تسويف المعلومات مع الاسف بعد الوصول والسكن بالولايات المتحدة


المحرر موضوع: تسويف المعلومات مع الاسف بعد الوصول والسكن بالولايات المتحدة  (زيارة 2859 مرات)

0 الأعضاء و 1 ضيف يشاهدون هذا الموضوع.

غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
السلام عليكم
احب ان انوه الى ان بعض الأخوة الواصلين الى امريكا استمر معهم تسويف الحقائق والخوف من الحسد وللأسف الشديد
مثلا بعض الاخوة يقول ان ملفه يتكون من عائلة وتوقفت المساعدات من قبل المنظمة بعد 3 اشهر وان مبلغ الويلكم لم يستلمه او تم مصادرته منه وليس هو فقط بل رايت هذا الامر عند كل الواصلين وكأنه يوجد اتفاق مسبق معهم على ذكر امور محددة
للعلم والأطلاع رواتب العائلة تستمر 8 اشهر على الأقل
الوليكم من 920 الى الف دولار للشخص يتم تسليمها باليد عند بعض المنظمات والأخرى تسلمها على شكل سلف لحماية اللاجيء من السرقة او تبذير الاموال عن طريق المقامرة او غيره ( مع العلم اذا طلبت منهم ان تشتري سيارة يتم تسليمك قسم من المبلغ او حاسبة او هاتف )
يكون مبلغ اشتراك النت للعائلة 10 دولار لا اكثر واجور الكهرباء والماء بسيطة وسهلة للعائلة طبعا الامر يختلف بأختلاف الولايات لكن مع الحفاظ على هذه النسبة بين السنكل والعائلة
مع الاسف رأيت جميع مشاركات العوائل ولم يتم ذكر اي من هذه الامور
اعتقد ان مخلفات المجتمع العراقي ما زالت مستمرة ومنها الخوف من الحسد
بدل تشجيع المتقدمين يتم تهويل الامور ووصف العيش بأمريكا بالجحيم
اي عمل بأمريكا يوفر للسنكل اقل مبلغ هو 2000 دولار شهريا تخزن بالبطل او القاصة
هل هذا الامر موجود بالعراق غير هذا هل الامان ببلاد العم سام نفسه موجود بالعراق


فاضل السعيدي



غير متصل AIRFIBER

  • عضو فعال
  • **
  • مشاركة: 60
  • منتديات عنكاوا
    • مشاهدة الملف الشخصي
    • البريد الالكتروني
هسه انتو تخافون من الحسد اسكتو ولتحجون ليش هذا الكلام السلبي ويصورولك الحياة (طبعا كلمن حسب تجربته الشخصية) جحيم ومتنعاش؟؟؟؟؟؟؟؟؟؟؟؟؟

كلامك واقعي اخي فعلا هواية ناس مع الاسف تحجي هيج


غير متصل بدوي الجبل

  • عضو فعال
  • **
  • مشاركة: 40
  • منتديات عنكاوا
    • مشاهدة الملف الشخصي
    • البريد الالكتروني
للاسف بعض الكلام غير صحيح اجور النت اغلى من العراق واقل شي خمسون دولار والتلفزيون اللي يطلع قنوات عربيه لازم اشتراك شهري مع شراء ريسيفر ولقل اشتراك ثلاثين دولار اما العمل المتاح فهو عمل عماله او صانع فهم لايعترفون بالشهاده العراقيه ومن اصعب الامور هو الحصول على عمل حتى وان كان يدويا الامور ليست ورديه كما يعتقد البعض واللي ما يعمل ما يكدر يعيش الا اذا عنده مصدر دخل يجي من العراف فاالمساعدات لاتكفي بسبب ارتفاع الايجارات ومتطلبات الحياة شكرا اتمنى ان تتحملو صراحتي فاللكثير من الاخوه العراقيين هناك لا يوظحوا الحقيقه


غير متصل predator

  • عضو فعال جدا
  • ***
  • مشاركة: 762
  • الجنس: ذكر
    • مشاهدة الملف الشخصي
اخي بدوي,
اذا انت بامريكا ليش مترجع للعراق لان الوضع مو وردي ومو سهل


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
مع الاسف رد بدوي الجبل هو رد متفق عليه من اكثر رواد هذا المنتدى ممن وصل لأمريكا وحقيقة هو رد لا يسر القاريء ويغضب الفاهم والعارف بأمور العيش بأمريكا
انا اسأل اذا كان العيش بأمريكا مر وصعب كما تذكرون قلما هذا التغرب والابتعاد عن الاهل والاقارب والاصدقاء والغريب ذليل كما تعرفون
انصحكم بالرجوع للعراق العمل موجود لمن يريد العمل بعض الاشخاص اختار العيش الحر والامان لكن لمن يدعي صعوبة العيش ببلاد المهجر علية العودة لبلده وتحمل الانتقال من مكان سكنه اذا كان خطر عليه واطفاله وبكل حالة لا غربة بالانتقال داخل الوطن
اذكركم ان كلامي السابق لهذا المقال منقول شفويا من ابن اخي الموجود منذ 3 سنين بأمريكا وهو سنكل ولا يحمل اي شهادة ويعمل الان بأحد المطارات الدولية

فاضل السعيدي

غير متصل بدوي الجبل

  • عضو فعال
  • **
  • مشاركة: 40
  • منتديات عنكاوا
    • مشاهدة الملف الشخصي
    • البريد الالكتروني
تحياتي

اريد اناوضح شي حول اجور الكهرباء فلا علاقه له بموضوع السنكل او العائله فهي تغتمد غلى الاستهلاك مثل بقية الدول ومنها العراق وسعر الكيلواط/ساعه هو دولار ونص يعني في الولايات الحاره قد تصل اجر الكهرباء الى ورقتين او اكثر وللمقارنه فان سعر الكهرباء في العراق هو 100 دينار للكيلو واط والماء ايضا يعتمد على الاستهلاك مو سيح مثل العراق اما اشتلااك الهاتف فاقل شي اربعين دولارواقصد الاشتراك الشهري للموبايل بصراجه وبدون مجامله لايوجد بلد ارخص من العراق تصورو الصمون العراقي يباع في محلات العراقيين الصمونه الواحده بدولار وبدون مبالغه


