بغداد مبنية من تمر
قصيدة بغداد (بغداد مبنية بتمر)للشاعر الشعبي عبود الكرخي
يغداد ما جمل اسمك وما اجمل لحنك عندما نلفظه باصواتنا
بغداد التي الكثير والكثير سرقوا بسمتك
سوقوا ضحكات أطفالك
ولعب الحيارى...
سرقوا همس فتياتك
وبراءة العذارى
سرقوا احاديث عجائزك
وقصصهم الحانية
سرقوا أغفاءك على دجلة
فأليك يا بغداد التي عشقت هواءها وماءها وشروقها الجميل وغروبها الحزين على أهلها لما كابدوه في محبة محبوبتهم التي طالما ناموا وفي غربتهم وهجرتهم على تذكر ايامك الوردية والمطبوعة بكل آيات المحبة والطيبة والتي أخذ منك أهلها كل معاني الأصيلة والتي تسامت بغداد واهلها في حمل كل قيم الكرم والطيبة والقيم الأصيلة هديكم اخوتي قصيدة من قصائد الشاعر الشعبي الملا عبود الكرخي والتغني بحبها وخيراتها راجياً من الله أن تلقى عندكم كل القبول والاستمتاع بهذه الأبيات ومن الشعر العامي البغدادي.
فلش وكل خستاوي
الملا عبود الكرخي
بغداد مبنية بتمر فلش وكل خستاوي
بغداد مبنية بتمر ما ينكضي هذا العمر
يهواي دبرلي الامر التين اصبح لاوي
بغداد مبنية بلقم وترابها سسي وبطم .
للطم على راسي لطم وانحر على المناوي
بغداد مبنية بزبد خلاني اتمرمر واكد
اني صرت مثل العبد والسيد (كريزاوي)
بغداد مبنية بخرك وانهارها تجري عرك
من هالامر كلبي احترك صار الشغل بداوي
فلش واكل تين ورطب واخلط التفاح وعنب.
يا هل خلك كلبي انعطب بالنار من (عتاوي)
فلش وكل مركة هوه ومن التمر سهمي النوه
جلدي على عظمي التوه من طب(ابو نجاوي)*
*(اسم الدلع لأبو ناجي – أي الانكليزي)
بغداد مرشوشة بعسل واحجارها ثوم وبصل
والماي في دجلة وصل (هذا الكيش حلاوي)
اني صرت شايل حمل ومن اللبس حظي سمل
والتمر بالبصرة زبل لا سيما الخضراوي
(برحي والبريم ودكل) ما ينفعك شغل النخل.
بابوجي من جلد الصخل والاجنبي فرنساوي
(بربن وزهدي واشرسي) طعمه ابد ما ينسي
الفلاح ابد ما ينكسي من( الحشف والحلاوي)
الاجنبي نهبني نهب وماطلني بالزور وكذب
فرهد الحنطة والشلب والتمن الخضراوي
فرهدلي صوفي والدهن وسهمي من الزرع التب
خاف احجي وضمني السجن اومي ومي صنطاوي
فلش وكل خستاويبغداد
