الزوجة لا تريد السفر الرجاء الدخول و ابداء النصيحة


المحرر موضوع: الزوجة لا تريد السفر الرجاء الدخول و ابداء النصيحة  (زيارة 2432 مرات)

0 الأعضاء و 1 ضيف يشاهدون هذا الموضوع.

غير متصل alobaidi1122

  • عضو
  • *
  • مشاركة: 27
  • منتديات عنكاوا
    • مشاهدة الملف الشخصي
اخواني الأعزاء
مقابلة محلفين شهر ستة سنة ٢٠١٥ ، فحص طبي شهر تسعة سنة ٢٠١٦ ولآن زوجتي لا تريد في الوقت الحالي السفر فيما لو  تمت  الموافقة . فماذا افعل ؟؟؟ أنا مصر على السفر مع الأولاد وهي مصره على عدم ألسفر !!!!
فهل ابلغ IOM على حذف زوجتي من الكيس ؟ أم ابقي على صمتي لحين السفر ؟؟؟ أيهما الأفضل و الأمن من ناحية السرعة و عدم تاخير سير الملف . علما ان حاله ملفي هو في حاله التجيك الأمني ماقبل السفر ( الثاني) ظهر بعد اكتمال التجيك الأمني و نتيجة المقابلة واكمال الفحص الطبي




غير متصل Ali-Shack

  • عضو فعال جدا
  • ***
  • مشاركة: 625
    • مشاهدة الملف الشخصي
اخي هل اسبابها قاهره مثلا ؟
مهما كان والافضل ان تستهدوا بالرحمن اولا و تنتظرون و تسافروا بالسلامه ..
و مو شرط هيه تبقى هناك .. ترى تكدر ترجع بكل سهولة .. لان انت ما راح تكدر تجبرها
بس هيه لو تعرف حقوقها هناك كان ما طلبت هالطلب ..
الله يسهل الامور وخليها تشوف ردود الاخوة هنا بس حتى تفهم وتقدر الامور اكثر بما يناسبها

اخواني الأعزاء
مقابلة محلفين شهر ستة سنة ٢٠١٥ ، فحص طبي شهر تسعة سنة ٢٠١٦ ولآن زوجتي لا تريد في الوقت الحالي السفر فيما لو  تمت  الموافقة . فماذا افعل ؟؟؟ أنا مصر على السفر مع الأولاد وهي مصره على عدم ألسفر !!!!
فهل ابلغ IOM على حذف زوجتي من الكيس ؟ أم ابقي على صمتي لحين السفر ؟؟؟ أيهما الأفضل و الأمن من ناحية السرعة و عدم تاخير سير الملف . علما ان حاله ملفي هو في حاله التجيك الأمني ماقبل السفر ( الثاني) ظهر بعد اكتمال التجيك الأمني و نتيجة المقابلة واكمال الفحص الطبي



غير متصل alwaleed88

  • عضو فعال جدا
  • ***
  • مشاركة: 561
    • مشاهدة الملف الشخصي
    • البريد الالكتروني
هسة منا للسفر الله كريم
بس إذا من أولها واحد يجر طول وواحد يجر عرض ما تمشي الحياة خصوصاً أنتم مقبلين على غربة
قل لها فكري بمستقبل الأطفال ولا تصيرين أنانية تهدمين مستقبلهم بعنادج ... اصبر عليها وانصحها .. وكرر لها النصيحة
إذا استمرت بالرفض شيلها من الكيس
لا تسمح لأي أحد يدمر حياتك وحياة أبنائك ولو كان أقرب الناس إليك
أسأل الله أن تصير الأمور لما هو أفضل

تحياتي


غير متصل hamada2

  • نجم منتدى الهجرة و اللاجئين
  • عضو مميز جدا
  • *
  • مشاركة: 2247
  • الجنس: ذكر
  • طلبت من الادارة حذف الاكونت الخاص بي ؟ وليس حظري ؟
    • مشاهدة الملف الشخصي
أم ابقي على صمتي لحين السفر ؟؟؟