غير متصل مهاجر الجنوب

  • عضو فعال جدا
  • ***
  • مشاركة: 337
    • مشاهدة الملف الشخصي
    • البريد الالكتروني
مسالة العيش في امريكا مسالة صار بيه جدل هواي  لذا انت متكدر تجزم من الافضل حتى ياتي الشخص ويرا بنفسة فمنهم من يراها جيده ومنهم من يراها سيئة  حسب مستوى معيشة الشخص ومدخولة الشهري فالشخص الذي يحصل على عمل بمردود يسد تكاليف حياتة  بسهولة ويسر سينتعش اما الذي بالكاد ان يسدها وعمله متعب وقليل الراتب بالتاكيد سيعاني وهذا ليس في امريكا فقط بل بكل الدول مع ملاحظة تكاليف العيش في امريكا تختلف في كل ولاية حيث لايمكن مقارنة كالفورنيا في اريزونا حيث اقل ايجار في كالفورنيا سان دييغو  مثلا ٩٠٠ هذا اما في اريزونا  توسان ممكن ٥٠٠ اما بالنسبة للعمل لا اقول غير موجود لكن ليس سهلا جدا حيث يجب ان تبذل جهد للحصول علية واقصد العمل البسيط مثلا منظف دش واشر سايق فهذا ممكن الحصول علية بشكل سهل اما الاعمال المتقدمة فمن الصعب لانك ستنافس الامريكان ولان ارباب العمل يعتمدون على السيره الذاتية للعمل داخل امريكا فهولاء هم سكان امريكا وقضوا كل عمرهم يعملون هنا فالتاكيد سياخذون هذا العمل  مثلا كاشير في احد المتاجر اتقدم وحده شگره وانه املح بالتاكيد رايح ينطونها للشكره وانا لا الوم صاحب العمل فكيف اذا انت ماعندك لغة مع العلم انواع فرص العمل تختلف من مدينة الى اخرى وليس فقط من ولاية الى اخرى فقط لذا العمل لليريد يشتغل وعنده حيل موجود لكن شنو نوعة وراتبة هنا تعتمد على عده نقاط الشهاده اللغة الولاية الخبره للمجال المتقدم علية نسبة البطالة في الولاية بالاضافة الى الحظ والمعارف ونشاط الشخص للبحث كلها اتساعد اما لليريد دش واشر  هذا ظال موجود بس تعب اما الفواتير فهي اكثر ما يرهق الامريكان جميعا حيث يصل بل الكهرباء للمناطق الجنوبية الحاره الى معدل ٢٠٠ في الشهر حسب الصرف والماء فد ٣٠ مرات الطباخ على الغاز اذا الطباخ على الغاز راح اتقل فاتورة الكهرباء بس اصير عندك فاتوره غاز فد ٤٠ او ٣٠ حسب الصرف اذا بيت عندك تراش هم فد ١٠ ١٥ عندك ايضا بنزين فد ١٠٠ حسب الولاية والصرف نت بالتلفون اقل شي ٤٠ حوالي ٣ ميكا واللي يحب يكدر يفتح النت ويدخل على الشركات اذا تريد بس اتصال ٢٥ اكو خط اوباما بلاش بس اتصال النت مال الواي فاي حسب الشركة من ٣٠ الى حتى ١٠٠ يعني حسب السرعة وحسب المزود مثلا اقل شي مع كوكس ١٥ ميكا ب٤٠  واذا ٤٠ ب ٥٥ ومرات اكو عروض عقود تكون ارخص وحسب الولاية طبعا الستلايت اغلب العراقيين يشترون  وبي اشتراك سنوي لان احنة ما نستخدم القنوات الامريكية اللي اشتراكها يبدي من ٣٠ الى ١٠٠ لكن االعراقيين اغلبهم يشترون جهاز مفتوح ٢٠٠ دولار مفتوح للمده سنة وفيها وسنتين او اكثر بس يريد نت سريع عالمود ميكطع البعض اشترا من العراق  بالنتيجة  الحياه بامريكا صعبة ومملة  بالنسبة للي ماعنده عمل قوي عالمود يكدر يعوض النقص اللي يتسببة الغربة  مثلا كل ويك اند يروح يتفسح يطلع يشتري كذا وكل فتره يروح الى مدن سياحية اما اذا هو راتبة عالكدر بالتاكيد راح يشعر بالملل وصعوبة الحياه حقيقة تفاصيل العيش بامريكا كثيرة اذا ما تجي وانت شرفها ما راح تعرف لكن بالعموم امريكا للماعنده شغل بالعراق ومهدد افضل راللي مرتاح وعنده راتب قوي وما مهدد فالعراق افضل  لكن يبقى امر هو عدم استقرار العراق والخدمات ومستقبل الاطفال والقانون فهذا لا يقارن ابدا مع امريكا فمستقبل الاطفال وفرص الدراسة للكبار والصغار فرصة لا تصدق للجادين . امريكا بلد من البدان فيها ايجابيات  وسلبيات  للذي  يكدر يوافق ويتاقلم وينظم اموره ويحصل فرصة عمل قوية فامريكا افضل في الوقت الحالي على اقل تقدير  طبعا ارجوا المعذرة  اذا اكو اغلاط املائية لان ما راح اراجع


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
اكثر الاعضاء بالمنتدى مشتركين بأسماء وهمية ومن المحال المعرفة الشخصية عند الاغلبية لا ارى اي مانع من نشر نعمة الله فلا مجال للحسد الكل يتطلعون لبداية جديدة وانتم تساهمون بحجب هذا الامل بنشركم السيء وترككم الحسن
اتمنى لكم عيش رغيد وحياة هانئة

فاضل السعيدي

غير متصل جنكو فيس

  • عضو فعال جدا
  • ***
  • مشاركة: 215
    • مشاهدة الملف الشخصي
اخوية اجور الماء والكهرباء والغاز تعتمد على عدد العائلة و على دخلها ...فأن كنت من محدودي الدخل او لاجيء تقدم على برامج المعونات و راح يتم اقتطاع نسبة مئوية من المبلغ قد تصل الى 40 بالمية .... هذة الحجي في كاليفورنيا .


غير متصل المحقق العدلي

  • عضو فعال جدا
  • ***
  • مشاركة: 389
    • مشاهدة الملف الشخصي
    • البريد الالكتروني
راح اقص عليكم قصة ولدي لديه عائلة متكونة من 5 افراد بعد وصوله الى امريكا تحول على برنامج الماجكراند وبعد اسبوعين من وصوله المنظمة شافتله شغله في معمل لحوم وبالثلاجات وهو بعز الصيف يتغطى باللحاف والله وبأجور 9 دولارات في الساعة وكان يعمل اكثر من اربعين ساعة في الاسبوع وكما معلوم بعد 40 ساعة تصبح الاجور مرة ونصف بحيث ما يحصل عليه في الشهر 1400 ايجاره 900 والكهرباء والغاز والنت يتراوح بل 200$ وتكملت للفود 200$ لان يعطونه فود 250$ و100$ لانشورنز السيارة خو ما بقى شيء من 1400 . للعلم الماجكراند شال الايجار لمدة سبعة اشهر يعني 900$×7أشهر= 6300$ + 2000$ ما تبقى من الانكم كلنا نعلم عند وصول اللاجيء لكل فرد 925$ وهو خمسة افراد + وحصل على التاكس السنوي وقيمته 10900$ جمعهن كلهن والبنك ساعده لان هو يعمل واشترى بيت خلال سنة ونصف من وصوله علما كان كاعد بشقة صغيرة يوميه تدق الباب عليهم الساكنة تحتهم امرأة صاخبة صاحبة البشرة السوداء وكانت تخيف الاولاد بحجة تسمع اصوات اقدامهم والحمد لله البيت الذي اشتراه كبير وله حديقة وكراجين للسيارات وفي منطقة جميلة وخالية من المشاكل وايضا تم شراء سيارة موديل 2014 وسيارة 2010 له ولزوجته والان يدفع 400$ للبنك من قيمة البيت بدلا من 900$ التي كانت تذهب للايجار وقد ازدادت اجور ساعته الى 15$ بعد ان اصبح سائق شوكية خارج الثلاجات في نفس الشركة . ملخص حديثي كنا نعمل في العراق سنين ماذا جنينا الذي يتعب في امريكا انه يلعب وتحياتي للجميع


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
اجمل رد منك استاذي المحقق العدلي هذا الكلام يبعث الحماس والحيوية

فاضل السعيدي

غير متصل durar

  • عضو فعال جدا
  • ***
  • مشاركة: 391
    • مشاهدة الملف الشخصي
للاسف بعض الكلام غير صحيح اجور النت اغلى من العراق واقل شي خمسون دولار والتلفزيون اللي يطلع قنوات عربيه لازم اشتراك شهري مع شراء ريسيفر ولقل اشتراك ثلاثين دولار اما العمل المتاح فهو عمل عماله او صانع فهم لايعترفون بالشهاده العراقيه ومن اصعب الامور هو الحصول على عمل حتى وان كان يدويا الامور ليست ورديه كما يعتقد البعض واللي ما يعمل ما يكدر يعيش الا اذا عنده مصدر دخل يجي من العراف فاالمساعدات لاتكفي بسبب ارتفاع الايجارات ومتطلبات الحياة شكرا اتمنى ان تتحملو صراحتي فاللكثير من الاخوه العراقيين هناك لا يوظحوا الحقيقه
اتفق وياك أخي الكريم
كلامك من الواقع


غير متصل الهارب 2

  • عضو فعال جدا
  • ***
  • مشاركة: 132
  • منتديات عنكاوا
    • مشاهدة الملف الشخصي
السلام عليكم
اخ فاضل انت وصلت لامريكا لو بعدك بالعراق لو تركيا لو الاردن لو ايد اي دولة وتنتظر موعد سفر بإذن الله ؟



غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
عليكم السلام اخ الهارب
والله مزروع بالعراق لكن ملاحظات الاخوة اتخلي زراعتي وحالي بالعراق جنة بالقياس بحالهم بأمريكا علما عندي  اخ وابن اخ بأمريكا تكساس ويوتا وحالهم جيد جدا والعجيب كل الردود الموجودة من الاخوة تختلف عن كلامهم وحياتهم صحيح لكل شخص ضرف بس مو هذا الضرف الصعب شمل الكل عدا ابن المحقق العدلي رب العالمين فضله على الباقين طبعا سنة 2013 قرب موعد سفري وتركته من وره شخص ألتقيت بيه وجان راجع خايب من امريكا وفر دماغي خلاني لغيت فكرة السفر هسه نفس الوضع يتكرر 

فاضل السعيدي

غير متصل الهارب 2

  • عضو فعال جدا
  • ***
  • مشاركة: 132
  • منتديات عنكاوا
    • مشاهدة الملف الشخصي
عليكم السلام اخ الهارب
والله مزروع بالعراق لكن ملاحظات الاخوة اتخلي زراعتي وحالي بالعراق جنة بالقياس بحالهم بأمريكا علما عندي  اخ وابن اخ بأمريكا تكساس ويوتا وحالهم جيد جدا والعجيب كل الردود الموجودة من الاخوة تختلف عن كلامهم وحياتهم صحيح لكل شخص ضرف بس مو هذا الضرف الصعب شمل الكل عدا ابن المحقق العدلي رب العالمين فضله على الباقين طبعا سنة 2013 قرب موعد سفري وتركته من وره شخص ألتقيت بيه وجان راجع خايب من امريكا وفر دماغي خلاني لغيت فكرة السفر هسه نفس الوضع يتكرر
صديقي وعزيزي الاخ فاضل
ان شاء الله تجي لامريكا باقرب وقت وتشوف الاوضاع بعينك ومتسمع من هذا وهذاك الي اريد اكوله كل الطرفين صحيح كلامهم بس الي ديصير انت واني وكل شخص منتظر السفر يريد يسمع بس الايجابيات والاحلام الوردية واني هم مثلك نت اكول الي كاعد بامريكا ميحب الخير لاحد وميريد يجي الى ان اجيت وشفت بعيوني الشخص الي كالك النت اشتراكه 10 دولار فهذا الشي مموجد نهائيا واذا تحب انزلك صورة عن الفواتير الي دا ادفعها كل شهر النت اشتراكه 60 دولار بالشهر ومن شركة xfinity وتكدر تطب عالموقع مالتهم وتشوف الاشتراكات اقل واحد بدون تلفون وقنوات تلفزيون الاشتراك مالته 50 دولار وسرعته 40 ميغابايت واني مشترك ب60 دولار علمود السرعة فوك ال75 ميغابايت وبدون تلفون واشتراك تلفزيون والكهرباء هاي الشهر الاول اجتني 54 دولار مع العلم شغلت المكيف 4 او 5 مرات فقط لان الجو جان حلو بالبيت مو حارة هواي والشهر الثاني اجتني 70 دولار ومع العلم مجنت مشغل المكيف نهائيا تسألني ليش ما اعرف والغاز ايضا بالشهر الاول 30 دولار والشهر الثاني 34 دولار وللعلم الغاز بس نستخدمه للمي الحار فقط للسبح ماكو غير شي والطباخ كهربائي والمي شهرين على 40 دولار واكرر اذا تحب انزلك نسخة عن كل فاتورة حتى تتأكد وبالنسبة للشغل ياعيني الي يكولك 2000 بالشهر الله وايدك بلكي يشوفلي شغلة اني اشتغل اللاجئ الي يوصل ميعرف لا لغة ولا عنده تاريخ عمل ولا يعرفون عنه اي شي فمراح يشغلوه اكثر من 10 دولار بالساعة واذا كلش 11 دولار بالساعة احسبها وياية 11 دولار ضرب 40 ساعة بالاسبوع هذا لو افترضنا شغلوه فول تايم يساوي 440 ضرب 4 اسابيع تشتغل 1760 هذا ممقطوع التاكس منك بعد وشكد النسبة ما اعرف لان بعدني ممشتغل بس اعتقد عن كل اسبوع يقطعون مو اقل من 50 دولار يعني 200 بالشهر يعني بقى 1560 دولار واذا تسألني ليش ممشتغل لحد هسة اكولك صوج المنظمة لان السوشل ممستلمه لحد هسة وهذا الحجي مو معناه امريكا مو زينه وبلد الجحيم لا بالعكس انت بعد سنتين اذا تشتغل وتبني كردت مالتك صح ومستمر بالشغل وماعندك اي تأخير بدفع الفواتير واقساط الطائرة راح تكدر تشتري بيت بالاقساط وبدال متدفع ايجار تدفع قسط بيتك وتكدر تشتغل الصبح وباليل تروح تدرس حتى راتبك بالشغل بدال مو 11 دولار بالساعة يصير 20 من تاخذ الشهادة
فأرجوك هاي العبارات القاسية تسويف للمعلومات والخ .. مو لائقة لان الي يشوف بعينه شي والي يحجولك عليه شي ثاني تقبل مروري وتحياتي للجميع



