هـــــم بـَـــعــدك نـَـــدمـــان ؟! لطيف پـولاأشوفـَك ندمان يا ﯖلبي شعـَجـَبْ ؟!
انــتَ لخليتـنا لــمايسوا حَطـَب ْ!
نـَذل ْ ومتلـَوِث بخباثة وجـَرَب ْ
وعمرك من الطيبة من القهر خَــنيَـبْ
شوادي الغاب ْ تـعلــمها أدَب ْ؟!
شعر وموسيقى وعـلوم وطرَب ْ؟!
مو تعرف المسيح لويش انصلبْ؟!
وسقراط من ﯖبلـَه من السموم شرب ْ!
هم بعدك ندمان يگلبي اشعجب ؟!
انــتَ لخليتـنا لــمايسوا حَطـَب ْ!
بـَعدَ سخريوطي عـَل الحَبل يلعَب ْ
والساقــط ابـَد ما عــليــه عـَـتـَـب ْ
إعتب عل( البالات) لتوزع رتـَب ْ
ﭼـَم نـَبي دجال عــليـنـا جــَذب ْ؟!
يتاجــر بالــقــيَم ويـبيع بالـوطن
ينـطـيــنا النـُوى ويبوگ الرِطـَب ْ
هم بعدك ندمان يگلبي اشعجب ؟!
انــتَ لخليتـنا لــمايسوا حَطـَب ْ!
صرنا مثل الذاك لبـِلبـَحـِر كـِرَب ْ
يزرع بلرمال وينــتـظــر عِــنـَب !
ما يفيد الحـَﭼـي ما تنفع الخِطب ْ
كــل الهـِدَرت َ مـن العـُمر انـحـِسـَب ْ
خـَلها عـَلْ التاريخ مثل ما انكتب ْ
ماكــو نـتــيــجــه ما ألــها سـَـبـَـب ْ
صرح البــنـيـته شبلعجل خرَب ْ
وصاحبك الدَجال بــاعــك وﯖِــلـَبْ !
هم بعدك ندمان يگلبي اشعجب ؟!
انــتَ لخليتـنا لــمايسوا حَطـَب ْ!
لـكـل الــنـاس صايــرلي قـِرَبْ
يا نهر عطشان ! يا نار وغـَضـَب ْ!
شرب من مـَيَّـك وبالحجر ضرَبْ
ﭼا ضميره ويــن؟! ضامَّه بالـعـلب ْ؟!
هم بعدك ندمان يگلبي اشعجب ؟!
انــتَ لخليتـنا لــمايسوا حَطـَب ْ!
لا تعاتب دَنيء إحساسَــه شطـَبْ
لا مـيِّت يـحس ولا يـخـضّـر خـشـَب ْ
صـوﭼـي يا ﯖـلبي شِلـْتَ من تعبْ
من ﭼان بالـصيـان طامـس للرِكـَبْ!
گـَلي دَخـيلك ! ناوشـني ايدك !
أنـــطـاني الـقهر وانـطيـت ذهَـبْ
و لما انتـشـلتـَه مِن ضيم وكَـرَبْ
خـَـلاك وحَــَيِّــد راح وتـغـَــربْ
هم بعدك ندمان يگلبي اشعجب ؟!
انــتَ لخليتـنا لــمايسوا حَطـَب ْ!
صايرلي شمعة يحرﯖـها اللَـَّهب ْ
تـضيء الــدَرب لـعــميان ودُبـُـب ْ !
بَسَّــكْ يا گــلبي تـثـيــر الشَـغَـَـبْ
دوَّخــت أيــوب مِن صبري تِعــَبْ
تزرع بالسرابْ وما يطلع غَرَبْ
والكـون متـلوث والـعالــم خرَبْ
لا تـصيـر براسي حاتم العربْ
صرنا فـَريــسة لوين ماكو ثـَعلبْ
هم بعدك نـَدمان ؟ يا ﯖلبي شعـَجـَب ؟!
انــتَ لخـَليتـنا لـمايسوا حـَـطـَـب ْ!
شاهد الفيديو
http://www.ankawa.org/vshare/view/10228/latif-pola-7/