اسف اخي الكريم الموضوع مو مثل ما انتوا فاهمي ؟

شنو صمت شنو لحين السفر ؟

اخي الكريم ؟ حظرتك مو مسافر من محافظة الى محافظة ؟ مع احترامي وتقديري لكل المحافظات ؟ شمالها وجنوبها وشرقها وغربها ؟

انتة صدك تحجي لو تشاقة  >:( >:( >:( >:( >:( >:( >:( >:( >:(



غير متصل المحقق العدلي

  • عضو فعال جدا
  • ***
  • مشاركة: 389
    • مشاهدة الملف الشخصي
    • البريد الالكتروني
نصيحتي لك بعدم السفر لان اذا تم السفر راح تعبك وسويه مناحه ضل اخي انت وعائلتك على ما هو قائم ومن خلال رفض زوجتك للسفر تعني انكم غيير مهددين وانسى الموضوع وابوك الله يرحمه


غير متصل alihatef82

  • عضو فعال جدا
  • ***
  • مشاركة: 452
  • الجنس: ذكر
  • East Or West Home Is The Best
    • ياهو مسنجر - ??????
    • مشاهدة الملف الشخصي
نعم اخي تكدر تشيلها من الملف بس تتاخر

اني لما كنت في المقابله رايت شخص مزوج وكال زوجتي متقبل تروح وشلتها من الكيس وقابل وكمل طبيعي .من هسه معانده لعد من تروح شسوي بيك ربك تشوفه.المرة المعدله تتحمل وتروح وين مايروح زوجها. تكدر تشيلها من ملفك وبسهوله لازم تبلغ المنظمه بس ملفك شويه يتاخر.لان اذا طلعلك سفر وهيه وياك بمفلفك ومقبلت هيه تسافر تره كلكم متسافرون  نصيحه قرر من هسه.الله يهديكم


غير متصل alobaidi1122

  • عضو
  • *
  • مشاركة: 27
  • منتديات عنكاوا
    • مشاهدة الملف الشخصي
أودّ ان اشكر جميع الإخوة على المشاركة وإبداء الرأي و النصيحة .
الاخوة الأعزاء : أنا كنت أودّ معرفة
أولاً:  اذا لغيتها من الكيس سوف يتاخر أم لا ؟؟؟  خاصة وانا تقديم سنة  ٢٠٠٩ و لا أودّ التأخير زيادة 
ثانيا : هل من الممكن السفر بدونها عند عدم الألغاء؟ أم يجب السفر كل عائلة وحسب عدد أفراد الكيس المسجلين عند IOM .
تحية خاصه للأخ alihatef82


غير متصل Sound of Soul

  • اداري
  • عضو مميز متقدم
  • ***
  • مشاركة: 12887
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=kqtfl0vsuv2mirvu5ah986ptb4&/board,53.0.html
اخواني الأعزاء
مقابلة محلفين شهر ستة سنة ٢٠١٥ ، فحص طبي شهر تسعة سنة ٢٠١٦ ولآن زوجتي لا تريد في الوقت الحالي السفر فيما لو  تمت  الموافقة . فماذا افعل ؟؟؟ أنا مصر على السفر مع الأولاد وهي مصره على عدم ألسفر !!!!
فهل ابلغ IOM على حذف زوجتي من الكيس ؟ أم ابقي على صمتي لحين السفر ؟؟؟ أيهما الأفضل و الأمن من ناحية السرعة و عدم تاخير سير الملف . علما ان حاله ملفي هو في حاله التجيك الأمني ماقبل السفر ( الثاني) ظهر بعد اكتمال التجيك الأمني و نتيجة المقابلة واكمال الفحص الطبي