غير متصل me x

  • عضو
  • *
  • مشاركة: 6
  • منتديات عنكاوا
    • مشاهدة الملف الشخصي
الاخ الهارب 2 ما ادري المهزوم 2 .. لا تتهمون الناس بالتسويف انت كاعد تسولف وبعدك لساعك ما مشتغل ولا محتك ولا تعرف شكو ماكو وتحجي بما يدور حولك .. استاذ اكو انترنت ب 10 دولارت وبعض الولايات اكو ب 5 دولارات للطلاب . واكو ب39 دولار هاي سبيد من شركة كوكس واكو  خط موبايل بلان ب 25 دولار من شركه مترو ..  صاحب الموضوع ايضا يبلاغ شويه بالنسبه للكهرباء والواتب  !وشكرا .


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
الاخ الهارب والاخ ماكس
اشكر مروركم
بالنسبة للاخ الهارب انت للان لم تدخل بجو الولايات المتحدة كلامي منقول عن شخص دخل الجو الامريكي منذ 3 سنين وهو الان يسكن بمنزل ويعرف ما يدفع وما يكنز
اما الاخ ماكس احيي صدقك ومشاركتك وكان همي من الموضوع هو تنبيه من لم يصل موعد سفره حتى تكون له فكرة عن طبيعة العيش بأمريكا
وايضا كثرة قراءة الشكوى من طبيعة الحياة بأمريكا ومرارة العيش ببلد غريب تصيب المتقدمين  بالاحباط كنت اتمنى ان يكون هناك مواضيع عن النعم ورفاهية العيش لكن للاسف لم نقرأ غير ما لم نكن نتمناه


فاضل السعيدي

غير متصل apolo

  • عضو فعال
  • **
  • مشاركة: 39
    • مشاهدة الملف الشخصي
اخواني السلام عليكم
من قراءتي للموضوع يوجد سوء فهم للجميع أنا عراقي أعيش في أمريكا وفرحتي كانت لاتوصف لحظة وصولي أنا وعائلتي بعد معاناه انتظار في الاْردن لكن الحياة فعلا صعبه لعدة أسباب اولا عدم تقدير الشهادة او الخبرة العملية بنظر الاعتبار  وهذا ظلم يعني طبيب يكلوله روح اشتغل عامل بمعمل تعبان براتب مايكفي ابسط احتياجاته ويتآمر عليه واحد مايسوى فلسين ولاتكلولي روح عادل الشهادة لانه تأخذ وقت طويل واموال طاءلة. والي عندة عاءلة يريد بس يستر عليهم الا اللهم الي عندة فلوس هذا موضوع ثاني ولاحد يفتح صدرة وينفخ نفسه ويكلي ماعاجبك ارجع للعراق آفتهم الحجي قبل لاتجاوب هذا الموضوع حتى تفكر شون تبدى خطواتك صح بامريكا وإني بعد بهذله سنه بإشغال المنظمة التعبانة قررت ادرس من جديد حتى احصل شهادة أمريكية وذبيت الشهادة العراقية حتى اكدر احصل شغل ممتاز وطبعا لو ما أبيع بيتي وأصرف على نفسي حتى اكمل دراستي كان تبهذلت اخواني أرجوكم لاتاخذون كلام اي احد يحجي عن معاناه الغربة كأنه عدو ضد أحلامكم لا شوفو موقع عين كاوة شنو الأشغال الي زينة والدراسة وووووو حتى تتوجهو عليها ولا تفرون براسكم يمنة ويسرة وكالت المنظمة ولا يحزنون.  تحياتنا للجميع


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
ابن اخويه خريج سادس ابتدائي وصارله بأمريكا 3 سنين دخل معهد عمل وهسه يعمل بمطار على تفويل الطيارات بالبانزين وهو سنكل وهسه عمره 25 سنة ومأجر بيت وحياته توب وسيارته 2015 وللعلم الدراسة على حسابه هو صرف وسافر من ولايته الى ولاية تبعد ولايتين
قصة قصيرة
سنة 91 صارت هجرة عن طريق معسكرات الحجز بالسعودية بعد السقوط اكو رجعو بدون كرين كارد وحته لغة واكو نجحو وحالهم صار احسن حال منهم ابن عمي بكندا ازوج وهسه هو مواطن كندي وابن بنت خالتي رجع خايب بدون كرين ولا لغة ومايذكر غير امريكا جحيم امريكا مخدرات امريكا عصابات 
الكل ينظر للامور بنظره الخاص
ولا ننسى واحد عاش بدترويت وواحد عاش يتورنتو
ادعو الله التوفيق للكل
واعتقد جحيم امريكا افضل من جنة العراق

فاضل السعيدي

غير متصل Ali-Shack

  • عضو فعال جدا
  • ***
  • مشاركة: 625
    • مشاهدة الملف الشخصي
الاخوة الاعزاء جميعا
اذا حبيتوا ..اقرأوا تجارب الاخوة هنا .. ممكن توصل فكره الكم اوسع
http://www.ankawa.com/forum/index.php/topic,662696.0.html
كل التحيه


غير متصل مغترب بلا وطن

  • مبدع قسم الهجرة
  • عضو مميز
  • *
  • مشاركة: 1736
    • مشاهدة الملف الشخصي
    • البريد الالكتروني
من المعيب اتهام الناس بالتسويف او الاتفاق على الكذب من اجل الاستمرار بالعيش بنوع من انواع الوهم والحياة الوردية الغير موجودة في ارض الواقع بأي مكان من العالم

