مثل الغيمة من ترعد


المحرر موضوع: مثل الغيمة من ترعد  (زيارة 524 مرات)

0 الأعضاء و 1 ضيف يشاهدون هذا الموضوع.

غير متصل ابراهيم الخزعلي

  • عضو
  • *
  • مشاركة: 14
  • منتديات عنكاوا
    • مشاهدة الملف الشخصي
    • البريد الالكتروني
مثل الغيمة من ترعد
« في: 17:33 16/03/2017 »


مثل الغيمة من ترعد


الدكتور ابراهيم الخزعلي


من يوم اللي فارگناك

حفرنا نهر فوگ الخد

تون الروح تالي الليل

لاهي تگوم لا تگعد

اگلها صبري يمعوده

تگول الصبر گول شگد

حگها الروح يحبيب

من الامها تشتد

انته اعله الجروح ضماد

وحنه باسمك انردد

قريب او اقرب امن الروح
 
حته لو صرت تبعد

ذاك انته عزيز الروح

لاني ابحجي اتودد ولا اقصد

نثرنا اجروحنا بدربك

عساها لغيرنا تورد

مو كلمن دخل خلسه

بظلام الليل يتلبد


وبوجه البشع ظنه

منه  الناس تتردد

وسلاحه الذبح والموت

وبهاي او ذيج يتهدد

او مو كلمن زرع برضك

نيته ايتاجر او يحصد

ولا كلمن يعد انجوم

يحصيها ويگول اشگد

ولا كلمن زرع يحصد

ولا كلمن نذر دنياه
لجلك ،غايته ايفرهد

طبع الفاگد احبابه

دموعه تجري ماتركد

او دمعنا اعليج يالموصل

شط او للسمه يصعد

 دمنه يغلي بالشريان يحبيبه

او ما ظنه بعد يبرد

كلنه اعله العده وياج

مثل الغيمه من ترعد

من البصرة من ذي قار

من الكوت من الحي

من ميسان من النجف

من الفاو ولزاخو

هذا اعراگنه اموحد


كلنه ابدربج احنه اجنود يحبيبه

كلنه ابدربك احنه اجنود يحبيب

لا تنحصي ولا تنعد

مشاعل احنه مرفوعين

رغم الريح ، رغم المطر

لاتنطفي ولا تخمد

اجيناك ابعزم وصرار

اجينه ولا بعدها انرد

صحيح الطاغيه ابعدنا 

او عنك رادنا نبعد

سنين طوال ماشفناك

يا نبض الگلب والود

تشردنا بهواك سنين

او تقبلنا العذاب بود

صحيح ابدانه ابعيده

عنك والبعد يشهد

صحيح انته هذاك اللي
ويه وحوش تتلاوى ابعزم وازود

انته تواجه  العدوان والارهاب

من الخاين الغدار

ومن الجار والابعد

معروفه الاجانب عدها بينا اطماع

بس ليش العرب تحشد؟

كلها اتلملمت بحقاد

قصدها اتخرب او تفسد

واحنه بغربه منفيين

تدري الغربه ليل اسود

يالخيمه جنت للناس

للجايع او للضايع او لليگصد

هاذي شيمة العربان

ترد الشر جزاء الود؟

ياحيف او الف ياحيف

غدركم وصل هذا الحد
بعثي او جاحش اتفقو

يگولون احنه نقيم الحد

لوطي او ساقط اجتمعوا

اهنا وهناك تتلبد

لا غيره وشرف عدهم

كل تاريخهم اسود

يزنون بصبايا الناس

جرايم وسخه ما تنعد

يلبسون اللحايا سخام

او سيماء الغدر اسود

ينبح صوتهم بالدين

او مدري لياصنم تعبد

لكن ياحبيب الروح يعراق

تبقى انته ضواها العين

بلاك العين متوچد

وحق اسمك بلاك العين
ابد والله متوچد

ابد والله متوچد