على وطني الكل عمري جان الأهم

أسكيه بمي دمعتي ويسكيني كاس الندم

أنطيته حلم العمر ونطاني جنّة وهم

واني مثل هالبشر هم روح دم ولحم

ما ضعف حبي إله

ولا غيّرت مسكني

كلبي على وطني

بالحرب شلتك نبض من ساتر لساتر

وشرّبتك بخوذتي من حبّك الطاهر

تغفه اعله سبّابتي ويبقه الكلب ساهر

ومن ضاك بيك الوكت انطيتك اخواني

كلما تذبّل كمر تطلب كمر ثاني!!

لا جيت عزّيتني ولا شاركت حزني

أشكيك يا منيتي لو تشتكي مني؟

كلبي على وطني

كلبي على وطني كلما تدك صافرة

وكلما قذيفة غدر تنطلق من طائرة

وعن كل طفل منذهل وعن نظرته الحايره

وكل قنبلة لو إجت وبأرضك اتفجّرت

اتفجّر الحالتي وبجفوفك أتناثر

أحزانّه صوغتك وأيامنه امكابر

وبس الحزن والألم من شجرتك ينْجني

كلبي على وطني

كلبي على وطني وباجر يرشني الفرح

تحت السمه الحالمة واضحك بكل المرح

انسه الجرح والألم واحرك أوراق الندم

ومعذور ذاك الوكت لو بيه ضحك سني

كلبي على وطني

الشاعر : عريان السيد خلف .



http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com



غير متصل صبيه

  • عضو فعال جدا
  • ***
  • مشاركة: 956
  • الجنس: أنثى
    • مشاهدة الملف الشخصي
رد: كَلبي على وطني
« رد #1 في: 14:15 06/07/2016 »
اسئلك ياعرااااااق  اشوكت نرتاح....نبجي لحالنا لو نبجي ع الراح
صارررررر اسنين وحنه همومنه جبال.. فوك صدورنه صغناهن وشاح
https://www.youtube.com/watch?v=Z-6UalvIVXc
يامنى القلب من القلب اعتذار  ان طغى الشوق بجنبيه وثارا  فهويامي بك ما كان اختيارا  انت من تجعل ليلاتي نهارا انت من تملئو ايامي اغترارا ايها الطير الذي رف وطارا  وانا ابني له في القلب دارا كيف امسى حبنا نورا ونارا انا اهواك واهواك جهارا واغني بك زهوا وافتخارا ايها الشاهق كلشمس مداره فاذا طاف بك الشوق غرارا فتذكر انني ضقت اصطبارا  وترفق بامانيه السكاره لاتدع طيفك عني يتوارا  لاتدعني اسئل الغيب مرارا وانا  اعتصر الدمع اعتصارا انا كم افنى وكم احيا انتظارا

غير متصل اجونة

  • مبدع قسم الهجرة
  • عضو مميز جدا
  • *
  • مشاركة: 4704
  • الجنس: أنثى
  • توكلنا عليك ياربي وسهل امورنا ياأرحم الراحمين
    • مشاهدة الملف الشخصي
    • البريد الالكتروني
رد: كَلبي على وطني
« رد #2 في: 20:57 06/07/2016 »
 كلبي على وطني..

أهواك يا وطني لو جنتك ناري!!

وانزفلك الدم شعر واهديلك أشعاري

كل يوم نكعد سوه وأحجيلك أسراري

تفكدني من أبتعد وتزورني بداري

وأبجيلك ابلا دمع وأشرحلك الجاري

 :'( :'( :'(

غير متصل Odisho Youkhanna

  • عضو مميز متقدم
  • *******
  • مشاركة: 16092
  • الجنس: ذكر
  • God have mercy on me a sinner
    • رقم ICQ - 8864213
    • MSN مسنجر - 0diamanwel@gmail.com
    • AOL مسنجر - 8864213
    • مشاهدة الملف الشخصي
    • فلادليفيا
    • البريد الالكتروني
رد: كَلبي على وطني
« رد #3 في: 04:21 07/07/2016 »
عراقنا الحبيب...   
حتى النظر لو راد من عيني اعوفه
ناسي و ردت انساه بس ما نسيته
من غاب عن العين بدمي وبفكري لكيته

الغربة ماتراد بس والله مجبور
عمرك شفت عدل يسكن بلكبور
حنيت انا لبغداد ولشوفة الناس
والي ما يحب بغداد ماعندة احساس
اصفن واحاجي الروح وين احنه صرنه؟؟؟؟
هم ترجع الايام ويلتم شملنه؟؟؟؟

انطيني ورقة وقلم خلي اكتب احزاني
مريت بظرف ما مر بي انسان ثاني
واتفرهدت واني بهل العمر وانباكت احلامي
واحلى ايام العمر شالوها من كدامي
مابقت من ذكراه بس التصاوير
ولو فكرت انساه نسيانه تفكير
شيصبر الولهان شوف التصاوير
كل صورة وسط العين دكت بسامير
لو بس يمر بالطيف وبعيني اشوفه
حتى النظر لو راد من عيني اعوفه
ناسي وردت انساه بس ما نسيته
من غاب عن العين بدمي وبفكري لكيته
اخوكم ومحبكم عاشق العراق ابو شذى الوردة
may l never boast except in the cross of our Lord Jesus Christ

غير متصل Sound of Soul

  • الاداري الذهبي
  • عضو مميز متقدم
  • *******
  • مشاركة: 12979
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=okjsl3p8tb316is15kq106d14u&/board,53.0.html
رد: كَلبي على وطني
« رد #4 في: 00:36 08/07/2016 »


كلبي على وطني الكل عمري جان الأهم

أسكيه بمي دمعتي ويسكيني كاس الندم

أنطيته حلم العمر ونطاني جنّة وهم

واني مثل هالبشر هم روح دم ولحم

أحزانّه صوغتك وأيامنه امكابر

وبس الحزن والألم من شجرتك ينْجني

كَلبي على وطني .....


شكرا لمروركم جميعا
دمتم بالف خير .

http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com