لا ارى جدوى من الجدال مع صاحب الموضوع لأني على يقين بإقتناعه التام بتكذيب كل من يقول له عكس ما يتخيل


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
من المعيب اتهام الناس بالتسويف او الاتفاق على الكذب من اجل الاستمرار بالعيش بنوع من انواع الوهم والحياة الوردية الغير موجودة في ارض الواقع بأي مكان من العالم

لا ارى جدوى من الجدال مع صاحب الموضوع لأني على يقين بإقتناعه التام بتكذيب كل من يقول له عكس ما يتخيل
الخيال بعيد كل البعد عن الواقع وما اذكره واقع حال مر به اخي بأوستن وابن اخي بيوتا وابن عمي بكندا ( تورنتو ) وابن بنت خالتي في دترويت وللعلم اذا كانت نظرتك للعيش بأمريكا عاى انه جحيم ولا يطاق لا اجد اي جدوى من البقاء علما ان صاحب الكرين او الجنسية يستطيع العيش بأي وطن يحلو له ( لسد الباب امامك لتحدثني عن عدم الامان بالعراق )
انا غير متعصب ولا املك اي ذره مما يملكه الكاذب اوالمنافق طلبت من موضوعي هذا الرفق بحالنا وذكر بعض المحاسن اتمنى ان تتوسع ببحثك بالمنتدى عسى ان تجد لي موضوع يسر النفس او مشاركة تعطي الامل و لا اظنك تجد غير التظلم والتباكي وعموما اجور الكهرباء الان بالعراق اصبحت ببعض الحالات 100 الف او اقل او اكثر والماء يتراوح بين 20 الف لل40 الف والنت 30 الف للاشتراك العادي ونسبة ايجاد وظيفة 0% وليس امامك غير التوجه لله 


فاضل السعيدي

غير متصل Sound of Soul

  • اداري
  • عضو مميز متقدم
  • ***
  • مشاركة: 12887
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=ree9rl9ira79tuh32a9gklnd12&/board,53.0.html

مع احترامي لكل الاراء وجميع الاخوة المشتركين
وتعقيبا على مداخلة كل من الاخوة الاخ الفاضل مغترب بلا وطن والاخ الكريم فاضل
اود ان اقول ان الحياة في امريكا ليست بالوردية كما يعتقد البعض
صحيح لامجال لمقارنة الحياة في العراق بالحياة في امريكا ولا في اي من دول الغرب بل وحتى لاتقارن بالحياة في بعض الدول العربية كالامارات مثالا ،
 ولكن الحياة هنا تتطلب جهد وعمل متواصل او مصدر دخل اخر يساعدك في تمشية متطلبات الحياة  اليومية  لو خضنا في التفاصيل سيكون الجواب طويل ومتشعب ولكن كمثال بسيط المبلغ الذي ذكرته اخونا فاضل ال (2000 ) دولار راتب العمل للسنكل هذا ليس قياسا ابدا
ويختلف باحتساب مبلغ ال ( الدولار \ الساعة  ) والذي يختلف من ولاية لاخرى وهناك تفاصيل اخرى كثيرة ... ولكن في نفس الوقت اقول ان هناك امور يمكن للاجي الاستفادة منها وتساعده في ترتيب حياته بالشكل الصحيح وتدريجيا في اول فترة تكون هناك صعوبة نعم ولكن ان احسنت التفكير والتدبير ستتمكن من تحقيق الاستقرار بالنتيجة .
مثلا لاصحاب الدخل المنخفض واعتقد ان 90 بالمية من العراقيين هم من هذه الفئة بامريكا
يمكنهم الاستفادة من برنامج بيوت الهاوسنك او اللو انكام او التقديم على بيوت السيكشن 8 وفي حال الحصول عليها سيوفر ثلثي المبلغ من ايجارك السابق بالحالة الاعتيادية
كما ان اختيار الولاية بما يتناسب مع الضروف الخاصة لكل عائلة لها تأثير كبير ايضا في تحقيق النجاح والوصول الى الاستقرار العائلي مثلا عائلة بها شخص واحد فقط يعمل وسيكون اعتمادهم بالمعيشة على راتب هذا العامل الوحيد بالعائلة بالاضافة الى الفود ويريد ان يعيش في ولاية غالية ككاليفورنيا هذا قطعا لن ينجح ولن يتمكن من الاستقرار بالنتيجة  وهناك عوائل كثيرة خطت هذه الخطوة وبالنتيجة عادو الى ولاياتهم لانهم لم يتمكنو من تسديد مبالغ الايجارات الغالية بالولايات الغالية ... ولدينا مثل بالعراقي نقول ( مد رجلك على كد لحافك )
بالنتيجة الاخيرة نقول ( ان احسنت التدبير ستحصد النجاح ولكن ايضا هذا النجاح لا يأتي بسهولة كما ان استمراره ليس بالامر السهل ) ...
بالنسبة لارشيف المنتدى فهو ملئ بالمواضيع المشجعة اخ فاضل لو ترجع لمواضيع الاخ القدير ابو قمر ستجد انها كلها مدعاة للتفاؤل وتشجيع على تحقيق النجاح وغيره الكثير من المواضيع لكثيرين من الرواد الافاضل  لهذا القسم وطبعا كلنا يكتب وفقا لتجربته الشخصية مضافا اليها رؤيته الواقعية للحياة الامريكية من خلال تجارب الناس الاخرين فتتبلور فكرة خاصة لدى كل انسان من خلالها
 وفي الختام نقول الله يوفق الجميع والكل يصل الى مبتغاه والى البلد الذي يتمناه .
تحياتي .


http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
شكرا جزيلا اختنا الفاضلة ساوند
كلامك دستور وواقعي وهو المنتظر
قصدت بكلامي انه لايوجد اي منشور يدعو للتفاؤل والامل من الاخوه المسافرين حديثا ومن رزقه الله الوصول لبر الامان
مثلا منهم من يشتكي من اجور الانترنت ومنهم من يشتكي من اجور سفر اخته ومطالبة شركة الطيران بالمبلغ وهو بعيد كل البعد عن الواقع ومنهم من يشتكي من فقدان حقيبته او شقه مملؤة بالحشرات مع العلم انه بدون معرفه قام بالتوقيع على عقد الايجار مع كثرة النصائح المقدمة من الاخوة بضرورة قراءة بنود العقد كما اود ان اوضح ان المشاركات الاخيرة للأخوة الواصلين جميعا متوافقة ومتناسقة وهذا هو الغريب بالامر
العجيب انا بالعراق اذا ضاق بي الحال ألغي اشتراك النت او اقلل من مصروفي اليومي وهناك بعضهم يشتكي من غلاء اشتراك النت للبيت وهاتف الزوج والزوجة اين هو المثل العراقي من هؤلاء
اقدم اعتذاري من كل الاخوة وخاصة الواصلين قديما فهم غير مشمولين بكلامي لهم مني كل التقدير والاحترام
تقبلي اعتذاري اختنا الفاضلة ساوند لكي مني كل الود والاحترام


