ܓܘ ܢܘܟܼܪܝܘܬܐ ܐܢܐ ܚܫܢܐ
ܠܲܝܬ ܠܝܼ ܚܵܕܘܼܬܵܐ ܒܐܲܪܥܵܐ ܢܘܟܼܪܵܝܬܵܐ
ܪܸܚܩܵܐ ܡ̣ܢ ܘܲܪܕܝܼ ܦܸܩܚܵܐ ܕܚܵܕܘܼܬܵܐ
ܠܲܝܬ ܠܝܼ ܦܸܨܚܘܼܬܵܐ ܓܵܘ ܢܘܟܼܪܵܝܘܼܬܵܐ
ܪܸܚܩܵܐ ܡ̣ܢ ܥܲܝܢܹ̈ܐ ܕܢܵܓ̰ܸܒ ܠܵܚܘܼܡܬܵܐ
ܒܐܲܪܥܵܐ ܕܒܹܝܬܢܲܗܪܹ̈ܝܢ ܫܒܼܝܼܩܵܐ ܝ݇ܘܸܢ ܚܘܼܒܝܼ
ܒܪܓܼܝܼܓܘܼܬܵܐ ܕܦܲܓܼܪܵܐ ܒܵܣܘܼܡܹܐ ܕܲܪܒܝܼ
ܡܘܼܢܫܵܐ ܝܘܸܢ ܠܚܠܝܼܬـܝܼ ܡܘܼܢܫܵܐ ܠܥܘܼܗܕܵܢܵܐ
ܦܠܵܛܝܼ ܡ̣ܢ ܐܲܬܪܝܼ ܩܵܐ ܟܪܝܼܬܵܐ ܥܕܵܢܵܐ
ܫܸܢܹ̈ܐ ܒܸܥܒܼܵܪܵܐ ܪܸܚܩܵܐ ܡܡܘܿܚܸܒܬـܝܼ
ܦܲܓܼܪܝܼ ܒܸܢܘܵܠܵܐ ܩܛܵܠܵܐ ܠܐܝܼܬܘܼܬܝܼ
ܒܐܝܼܕܵܬܹ̈ܐ ܕܓܵܢܝܼ ܦܪܝܼܡܵܐ ܝ݇ܘܸܢ ܪܘܼܚܝܼ
ܗ̇ܘ ܝܲܘܡܵܐ ܕܫܒܸܩܠܝܼ ܥܲܠܵܟܼܝ ܡܘܼܚܸܒܬـܝܼ
ܟܲܘܟܼܒܼܝܼ ܠܲܓ̰ܠܘܼܓ̰ܹܐ ܒܫܡܲܝܵܐ ܕܐܵܗ ܠܸܒܝܼ
ܫܪܵܓܼ݇ܝܘܿܗ̇ ܒܲܗܪܘܼܢܹܐ ܐܘܼܪܚܵܐ ܕܐܵܗ ܚܘܼܒܝܼ
ܕܪܵܓܼܫܸܢ ܡܥܲܠ ܢܲܗܪܵܐ ܕܫܸܪܝܵܐ ܝ݇ܠܹܗ ܩܘܼܪܒܝܼ
ܡܝܼܬܵܐ ܝܲܢ ܚܵܝܵܐ ܓܵܘ ܚܦܵܩܵܐ ܕܚܘܿܒܝܼ
ܡܝܼܬܵܐ ܝܲܢ ܚܵܝܵܐ ܓܵܘ ܚܦܵܩܵܐ ܕܐܲܬܪܝܼ