مشكلة عندما تكون العائلة غير متوافقة على شئ معين وخاصة لما يكون شئ مصيري مثل السفر
وانت مشكلتك اخي موبس تفكر انه كيف تسافر مع الاولاد بدون الزوجة
المفروض تفكر بالاولاد كيف رح يعيشون هنا من غير ام
عندك اقرباء او اهل مثلا ممكن يساعدوك برعايتهم ؟
او بيهم واحد بالغ 14 سنة من العمر حتى تكدر تخلي الصغار يمهم من تطلع تتسوك او تروح لشغلك مثلا ؟ اكو تفاصيل هواية ، لان لو ماعندك احد مثلا وعندك 3 او 4 اطفال فاعتقد رعايتهم رح تكون صعبة عليك بامريكا .
اكو مرة حادثة صارت لعائلة عراقية نفس الحالة واحد فقط من الوالدين جاي مع الاطفال ..
بيوم رب الاسرة رايح مراجعة بدائرة حكومية من الصبح وجهاله نايمين بعدهم عافهم بالبيت وطبعا كلهم اصغر من 14 سنة  رجع لكا الشرطة بباب شقته واكفين
 عدهم طفل صغير طالع يلعب بالممر ( بالبناية )
وجيرانهم امريكية شايفته ومخابرة الشرطة ، المهم بعد نقاش واقناع للشرطي انطاه انذار انه لو مرة ثانية اجا رح ياخده للمركز هووالاطفال كلهم وياخدون كل الاطفال منه لو عافهم وحدهم بالبيت مرة ثانية لازم وين مايروح ياخدهم وياه نايمين يكعدهم غبشة ظهر ليل لازم وياه من يطلع ميصير ينعافون وحدهم بالبيت . هاي وحدة من الحالات اللي صارت .
صحيح اكو رعاية وممكن تسجلهم بيها والولفر يدفع عنك الفلوس بس انت لازم توديهم وترجعهم ولازم ترتب شغلك  حسب توقيت مدارسهم لو عندك بعمر المدرسة يعني مثل ماكتلك تفاصيل هواية ومسؤلية الترتيب والرعاية كلها رح تكون على عاتقك انت .
 فانت اخي فكر بالسالفة من كل النواحي وحاول تقنع امهم تسافر وياكم
ورتب امورك كلها وبعدين قرر .
والتوفيق من رب العالمين ان شاء الله .
تحياتي .


http://www.ankawa.org/vshare/view/10418/god-bless

ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل ابو محمد علي

  • عضو فعال جدا
  • ***
  • مشاركة: 607
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
اخوية انت اذا سافرت بدون زوجتك ماراح تخلص لان الاطفال راح يتكأبون ويبدون يبجون على امهم واذا قنعت امهم تسافر وياكم راح تكعدلك يومية تقرالك وتلعب نفسك واذا لغيت السفر علمود هذا الشي فأنت راح تحقد عليهة لان ماسافرتوا وحققتوا حلمكم من وراهة . فأني اكلك سالفتك تحير الما يتحير . .................... شوية اكعدوا وفكروا وانشالله تلكون الحل المناسب .