فاضل السعيدي

غير متصل المحقق العدلي

  • عضو فعال جدا
  • ***
  • مشاركة: 389
    • مشاهدة الملف الشخصي
    • البريد الالكتروني
مرحبا مرة ثانية راح اختصر حتى ما تعبكم بالقرأة . امريكا جنة وحلم ومستقبل للذين جادين بالعمل وليس الى (التنابل) الذيين يطرقون ابواب الكنائس


غير متصل Sound of Soul

  • اداري
  • عضو مميز متقدم
  • ***
  • مشاركة: 12887
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=ree9rl9ira79tuh32a9gklnd12&/board,53.0.html
شكرا جزيلا اختنا الفاضلة ساوند
كلامك دستور وواقعي وهو المنتظر
قصدت بكلامي انه لايوجد اي منشور يدعو للتفاؤل والامل الاخوه المسافرين حديثا وومن رزقه الله الوصول لبر الامان
مثلا منهم من يشتكي من اجور الانترنت ومنهم من يشتكي من اجور سفر اخته ومطالبة شركة الطيران بالمبلغ وهو بعيد كل البعد عن الواقع ومنهم من يشتكي من فقدان حقيبته او شقه مملؤة بالحشرات مع العلم انه بدون معرفه قام بالتوقيع على عقد الايجار مع كثرة النصائح المقدمة من الاخوة بضرورة قراءة بنود العقد كما اود ان اوضح ان المشاركات الاخيرة للأخوة الواصلين جميعا متوافقة ومتناسقة وهذا هو الغريب بالامر
العجيب انا بالعراق اذا ضاق بي الحال ألغي اشتراك النت او اقلل من مصروفي اليومي وهناك بعضهم يشتكي من غلاء اشتراك النت للبيت وهاتف الزوج والزوجة اين هو المثل العراقي من هؤلاء
اقدم اعتذاري من كل الاخوة وخاصة الواصلين قديما فهم غير مشمولين بكلامي لهم مني كل التقدير والاحترام
تقبلي اعتذاري اختنا الفاضلة ساوند لكي مني كل الود والاحترام


حياك الله اخ فاضل
واكيد الحالات اللي ذكرتها منها مبالغ فيها او هي مجرد تعود العراقيين على حالة التشكي دائما مثل تقليص المصاريف  للي مايقدر يدفع بيل النت والفون اله ولزوجته مثلا ومنها غير حقيقية مثل شخص يتكفل بدفع فاتورة الطيارة لشخص اخر هل شي مموجود بامريكا ابد ، وبقية الحالات ... وماننسى ان اليجي جديد مهما اكتسب خبرة معلوماتية من خلال المنتدى يبقى هو فاقد للتجربة واكيد رح تمر عليه وحدة او اكثر من الاخطاء اللي كان ممكن ان يتلافاها لكن هاي هي الحياة والانسان يتعلم من اخطاءه بكل تاكيد  .
واحنا مالازم نضوج او يصير عدنا احباط من السفر من اي شخص ينشر معاناته او يكول امريكا صعبة لان كل انسان يتكلم و يحكم من خلال تجربته الشخصية لكن الشي اللي الاغلبية متفقين عليه هنا بامريكا انه الحياة صعبة لكن هناك فرص كثيرة ممكن تستفاد منها وتشق طريقك وتوصل للنجاح والاستقرار بالنهاية . يعني يعانون من الصعوبات لكن بنفس الوقت همة راضيين عن حياتهم لان التعب هنا يجيب  نتيجة ، وهذا هو اللي يخلي الناس تبقى وتحاول الى ان تنجح بحياتها .
امنياتي لك بالتوفيق اخونا الكريم  ولكل الاخوة والاخوات الكرام .
تحياتي .


http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل متطوع في USCRI

  • عضو
  • *
  • مشاركة: 22
  • منتديات عنكاوا
    • مشاهدة الملف الشخصي
السلام عليكم حياك الله اخ فاضل طبعا هذا الموضوع كتبت عليه كلش اهواي وعارضوني بعض الاعضاء بوقتها ومسحت الموضوع طبعا هاي قبل سنة شوف حبيبي الغالي كل ولاية الها قوانينها ومساعداتها بس صدكني كافية وممتازة والي يشتغل نفر واحد بس مو مثل ما يقولون بعض الاعضاء نفرين او التلاثة يشتغلون وميلحكون اني ما شفت هذا الشي بنيويورك اذا واحد بالعائلة يشتغل يكدر يعيش عائلته ويسد مصاريفه وطبعا ماكو مال ٢٠٠٠ دولار هذا الرقم مبالغ بيه اكثر شي تكدر توصله بالبداية ١٤٠٠ وفوك اشوية واذا تشتغل بارت تايم توصل من ٧٥٠ دولار وفوك اشوية مساعدات الولاية تكفيك بس ينراد اشوية اتلحلح نفسك اشوية وتعرف اشلون تتصرف وتصرف اموالك خليني احجيلك عني كمثال ولاتاخذني راس مال هههههه.

اني عائلتي خمس نفرات بدون زلاطة نواشف من اجيت لحد الان بعدني مامشتغل اخوك سايق مخدة بعدني صارلي سنة وخمس اشهر ينطوني ٦٦٥ دولار مال الاكل وينطوني كاش مني للمصاريف الثانية ١١٨ دولار شهريا وينطوني ٩٥٠ دولار ايجار بيت صدقني تشتري اكل لما تمل ويكفيك انت وعائلتك الاجار لحد الان مستمر والكاش ادفع منه فلوس الطيارة والنت والخط مال موبايل فلوس الطيارة ٥٠دولار النت ٣٥دولار الخط ١٩دولار طبعا تدفع عشرين يسوها يعني المجموع ١٠٥دولار بس تبقى الكهرباء والغاز طبعا حسب صرف البيت تكدر من ٧٥ وفوك والصيف يختلف عن الشتاء للعلم كل سنة يدفعولك على الاقل ثلاث اشهر يعني ١٢ و ١ و ٢ هاي الاشهر ماتشيل همهم وارجع وتكلم حسب الولاية اني دا احجي بنيويورك وعندك فلوس تامين السيارة وحسب الشركة يعني من ٧٠ دولار وفوق بالشهر  .

