الى الموصل المنكوبه اهديها


المحرر موضوع: الى الموصل المنكوبه اهديها  (زيارة 377 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 498
    • مشاهدة الملف الشخصي
    • البريد الالكتروني
الى الموصل المنكوبه اهديها
ميسون نعيم الرومي
شعب العراق الزين .. حسبوه خسائر
فرهدوْ خير البيه .. مجرم اوجايـر
-----
ارض العلم والطيب .. ارض النبايـه
وجـّت لهيب اونار .. صارت سبايه
.-----
نسوان اوزلم واطفال .. ثرموْ لحمهم
فجروهم اويدرون .. شنهي ذنبهم؟
-----
شعب العراقي احاه .. ماعنده والي
ياهو اليجي يوليه .. ماإلهه تالي
-----
ياموصل الحدباء .. يالجدّهه آشور
تزهي الحضاره بيه .. والعلم والنور
-----
هيئة أمم ترضين ؟ دفنونه أحياء !
انربـّدٓن علينه ابيوت .. لمـّـونـَه أشلاء
----
إحـّنـه الكـَرَم والطـيب .. موش النـِفاقي
رخصَّوْ دَمنه ليش .. دَمْنـَه العـِراقي
----
جـار الولانه ليش ؟ سوّاهه حرثه
يتـْـقـَصـَّد الشينات .. چـَن احنـَه ورثــّه
-----
ياموصل الحدباء .. يالكلـّچ امجاد
بالمحرقه حرگوچ .. هالشعبچ انباد
----
ياأنبياء الله .. إحنه ابختكم
موصل وِلاهه الموت تطلب رحمكم
----
ماتتعظ حكـّام .. وامن الگبلهه !
ماتشبع امن البوگ .. تحفر گبرهه
----
لادوله تـِرْعه الناس .. لاألله يسمع
لاحوبـه عدْنه اتصيب لانبي اليشفع
----
يالتنتقد كل يوم .. چا شنهي دورك ؟
بس حچي اوخمـْط افلوس .. وامعلي سورك !
-----------------
1 / نيسان / 2017
بــغــداد