الحصول على تاشيرة الهجرة بعد عناء طويل ( SIV) يوم الي الكم جميعاً 13/4


المحرر موضوع: الحصول على تاشيرة الهجرة بعد عناء طويل ( SIV) يوم الي الكم جميعاً 13/4  (زيارة 2135 مرات)

0 الأعضاء و 1 ضيف يشاهدون هذا الموضوع.

غير متصل ابو الصبر

  • عضو
  • *
  • مشاركة: 15
    • مشاهدة الملف الشخصي
    • البريد الالكتروني
السلام عليكم ورحمة الله وبركاته ....
أخواتي اخواني في هذا الموقع الرائع بيت العراقيين ( عنكاوا الامل عنكاوا الهجرة واللاجئين )
واخيراً تم اصدار تأشيرة الدخلو الفيزا لي ولعائلتي لحد اليوم ما استلمت الجوازات لكن تم تغير الحالة واعلامي باني سوف استلم الجوازات قريباً في بغداد .
مشواري كان طويل منذ 2010 سافرت على ال IOM ورجعت بعد تعرض عائلتي لحادث وبقيت اناضل الى سنة 2014 سويت ري اكتفيشن للكيس على برنامج SIV والحمد لله تم وبعدها كملنا المقابل وصار عدنه مولود جديد على ما كملت اجراءات التقديم على الكيس والمقابلات سلمنا الفحص الطبي بشهر الثاني وبعدها غيرنا بعض الاوراق والحمد لله صدرت الفيزا .... يوم الي الكم بجهاه رب الكون .
متوجه الى اوستن تكساس لان صديقي السبونسر من هاي المدينة . الي عنده اي معلومات عن المدينة لا يقصر ... ويا رب يفرج عليكم ان شاء الله .




غير متصل colacola

  • عضو فعال
  • **
  • مشاركة: 38
    • مشاهدة الملف الشخصي
    • البريد الالكتروني
السلام عليكم
مبروك  ان شاء الله تسافر بالسلامه
اني هم مثلك فحصت ودزيت الجواز للسفاره يوم 25-2 ولهسه ماكو خبر اخبرني اي يوم دزيت الجواز ولك جزيل الشكر


غير متصل Sound of Soul

  • اداري
  • عضو مميز متقدم
  • ***
  • مشاركة: 12154
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=qv8nedcjq82c7e17f5nrlvuqf3&/board,53.0.html



الاخ الكريم
بداية الف مبروك السفر ربنا يعوض صبركم بكل خير دائما ان شاء الله
وهنا رح اضيف ردود من الاخوة القدامى الموجودين في اوستن عسى ان تستفاد منها :



اقتباسات :