 الي شفته بعض العوائل تريد الفخفخة وهذا حقها ماعلينه بيها كل واحد يريد يعيش بالمستوى الذي يريده .

الخطوط مال موبايل تبدأ من ١٩ دولار فما فوق الانترنت يبدأ من ١٥ دولار فما فوق اكو بولاية نيوهامشر ١٠ دولار نت صديقي ماخذه والي شفته من العوائل العراقية كثير بس كل واحد يحير بنفسه وماعليه بالثاني صدقني أحنه عوائل عراقية هنا اهواي بس الي تكون على تواصل دائم اتعدها على اصابع ايدك .

هنا اكو برنامجين برنامج تتكفل بيه منظمة USCRI وهذا البرنامج عبارة عن مساعدات كل نفر شيك ٢٠٠ شهري طبعا غير الويلكم اترجاكم طالبو بيه لان ينوكل عليكم بسرعة ما اكول كلها مو صادقة بس اكو نفسيات موزينة اكيد هذا البرنامج من تشتغل راح يقطعون عنك اجار البيت والمساعدات الشهرية طبعا الاكل ما ينقطع لاتخاف .

البرنامج الثاني هو تتكفل بيه DSS اني عليه الحمد لله ولحد الان المساعدات ماشية بس لاتاخذني راس مال مثل ما كلتلك اكو عوائل يكونون شديدين وياهم ويطالبوهم بشغل على السريع بس اذا اتجيب تقارير من الدكتور ويطالبهم لازم ترتاح مايضغطون عليك اهواي .

طبعا كل ٦ اشهر مقابلة مال الاكل وكل ٨ اشهر مقابلة يطالبون بيها بعمل طبعا انت الك حق خمس سنوات هنا ايجار وكاش مني وينقطع عنك بعدها الا لو تشتغل لو تطلع تقاعد وهم اتصير نسبة وتناسب حسب شغلك او تقاعدك والفود حتى لو تشتغل راح يقل بصورة قليلة يعني صديقي صارله ٧ سنوات والرجال يشتغل من اول يوم اجه بيه لامريكا وهسه دينطوه فودستامب مال الاكل فالاكل لاتخاف منه اهم شي الاجار والمصاريف البقية .

طبعا اكو ناس يشترون بمصاريف الاكل ويخلي فد ١٢٠ دولار على الاقل يتفقون وبه صاحب محل ياخذ العشرين وينطيهم ١٠٠ دولار يعني يطلعون الفلوس السيارة من بطاقة الاكل طبعا الولاية اتحاسب هاي المحلات وبس يكتشفون تنلاص عليه وهنا محلات الحلال تنطيك الصابون والمواد الأخرى على بطاقة الاكل بس مو كل المحلات وينرادلها عرف ههههه يعني اني اخذت البريج منها هههه .

المهم ماريد اطولها عليك تكدر اتعيش انت وعائلتك بس تشتغل ولاتنسى حسب الولايات وحسب اذا هي غالية التاكس عالي لو لا واذا تشتغل بالآخر يرجعلك التاكس وصاحب العائلة امدومن بيها يعني صديق عندي يجيه دفتر كل سنة.

للعلم الدراسة والدورات موجودة وعلى كافة النواحي بشهادة السادس الاعدادي تكدر تدرس اي كلية واي قسم وحسب الي تطلبه الكلية والدولة تدفعلك المصاريف وتدفعلك فد شي اسمه التاب اني طلعلي ٤٥٠٠ دولار تشتري كتب مصاريف والهوية مال الكلية تركب بيها باص بلاش واذا اتعادل شهادك لا انت تدفع افلوس الكلية .

ارجع واكلك حسب الولاية وحسب البرنامج الي انت عليه وحسب مقدرتك على تمشية امورك باقل اسعار الخط وطيارة وسيارة ونت .

طبعا ماريد اطول عليك ههههه كل هاي وما اريد اطول لعد لو اطول شسوي ههههه.

يبقى التلفزيون والستلايت شوف اكو اسهل حل انو تشتري تلفزيون سوني اندرويد بس تربطه بالنت وتنزل البرامج مثل الموبايل اكو برامج اهواي اتشوف بيها كل القنوات او تاخذ تلفزيون عادي وتربطه بالحاسوب وتفتح قنوات وتكدر تشتري ستالايت بيه كل القنوات العربيه اني عندي اي ستار اعبيه من واحد بالعراق وفلوس التعبئة من ٦٥ دولار إلى ٨٠ دولار وابوك الله يرحمه.


بالاخير تقبل مروري على موضوعك ومشاركتي بيه لاتنسى كل انسان يشرح الي يمر بيه ومثل ماكلنه من ولاية إلى ولاية من عائلة الى عائلة شكل يله ماريد اطول عليك. اخوك متطوع في USCRI.


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
السلام عليكم حياك الله اخ فاضل طبعا هذا الموضوع كتبت عليه كلش اهواي وعارضوني بعض الاعضاء بوقتها ومسحت الموضوع طبعا هاي قبل سنة شوف حبيبي الغالي كل ولاية الها قوانينها ومساعداتها بس صدكني كافية وممتازة والي يشتغل نفر واحد بس مو مثل ما يقولون بعض الاعضاء نفرين او التلاثة يشتغلون وميلحكون اني ما شفت هذا الشي بنيويورك اذا واحد بالعائلة يشتغل يكدر يعيش عائلته ويسد مصاريفه وطبعا ماكو مال ٢٠٠٠ دولار هذا الرقم مبالغ بيه اكثر شي تكدر توصله بالبداية ١٤٠٠ وفوك اشوية واذا تشتغل بارت تايم توصل من ٧٥٠ دولار وفوك اشوية مساعدات الولاية تكفيك بس ينراد اشوية اتلحلح نفسك اشوية وتعرف اشلون تتصرف وتصرف اموالك خليني احجيلك عني كمثال ولاتاخذني راس مال هههههه.

اني عائلتي خمس نفرات بدون زلاطة نواشف من اجيت لحد الان بعدني مامشتغل اخوك سايق مخدة بعدني صارلي سنة وخمس اشهر ينطوني ٦٦٥ دولار مال الاكل وينطوني كاش مني للمصاريف الثانية ١١٨ دولار شهريا وينطوني ٩٥٠ دولار ايجار بيت صدقني تشتري اكل لما تمل ويكفيك انت وعائلتك الاجار لحد الان مستمر والكاش ادفع منه فلوس الطيارة والنت والخط مال موبايل فلوس الطيارة ٥٠دولار النت ٣٥دولار الخط ١٩دولار طبعا تدفع عشرين يسوها يعني المجموع ١٠٥دولار بس تبقى الكهرباء والغاز طبعا حسب صرف البيت تكدر من ٧٥ وفوك والصيف يختلف عن الشتاء للعلم كل سنة يدفعولك على الاقل ثلاث اشهر يعني ١٢ و ١ و ٢ هاي الاشهر ماتشيل همهم وارجع وتكلم حسب الولاية اني دا احجي بنيويورك وعندك فلوس تامين السيارة وحسب الشركة يعني من ٧٠ دولار وفوق بالشهر  .