حب لاخيك  ما تحب لنفسك

غير متصل سيد سلمان

  • عضو
  • *
  • مشاركة: 13
    • مشاهدة الملف الشخصي
اخي تحية طيبة لك وانشاءالله تكون بخير ....
اني اتكلم وياك من تجربة شخصية ،، موضوع مشاكل المرة موضوع صعب وترة يكلب حياتك 180 درجة ،،، وخصوصا اهنا في امريكا
انت اذا صارلك فترة طويلة مرتبط بيها هذا عامل ممتاز راح يساعدك جدا على اتخاذ القرار الصائب لانك ببساطة راح تكون قادر على تقييم وضعها وتعرف نفسيتها ومدى استعدادها للعيش بسلام او المشاكل .. وعليك ان تتذكر انك ماطول بعدك خارج امريكا اذن انت في بر الامان وتستطيع ان تحزم امرك سواء كان بالتفاهم او بالاقناع او ... لان المرة داخل امريكا كلشي وياها ... واذا عندت  وياك لاسامح الله فانت يعني تعتبر نفسك ضعت ...حتى اطفالك حسرة عليك تشوفهم دير بالك الموضوع مو سهل اني مااريد اخوفك لكن يشهد الله اني هواي عانيت بسبب مثل هذا الموضوع ..ومثل هاي المشاكل ....
لكن ايضا كلام اختنه ساوند جدا صحيح وموضوعي ، انت هناك اذا عندك احد وناس منك بيك بحيث يعتنون ويرعون جهالك عدهم وانت مطمئن مثل اخوك او اختك او والدك ووالدتك فانت تكدر ترتب امرك ، وانتبه ترة البنات صعبة يعيشن بدون امهن .اذا عندك بنات
هذا من جهة من جهة ثانية انت تريد تصفي بالك حتى تتوجه على هدف كان يكون ايجاد فرصة عمل او تطوير نفسك ببرنامج دراسي حتى تكدر بعده تشوف شغل يناسبك  الخ.... من تحديات الحياة وصعوبتها ... فانت راح تكون بيا حال اذا المرة فتحت عليك جبهت المشاكل والطلايب والشكاوي ..وعليمن راح تلتفت ؟؟ وشلون راح تكظي ؟....
احد الاخوان تفضل براي انه ممكن هي ترجع من امريكا اذا رادت  ،، فليش الاستعجال ،..هذا ممكن لكن هل من الممكن انها راح تتنازل عن اطفالها وتعوفهم الك ؟!!!وترجع بكل سهولة وبدون ماتسببلك مشاكل ما اريد اجاوب بالنيابة عنها لكن ماعتقد انها ستفعل  ؟؟ وخلي ابالك  التذاكر ترة غالية ,..
راح انطيك نصيحة قبل ماتسافر ابحث عن الناس المؤثرين فيها من محيط العائلة كان تكون امها او اخواتها او حتى اخوانها  او عمها او خالها ، وحاول تسويلهم عزيمه ابيت اهلك او ابيتك وطبعا بحضور عائلتك وبعد مايخلص الغدة وتشربون الشاي ، افتح الموضوع امام الجميع واخذ عليها تعهدات ومواثيق من انها ستذهب معك بكل رغبة وبكل استعداد وبعيدا عن اثارة اي مشاكل من اجل مستقبل اولادكم  وشعندك من حجي احجي ويه عائلتها ....مثل هكذا لقاء وتجمع ممكن يكسر الحواجز ويقنعها ويغيرها ،، لان بالمستقبل اذا سوتلك مشاكل وانت ردت تتخذ قرار فماراح تكون نادم عليه ...
انا لااريد التدخل في الخصوصيات ، بقدر ما اريد ان ابين لك ان مثل هكذا مشاكل اذا حصلت لك في امريكا بسبب المرة ، فصدكني ماراح تتقدم خطوة وحدة وستكره نفسك وامريكا وكل شي ....
الله يهديها ، وان شاءالله الامور تكون خير ...
وابد لاتستهين او تسكت او تاجل او تغلس  ....لازم تتناقش وياها وتوصل الي قرار واتمنى القرار راح يكون خير ويخدمكم ويخدم اطفالكم ..
الله يسهل امرك ويفرحك  ادعو لك من كل قلبي ...
تحياتي الك اخي
سيد سلمان



غير متصل homelesss

  • عضو فعال جدا
  • ***
  • مشاركة: 148
  • الجنس: ذكر
    • مشاهدة الملف الشخصي
نعم اخي تكدر تشيلها من الملف بس تتاخر

اني لما كنت في المقابله رايت شخص مزوج وكال زوجتي متقبل تروح وشلتها من الكيس وقابل وكمل طبيعي .من هسه معانده لعد من تروح شسوي بيك ربك تشوفه.المرة المعدله تتحمل وتروح وين مايروح زوجها. تكدر تشيلها من ملفك وبسهوله لازم تبلغ المنظمه بس ملفك شويه يتاخر.لان اذا طلعلك سفر وهيه وياك بمفلفك ومقبلت هيه تسافر تره كلكم متسافرون  نصيحه قرر من هسه.الله يهديكم

عاشت ايدك انت الوحيد اللي كتب جواب للسؤال مو نصيحة