ܒܸܕ ܡܵܢܬـܝܼ ܟܠܵܝܵܬܐ ܠܙܲܒܛܵܢܬܐ ܠܩܵܠܐ ܕܥܲܣܩܘܼܬܐ ܦܘ̇ܠܝܼܛܝܼܩܵܝܬܐ


المحرر موضوع: ܒܸܕ ܡܵܢܬـܝܼ ܟܠܵܝܵܬܐ ܠܙܲܒܛܵܢܬܐ ܠܩܵܠܐ ܕܥܲܣܩܘܼܬܐ ܦܘ̇ܠܝܼܛܝܼܩܵܝܬܐ  (زيارة 1550 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 486
    • مشاهدة الملف الشخصي
    • البريد الالكتروني
هل تفلح الاعتصامات في ضبط ايقاع الازمة السياسية المتفاقمة في العراق؟
ܒܸܕ ܡܵܢܬـܝܼ ܟܠܵܝܵܬܐ ܠܙܲܒܛܵܢܬܐ ܠܩܵܠܐ ܕܥܲܣܩܘܼܬܐ ܦܘ̇ܠܝܼܛܝܼܩܵܝܬܐ ܕܝܼܠܵܗ̇ ܦܪܝܼܣܬܐ ܓܵܘ ܥܹܪܵܐܩ؟
ܡܠܘ̇ܐܵܐ ܦܝܼܫܠܹܗ ܦܪܝܼܣܐ ܓܵܘ ܗܲܘܦܐ ܕܥܲܢܟܵܘܐ ܒܝܲܕ ܣܲܦܪܐ ܡܗܝܼܪܐ. ܐܘ̇ܫܲܥܢܐ ܢܝܼܣܵܢ
ܬܲܪܓܵܡܬܐ ܠܠܫܵܢܐ ܐܵܬܘ̇ܪܵܝܐ؛ ܥܲܒܼܕܝܼܫܘ̇ܥ ܣܵܗ̄ܕܐ

ܥܵܕܲܬ ܕܲܡܚܵܝܬܐ ܕܦܵܩܘ̇ܕܘܵܬܐ ܦܘ̇ܠܝܼܛܝܼܩܵܝ̈ܐ ܥܸܠܠܵܝ̈ܐ ܒܨܵܘܠ̈ܐ ܘܒܝܼ ܒܘܼܛܘܼܠ̈ܐ ܕܡܲܝܐ ܓܵܘ ܦܲܪܠܵܡܵܢ ܐܲܬܪܵܝܐ ܥܝܼܪܵܩܵܝܐ ܒܪܲܡܫܐ ܕܝܵܘܡܐ ܕܲܬܠܵܬܒܼܫܲܒܐ ܒܣܝܼܩܘ̇ܡ 26 ܒܢܝܼܣܵܢ ܥܲܒܼܪܵܢܐ، ܐܝܼܠܹܗ ܢܘܼܩܙܵܐ ܐ̄ܚܲܪܵܝܐ ܒܐܸܛܪܐ ܕܢܵܡܘ̇ܣ̈ܐ ܩܵܢܘܼܢܵܝ̈ܐ ܒܗܝܼܪ̈ܐ ܕܲܡܛܹܐܠܵܗ̇ ܥܲܠܠܲܝܗܝ̈ ܫܲܠܝܼܛܘܼܬܼܐ ܢܵܡܘ̇ܣܵܝܬܵܗ̇ ܬܚܘܼܬ ܫܟܘܼܪܵܐ ܕܦܲܪܠܲܡܵܢ ܐܲܬܪܵܝܐ ܕܓܵܘ ܥܹܪܵܐܩ ܚܲܕ̄ܬܐ، ܥܹܪܵܐܩ ܡܢ ܒܵܬܪ ܛܲܠܘ̇ܡܐ ܕܸܟܬܵܬܘ̇ܪܵܝܐ ܨܲܕܵܐܡ ܚܘܼܣܹܝܢ،،
ܐܵܗܐ ܝ̄ܬܵܒܼܬܐ ܕܝܼܗ̄ܘܐ ܒܸܣܦܵܪܐ ܥܲܠܠܵܗ̇ ܥܲܡܡܐ ܥܹܪܵܐܩܵܝܐ ܒܝܼ ܡܣܲܝܒܪܵܢܘܼܬܐ ܓܘܼܒܼܪܬܐ ܒܐܸܛܪܐ ܕܣܲܓܝܼܐܘ̇ܬܼ ܐܲܝܟܸܢܘܵܬܼܐ ܐܸܩܢܘ̇ܡܵܝ̈ܐ ܥܲܣܩ̈ܐ ܘܲܚܪܵܒܼܬܐ ܕܐܲܝܟܸܢܘܵܬܼܐ ܫܲܝܢܵܝ̈ܐ، ܡܩܵܘܡܐ ܕܐܵܗܐ ܟܦܵܫܬܐ ܒܸܕ ܡܲܢܬܝܼܵܐ ܐܵܦܸܢ ܠܓܵܗܹܐ ܩܲܕ̄ܡܵܝܬܐ ܠܲܡܪܵܙܲܓܬܐ ܠܲܟܠܵܝܬܐ ܓܵܘ ܦܵܬܐ ܕܲܚܪܵܒܼܬܐ ܘܲܕܝܵܢܬܐ ܕܡܲܚܸܪ̈ܒܼܵܢ̈ܐ ܘܡܵܢܝܼܠܹܗ ܡܛܵܠܘ̇ܩ̈ܐ ܟܸܣܦܐ ܥܹܪܵܐܩܵܝܐ ܒܐܸܛܪܐ ܕܲܦܣܵܥܬܐ ܒܩܸܫܝܘܼܬܼܐ ܒܬܲܪܡܝܼܬܼܐ ܕܫܘܼܚܠܵܦܐ ܘܬܘ̇ܪܵܨܐ ܒܐܸܛܪܐ ܕܒܸܢܝܵܢܐ ܕܫܘܼܬܼܐܵܣ̈ܐ ܕܕܵܘܠܬܐ ܥܹܪܵܐܩܵܝܬܵܗ̇، ܕܝܼܠܵܢܵܐܝܼܬܼ ܡܢ ܒܵܬܪ ܕܲܡܫܘܼܪܹܠܹܗ ܥܹܪܵܐܩ ܚܲܕ̄ܬܐ ܦܝܵܫܐ ܠܪܹܫܐ ܕܣܘܼܪܓܵܕܐ ܕܕܵܘܠܝܵܬܼܐ ܕܝܼܠܹܗ ܦܪܵܡܲܝܗܝ̈ ܚܪܵܒܼܵܐ ܟܸܣܦܵܝܐ ܘܦܘܼܪܢܵܣܵܝܐ ܓܵܘ ܟܠܵܗ̇ ܒܪܝܼܬܼܐ، ܒܚܲܕ̄ ܥܕܵܢܐ ܕܲܫܩܝܼܠܹܗ ܡܝܲܩܪܐ ܣܲܠܝܼܡ ܐܲܠܓ̮ܒܘܼܪܝܼ ܪܹܫܐ ܕܦܲܪܠܲܡܵܢ ܥܹܪܵܐܩܵܝܐ ܦܘܼܣܩܵܢܐ ܠܡܲܟܠܵܝܬܐ ܕܲܟܦܵܫܬܐ ܕܦܝܼܫܠܗ̄ܘ̇ܢ ܡܛܲܝܒܼ̈ܐ ܒܝܼܵܗ̇ 172 ܬܲܚܠܘ̇ܦ̈ܐ ܩܐ ܝܵܘܡܐ ܕܚܲܡܫܵܒܼܫܲܒܐ ܐܲܬܝܵܢܐ، ܘܬܲܓܼܠܝܼܵܬܼܐ ܘܣܲܩܘܼܒܼܠܝܵܬܼܐ ܥܲܪ̈ܒܵܝܹܐ ܕܝܼܠܲܝܗܝ̈ ܬܚܘܼܬ ܫܸܡܐ ܒܵܗܵܪ ܐܵܘ ܢܝܼܣܵܢ ܥܲܪܒܵܝܐ ܡܘܼܙܒܸܛܠܲܝܗܝ̈ ܩܐ ܟܠܵܗ̇ ܬܹܒܹܝܠ، ܕܫܘܼܓܼܠܵܠ̈ܐ ܕܲܛܘܼܟܵܣ̈ܐ ܥܲܪ̈ܒܵܝܹܐ ܘܢܸܣܝܵܢܐ ܕܓܲܒܼܪ̈ܝܗܝ̈ ܡܘܼܢܬܹܐܠܗ̄ܘ̇ܢ ܒܚܲܕ̄ ܨܘܼܪܬܐ ܐܵܘ ܒܚܲܕ̄ ܐ̄ܚܹܪ̄ܬܐ ܠܡܲܫܠܵܝܬܼܐ ܠܟܲܪܒܐ ܕܩܘܼܛܢܵܐ ܕܩܝܼܡܠܹܗ ܒܝܼ ܢܦܵܨܬܐ ܘܕܘܼܪܵܫܐ ܫܲܪܝܼܪܐ ܒܲܝܢܵܬܼ ܫܘܼܠܛܵܢܐ ܘܥܲܡܡܐ ܐܝܼܠܹܗ ܫܒܼܝܼܠܐ ܒܲܠܚܘ̇ܕܼ ܠܲܫܪܵܝܬܐ ܕܟܠܲܝܗܝ̈ ܡܬܲܪ̈ܩܵܠܝܵܬܼܐ ܘܥܲܣܩܵܘܵܬܼܐ ܕܝܵܠܲܝܗܝ̈ ܟܸܠܝ̈ܐ،
ܥܲܡܡ̈ܐ ܕܡܲܕܢܚܐ ܠܲܝܬܠܗ̄ܘ̇ܢ ܡܕܲܪܟܵܢܘܼܬܼܐ ܒܠܸܫܵܢܐ ܕܕܘܼܪܵܫܐ،
ܘܒܸܕܟܼܵܪܵܐ ܝ̄ܘܸܢ ܘܒܘܼܫ ܙܲܘܕܐ ܡܢ ܬܠܵܬܼܝܼـ ܫܸܢ̈ܐ ܩܪܹܐܠܝܼ ܠܚܲܕ̄ ܡܹܐܡܪܐ ܡܲܥܸܒܕܼܵܢܐ ܕܚܲܕ̄ ܟܲܬܵܒܼܐ ܡܢ ܟܲܬܵܒܼ̈ܐ ܐܘ̇ܪܸ̈ܣܢܵܝܹܐ ܓܘܼܒܼܪܐ ܡܩܵܘܡܐ ܐܝܼܗ̄ܘܐ ܟܲܬܵܒܼܐ ܕܫܘ̇ܥܝܼܬܼܐ ܓܘܼܒܼܪܐ ܠܝܘ̇ ܬܘ̇ܠܸܣܬܵܝـ ܣܵܝܘ̇ܡܐ ܕܫܘ̇ܥܝܼܬܼܐ (ܩܪܵܒܼܐ ܘܲܫܠܵܡܐ)، ܟܲܕ ܐ̄ܡܝܼܪܹܗ ܕܥܲܡܡܐ ܐܘ̇ܪܸܣܢܵܝܐ ܠܹܐ ܩܵܒܸܠ ܒܫܘܼܚܠܵܦܐ ܕܝܼܡܘܼܩܪܵܛܵܝܐ ܒܪܸܢܝܐ ܕܓܵܐܢܹܗ، ܐܝܼܢܐ ܟܹܐ ܩܵܒܸܠ ܠܫܘܼܚܠܵܦܐ ܒܝܼ ܙܕܘ̇ܥܬܼܐ ܡܢ ܕܸܟܬܵܬܘ̇ܪܝܼܘܼܬܼܐ ܕܟܸܢܫ̈ܐ ܦܘ̇ܠܝܼܛܝܼܩܵܝ̈ܐ ܡܫܲܠܛ̈ܐ، ܐܵܗܐ ܚܙܵܝܬܐ ܕܡܵܨܵܚ̈ ܐܲܡܪ̈ܵܚ ܕܡܲܪܥܐ ܡܫܘܼܢܹܐܠܹܗ ܥܲܠ ܡܘܼܚܐ ܘܗܲܘܢܐ ܕܣܵܗ̄ܡܐ ܙܲܘܕܐ ܡܢ ܐܲܬܪ̈ܵܝܹܐ ܕܥܲܡܡ̈ܐ ܕܡܲܕܸܢܚܐ ܘܛܘ̇ܟܵܣ̈ܐ ܦܘ̇ܠܝܼܛܝܼܩܵܝܐ ܕܟܹܐ ܚܲܕܪܝܼ ܗ̄ܘܵܘ ܒܐܘܼܦܩ̈ܐ ܕܚܘܼܝܵܕܐ ܣܘ̇ܦ̮ܝܹܬܵܝܐ ܒܕܲܥܒܲܪ، ܟܲܕ ܦܝܼܫܠܵܗ̇ ܡܫܘܼܢܝܼܬܼܐ ܐܵܗܐ ܚܙܵܝܬܵܗ̇ ܠܚܲܕ̄ ܡܲܪܥܐ ܡܲܙܕܝܼܥܵܢܐ ܕܒܸܢܣܵܪܐ ܝ̄ܠܹܗ ܘܒܸܩܛܵܥܐ ܐܸܕܝܘ̇ܡ ܝܵܘܡܐ ܒܟܠܲܝܗܝ̈ ܫܘܼܬܼܐܵܣ̈ܐ ܕܕܵܘܠܬܐ ܥܹܐܪܵܩܵܝܬܐ ܚܲܕ̄ܬܵܗ̇ ܡܛܠ ܐܝܼܠܲܝܗܝ̈ ܚܲܕ̄ ܣܵܗ̄ܡܐ ܡܢ ܦܠܵܛ̈ܐ ܕܥܲܡܲܠܝܼܵܬܼܐ ܕܲܛܠܵܩܬܐ ܪܸܢܝܵܝܬܵܗ̇ ܘܗܲܘܢܵܝܬܵܗ̇ ܕܐܲܬܪܵܝܐ ܥܹܐܪܵܩܵܝܐ ܒܟܠܲܝܗܝ̈ ܬܒܼܝܼܥܝܵܬܹܗ ܛܘ̇ܗܡܵܝ̈ܐ ܘܬܲܘܕܝܼܬܵܢܵܝ̈ܐ ܕܠܐ ܦܘܼܪܫܘܼܢܝܐ،
ܐܝܼܢܐ ܥܸܠܬܼܐ ܕܦܵܫܵܡܬܐ ܩܫܝܼܬܼܐ ܝ̄ܠܵܗ̇ ܟܲܕ ܦܝܼܫܠܗ̄ܘ̇ܢ ܦܠܝܼܓܼ̈ܐ ܚܲܝܠܵܘܵܬܼܐ ܕܲܡܠܘ̇ܐܵܐ ܐܲܬܪܵܝܐ ܡܚܲܝܕܐ ܘܲܛܠܝܼܩܠܗ̄ܘ̇ܢ ܟܠܲܝܗܝ̈ ܣܲܒܼܪ̈ܐ ܘܩܲܘܠ̈ܐ ܕܣܲܩܘܼܒܼܠܵܝܘܼܬܼܐ ܥܹܪܵܐܩܵܝܬܵܗ̇ ܕܝܼܗ̄ܘܵܘ ܩܲܕ̄ܡ ܢܦܵܠܬܐ ܕܫܘܼܠܛܵܢܐ ܥܹܐܪܵܩܵܝܐ ܒܫܹܢ̄ܬܐ 2003، ܠܲܡܪܵܙܲܓܬܐ ܕܐܲܬܝܼܪܵܐ ܦܘ̇ܠܝܼܛܝܼܩܵܝܐ ܚܫܝܼܚܐ ܠܡܲܪܒܼܵܝܬܐ ܕܒܸܕܪ̈ܐ ܕܢܸܣܝܵܢܐ ܕܝܼܡܘܼܩܪܵܛܵܝܐ ܘܚܲܝܘܼܬܐ ܕܐܲܚܵܝܘܼܬܐ ܓܵܘ ܥܹܪܵܐܩ ܚܲܕ̄ܬܐ، ܘܥܲܡܲܝܗܝ̈ ܡܹܐܡܪ̈ܐ ܕܡܲܪܘܵܚܬܐ ܠܐܘܼܦܩ̈ܐ ܕܲܥܬܝܼܕܵܬܵܢܵܝ̈ܐ ܡܫܵܘܬܦ̈ܐ ܩܐ ܟܠܲܝܗܝ̈ ܥܹܪ̈ܵܐܩܵܝܹܐ ܒܢܝܼܫܐ ܕܲܒܢܵܝܬܐ ܥܹܪܵܐܩ ܦ̮ܝܼܕܪܵܠܵܝܐ ܐܵܘ ܟܘ̇ܢܦ̮ܕܪܵܠܵܝܐ ܥܲܠ ܙܸܒܼܠ̈ܐ ܕܸܟܬܵܬܘ̇ܪ̈ܝܹܐ ܕܛܲܟܼܣ̈ܐ ܩܸܢܛܪ̈ܘ̇ܢܵܝܹܐ ܘܫܘܼܓܼܠܵܠܲܝܗܝ̈ ܛܵܠܘ̇ܡ̈ܐ، ܘܐܵܗܐ ܩܵܐܹܡ ܡܲܚܙܘܼܝܹܐ ܝ̄ܠܹܗ ܚܲܕ̄ ܫܪܵܪܐ، ܠܲܛܠܵܩܬܐ ܕܲܚܙܵܝܬܐ ܡܚܘܼܝܵܕܬܵܗ̇ ܐܵܘ ܡܕܲܪܟܵܢܘܼܬܼܐ ܐܵܘ ܗܲܝܡܵܢܘܼܬܐ ܒܛܲܟܼܣܐ ܕܝܼܡܘܼܩܪܵܛܵܝܐ ܨܸܦܝܵܐ ܘܠܐ ܡܲܢܬܵܝܬܐ ܕܣܲܩܘܼܒܼܠܵܝܘܼܬܐ ܕܝܵܘܡܐ ܕܲܥܒܲܪ ܠܡܲܩܪܵܒܼܬܐ ܠܲܚܙܵܝܬܐ ܚܲܕ̄ܬܵܗ̇ ܠܕܲܥܬܝܼܕܼ ܕܥܹܪܵܐܩ ܕܐܸܕܝܘ̇ܡ، ܥܹܪܵܐܩ ܡܢ ܒܵܬܪ ܕܦܝܼܫܠܹܗ ܚܘܼܪܸܪܐ ܡܢ ܛܲܟܼܣܐ ܕܸܟܬܵܬܘ̇ܪܵܝܐ، ܘܲܟܡܐ ܕܝܼܣܝܼܪܬܐ ܝ̄ܠܵܗ̇ ܨܒܼܘ̇ܬܐ ܒܟܘܼܝܵܢ̈ܐ ܛܘ̇ܗܡܵܝ̈ܐ ܥܹܐܪ̈ܩܵܝܹܐ ܘܥܲܠ ܪܹܫܵܝܗܝ̈ ܒܢܲܝ̈ ܥܲܡܡܵܢ ܟܲܠܕܘ̇ ܐܵܬܘ̇ܪܵܝܐ، ܡܵܪܵܘܵܬܼܐ ܕܦܘܼܣܩܵܢܐ ܓܵܘ ܛܲܟܼܣܐ ܥܹܪܵܐܩܵܝܐ ܚܲܕ̄ܬܐ ܠܲܝܬܠܗ̄ܘ̇ܢ ܪܘܝܼܚܘܼܬܼܐ ܒܨܲܕܪ̈ܝܗܝ ܕܫܵܡܥܝܼ ܠܪ̈ܥܝܵܢܹܐ ܘܪ̈ܢܝܹܐ ܕܡܲܡܬܠܵܢ̈ܐ ܘܬܲܚܠܘ̇ܦ̈ܐ ܕܥܲܡܡ̈ܐ ܕܠܐ ܝ̄ܠܲܝܗܝ̈ ܥܲܪ̈ܒܼܵܝܹܐ ܘܠܐ ܩܘܼܪ̈ܕܵܝܹܐ، ܘܒܐܸܛܪܐ ܕܲܚܙܵܝܬܝܼـ ܠܐܲܪ̈ܝܼܚܵܬܼܐ ܕܣܲܩܘܼܒܼܠܘܵܬܼܐ ܘܲܟܠܵܝܵܬܼܐ ܐܵܢ̈ܝܼ ܕܲܒܪܹ̈ܐ ܠܗ̄ܘ̇ܢ ܐܸܕܝܘ̇ܡ ܒܢܝܼܫܐ ܣܲܪܝܐ ܠܡܲܢܦܵܠܬܐ ܕܚܘܼܟܵܡܐ ܕܬܘܼܪܵܨܐ ܘܫܘܼܚܠܵܦܐ ܕܪܹܫܵܐ ܕܘܲܙܝܼܪ̈ܐ ܗܲܝܕܲܪ ܐܲܠܸܥܒܵܐܕܝܼ ܠܡܲܩܪܲܒܼܬܵܝܗܝ̈ ܩܐ ܦܲܪܠܵܡܵܢ، ܒܗܸܬܠܝܼ(صدمت) ܪܵܒܐ ܡܢ ܒܵܬܪ ܕܲܚܙܹܐܠܝܼ ܠܪ̈ܓܼܫܹܐ ܠܐ ܚܫܝܼܚ̈ܐ ܒܝܼ ܙܕܘܼܥܬܼܐ ܠܚܲܕ̄ ܬܲܚܠܘ̇ܦܐ ܡܢ ܬܲܚܠܘ̇ܦ̈ܐ ܕܥܲܡܡܵܢ ܓܵܘ ܦܲܪܠܲܡܵܢ ܥܹܪܵܐܩܵܝܐ ܕܝܼܠܹܗ ܡܝܲܩܪܐ ܝܘܼܢܵܕܸܡ ܝܵܘܣܹܦ ܟܲܢܐ ܘܐ̄ܡܸܪܝܼ ܩܐ ܓܵܐܢܝܼ، ܡܵܨܹܐ ܡܝܲܩܪܐ ܝܘܼܢܵܕܸܡ ܟܲܢܐ ܕܝܼܠܹܗ ܚܫܝܼܒܼܐ ܬܲܚܠܘ̇ܦܐ ܟܲܠܕܘ̇ ܐܵܬܘ̇ܪܵܝܐ ܘܗܲܪ ܒܗܵـܝ ܥܕܵܢܐ ܡܫܝܼܚܵܝܐ ܡܵܨܹܐ ܕܥܵܒܼܕ ܚܲܕ̄ ܡܸܢܕܝܼ ܒܐܸܛܪܐ ܕܐܵܗܐ ܫܓܼܘܼܫܝܵܐ؟ ܐܝܼܢܐ ܒܸܕ ܐܵܡܸܪ ܐܲܡܪܵܢܐ، ܐܲܚܟ̮ܝܼ ܐܝܼܬܘܼܬܐ ܐܝܼܠܵܗ̇ ܡܲܠܝܵܢܬܐ !!
ܥܲܒܼܕܝܼܫܘ̇ܥ ܣܵܗ̄ܕܐ