 الي شفته بعض العوائل تريد الفخفخة وهذا حقها ماعلينه بيها كل واحد يريد يعيش بالمستوى الذي يريده .

الخطوط مال موبايل تبدأ من ١٩ دولار فما فوق الانترنت يبدأ من ١٥ دولار فما فوق اكو بولاية نيوهامشر ١٠ دولار نت صديقي ماخذه والي شفته من العوائل العراقية كثير بس كل واحد يحير بنفسه وماعليه بالثاني صدقني أحنه عوائل عراقية هنا اهواي بس الي تكون على تواصل دائم اتعدها على اصابع ايدك .

هنا اكو برنامجين برنامج تتكفل بيه منظمة USCRI وهذا البرنامج عبارة عن مساعدات كل نفر شيك ٢٠٠ شهري طبعا غير الويلكم اترجاكم طالبو بيه لان ينوكل عليكم بسرعة ما اكول كلها مو صادقة بس اكو نفسيات موزينة اكيد هذا البرنامج من تشتغل راح يقطعون عنك اجار البيت والمساعدات الشهرية طبعا الاكل ما ينقطع لاتخاف .

البرنامج الثاني هو تتكفل بيه DSS اني عليه الحمد لله ولحد الان المساعدات ماشية بس لاتاخذني راس مال مثل ما كلتلك اكو عوائل يكونون شديدين وياهم ويطالبوهم بشغل على السريع بس اذا اتجيب تقارير من الدكتور ويطالبهم لازم ترتاح مايضغطون عليك اهواي .

طبعا كل ٦ اشهر مقابلة مال الاكل وكل ٨ اشهر مقابلة يطالبون بيها بعمل طبعا انت الك حق خمس سنوات هنا ايجار وكاش مني وينقطع عنك بعدها الا لو تشتغل لو تطلع تقاعد وهم اتصير نسبة وتناسب حسب شغلك او تقاعدك والفود حتى لو تشتغل راح يقل بصورة قليلة يعني صديقي صارله ٧ سنوات والرجال يشتغل من اول يوم اجه بيه لامريكا وهسه دينطوه فودستامب مال الاكل فالاكل لاتخاف منه اهم شي الاجار والمصاريف البقية .

طبعا اكو ناس يشترون بمصاريف الاكل ويخلي فد ١٢٠ دولار على الاقل يتفقون وبه صاحب محل ياخذ العشرين وينطيهم ١٠٠ دولار يعني يطلعون الفلوس السيارة من بطاقة الاكل طبعا الولاية اتحاسب هاي المحلات وبس يكتشفون تنلاص عليه وهنا محلات الحلال تنطيك الصابون والمواد الأخرى على بطاقة الاكل بس مو كل المحلات وينرادلها عرف ههههه يعني اني اخذت البريج منها هههه .

المهم ماريد اطولها عليك تكدر اتعيش انت وعائلتك بس تشتغل ولاتنسى حسب الولايات وحسب اذا هي غالية التاكس عالي لو لا واذا تشتغل بالآخر يرجعلك التاكس وصاحب العائلة امدومن بيها يعني صديق عندي يجيه دفتر كل سنة.

للعلم الدراسة والدورات موجودة وعلى كافة النواحي بشهادة السادس الاعدادي تكدر تدرس اي كلية واي قسم وحسب الي تطلبه الكلية والدولة تدفعلك المصاريف وتدفعلك فد شي اسمه التاب اني طلعلي ٤٥٠٠ دولار تشتري كتب مصاريف والهوية مال الكلية تركب بيها باص بلاش واذا اتعادل شهادك لا انت تدفع افلوس الكلية .

ارجع واكلك حسب الولاية وحسب البرنامج الي انت عليه وحسب مقدرتك على تمشية امورك باقل اسعار الخط وطيارة وسيارة ونت .

طبعا ماريد اطول عليك ههههه كل هاي وما اريد اطول لعد لو اطول شسوي ههههه.

يبقى التلفزيون والستلايت شوف اكو اسهل حل انو تشتري تلفزيون سوني اندرويد بس تربطه بالنت وتنزل البرامج مثل الموبايل اكو برامج اهواي اتشوف بيها كل القنوات او تاخذ تلفزيون عادي وتربطه بالحاسوب وتفتح قنوات وتكدر تشتري ستالايت بيه كل القنوات العربيه اني عندي اي ستار اعبيه من واحد بالعراق وفلوس التعبئة من ٦٥ دولار إلى ٨٠ دولار وابوك الله يرحمه.


بالاخير تقبل مروري على موضوعك ومشاركتي بيه لاتنسى كل انسان يشرح الي يمر بيه ومثل ماكلنه من ولاية إلى ولاية من عائلة الى عائلة شكل يله ماريد اطول عليك. اخوك متطوع في USCRI.
حياك الله حبيبي الغالي اشكر مرورك
معلومات مهمة ورهيبة عشت وعاشت اناملك
لكني اطالبك من اخ لاخوه ان اتحاول تعمل وتجتهد
شرفني مرورك


فاضل السعيدي

غير متصل متطوع في USCRI

  • عضو
  • *
  • مشاركة: 22
  • منتديات عنكاوا
    • مشاهدة الملف الشخصي
تسلم اخي الحبيب الشغل يجي دوره ان شاء الله كلشي بوقته حلو ههههه


غير متصل fadhil1974

  • عضو فعال جدا
  • ***
  • مشاركة: 253
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
زادني شرف مرورك العطر استاذنا الغالي المحقق العدلي.
نورتنا اختنا الأصيلة ساوند بكلام جميل وسلس كالمعتاد


فاضل السعيدي

غير متصل محمد العراقي

  • عضو
  • *
  • مشاركة: 7
  • الجنس: ذكر
    • مشاهدة الملف الشخصي
    • البريد الالكتروني
مستحيل ينطوك ٩٢٠ دولار مال ويلكم مني
كاش وبيدك لان منها يكطعون منها بعض المصاريف اني صاحب عائلة خمس نفرات اخوية جان كفيلي وكللهم كلشي لتشترولة هوة يشتري ، مع ذلك صرفوا منها ورجعولي من ٤٦٠٠$ ١٥٠٠$ فقط