السلام عليكم
مدينه اوستن هي عاصمة تكساس هي مدينه صغيرة  تحتوي على نظام باصات رائع سعر تكت الباص 30 دولار لكل شهر 24 ساعة وفي اماكن معينه سعرة 15 دولار وايضا فيها صفة الحصول على سيارة كبيرة تسع ل9 اسخاص اشتراك شهري او يومي لا اتذكر 60 دولار تبقى تحت تصرف العائلة السكن فيها تقريبا رخيص اكثر المناطق التي يكثر بها العراقيين هي نورث لامار والريفر سايد تحتوي على جامعة عريقة تحتوي على احياء سكنية يكثر فيها المكسيك ولكن يكثر فيها البيض الاغنياء طبعا اما الداون تاون فهي شي رائع لا يوصف تحتوي على نهر يشبه نهر دجلة تحتوي على متنزهات رائعة تقريا كل شي بها رخيص لكن مشكلتها مدينه صغيرة الوظائف بها ليست شحيحة ولكن من يبحث يجد عمل الناس لطفاء هناك منظمتان  افضل منظمة من حيث التنظيم هي الكاريتاس لديهم برنامجان هما الماجك كرانت والار سي هناك موظفون عراقيون في المنظمة  كل شي متوفر في المدينه الملابس بانواعها ولكن ليست كموديلات العراق هناك محلات كبيرة اج اي بي وولمارت تحتوي على ادق التفاصيل تصور سعر دجاجة كبيرة مشوية لكن ليست ذبح اسلامي سعر 5 دولارات العصائر بانواعها لذيدة ورخيصة المشروبات الغازية الفيتامينات الادوية يجب ان تكون بوصفة هناك عيادات خاصة بسعر 5 دولارات للفقراء هناك ملاجى للنوم لم ادخلها ولكنها تبدو نظيفة هناك مطاعم للفقراء دخلت بها وجربتها ولا باس بها  جو المدينه رائع افضل من العراق ولكن يغلب عليه الحر اكثر من البرودة تصور ان شهر الواحد والثاني تتخللهما ايام حارة ترتدي نصف ردن وايام اخرى تنزل درجة الحرارة 7 تحت الصفر اوصيك بشراء الكهربائيات نوعا ما غالية حيث اضطررت لشراء شاحنة موبايل سامسونج ب16 دولار وماكنة حلاقة رائعة 37 دولار ويوجد اقل من ذللك ساعات تايم اكس رائعة ب35 دولار الفستق هناك غالي لا اعرف لماذا وصدقني هي مدينه صغيرة من الجميل ان يبدا الشخص حياته بها لكن الذي يغلب عليها انها مدينه قديمة اغلب بناياتها ليست مثل نييورك ما عدا كم بناية في الداون تاون المدينه امينة وتحتوي على نظام شرطة صارم ومسيطر عليه وذلك لصغلر حجمها الجميع هناك متعاون ولكن المسيطر على الاعمال الحرفية هم المكسيك ولكن من يبحث يجد واني خادم لاي سوال .
___________________


السلام عليكم
ولايتي هي تكساس مدينه اوستن
طبعا اوستن هي عاصمة تكساس الجو تقريبا مثل جو مصر بارد بالشتا ولا توجود ثلوج وبالصيف حار رطب واحيانا مطر .مدينه نظيفه اكثر من بقية مدن تكساس لانها تعتبر العاصمه يوجد عرب وعراقيين بيها بس اقل من هيوستن ودالاس ويوج محلات حلال هوايه واسعارها مو اغلى من المولات تقريبا نفس السعر واكو محلات باكستانيه اسعارها ارخص مثل شاهي سكانها امريكان ومكسيك بس حاليا اكو نزوح كبير للامريكا وهويه تحولوا وديتحولون لتكساس لان يتعبرونها ولايه غنيه وموهوايه متاثره بالازمه الاقتصاديه اسعار الايجارات لشقه غرفه وحده من 550 الى 700 دولار وغرفتين من 650 الى 1000 دولار حسب المنطقه ونظافة المجمع ,اكو منظمتين لاستقبال الاجئين هي الكريتاس وال ار اس تي اني شفت الكريتاس احسن بهوايه من المنظمه الثانيه .بالنسبه للفود ستامب للاعزب ينقطع في حالة يشتغل براتب همه يحددوا اله وللعائله ايضا ينقطع اذا صار دخل العائله رقم  دائرة الفود ستامب تحدده بس يبقى للاطفال والتامين الصحي يبقى 8 اشهر فقط ولا يشمل الاسنان وللاطفال يبقى لسن ال 21 وشامل كلشي ,بالنسبه للعمل اكو يشتغلون ويه الجيش مترجمين وممثلين بقواعد واكو يشتغلون بمحطات غسيل السيارات واكو كاشير بمول واكو اشتغلوا بفنادق واكو اشتغلوا بمحلات عربيه واكو قسم التهوا يدروسون لمعادلة الشهاده واكو لحد الان بدون عمل (هذوله الي انكليزيتهم ضعيفه لان هنا من يريدون يشغلون شخص لازم اقل شي شويه يفتهم عليهم حتى لو ايطكطك وياهم بس الي ميفتهم ولا يعرف شويه ايجاوب هذا مشكله من يشتغل حتى المنظمه اتحيير وين اشغله.واكو هنا برنامج دراسي يطول 5 سنوات ويتخصص (مساعد طبيب اسنان_مساعد صيدلي _اشعه_سونر)بس لازم يتعاقد وياهم ابد ميترك الدراسه ورها همه يعينوا بمكان لازم ميرفضه وتكون الدراسه باجور رمزيه
بالنسبه للسكن ايضا موجود السكشن 8 والهاسنك بس منصحونه بي لان كالوا مناطق جدا تعبانه (خصوصا الي عنده اطفال بالمدرسه لان راح يختلط بيهم و واحد مامسموحله ايخلي اطفاله بمدرسه بغير منطقتنه) بس الي ماعنده اطفال بالمدارس مو مشكله (الي ساد بابه محد اله علاقه بيه ولا احد يتحارش بيه)
واتمنى الموفقيه للجميع .
__________________________


السلام عليكم
اني كنت بتكساس بحيث بقيت 40 يوم بعد ما استلمت الكرين كارت ورجعت والان صارلي سنه و4 اشهر ضاعت اقامتي وكل شي واني نادم جدا بس الحمد لله كلمن وحظه
تكساس اوستن مدينه صغيرة وجميله تحتوي على مركز مدينه جميل جدا وهناك شارع شهير اسمه شارع 6 يكتظ بالناس في ايام العطل ......اغلب النساء هناك جميلات جدا لانه خليط من السود والبيض واغلب البيض هناك ميسوري الحال وتعتبر مدينه راقيه لان جوها بالصيف لطيف وبالشتاء لطيف ايضا........تحتوي على مطاعم وفنادق كثيرة وتحتوي على نهر يشبه نهر دجله ومنظره جميل جدا .....هناك جامعة اليو تي وهي جامعة مرموقة جدا تعتبر عاشر جامعة بامريكا ..........نظام المواصلات راقي جدا حيث الباصات متوفرة 24 ساعة سعر التكت 15-30 دولار شهر كامل و24 ساعة والباصات انواع سريعة بطيئه متعرجة مستقيمة ليل نهار .........الناس طيبين ........ازعجني روؤيه الهوم لس ......العمل متوفر نوعا ما ولكن من الصعوبة الحصول على عمل كمهندس ......اغلب اصدقائي الذين سافروا معي بوقتي هم الان بافضل حال ويعملون واشتروا سيارات راقية ...........تصور البيتزا شبح ب5 دولارات .........الملابس رخيصة نوعا ما ......تحتوي على اسواق كبيرة هي الول مارت والاج اي بي .......افضل شي ان العصائر الطبيعية والحليب رخيص جدا ...........يوجد عمل في المطاعم في الول مارت والاج اي بي ........لا اعلم الحال الان ولكن في كل الاحوال فهي افضل من العراق بالف مرة.......ززتحتوي على مجمعات سكنية راقية ونظيفة جدا حيث كان ايجار غرفتي مع حمام منفصل والمطبخ والصالة مشتركة ب330 دولار ..........اعتقد الان اصبحت 450 دولار .........المجمعات السكنية تحوتي على قاعة حديد راقية جدا ومسابح وقاعة احتفالات وملاعب تنس وكرة قدم........تحتوي المدينه على متنزهات راقية ........جميل جدا ان تذهب الى اوستن ويكون لديك مصدر من المال بحيث تستمع بحياتك على اقل تقدير سنه ..........هناك منظمتان واحدة منها هي الكاريتاس .........فيها بعض العراقينن الغير متعاونين ابدا ..........المنظمة تتولى ايجاراك مع المحاضرات الاسترشادية ......في المنظمة شخص لبناني ...........حقيقة التعامل مع الامريكي افضل من التعامل مع العربي لان الامريكي لديه انسانية اكثر نوعا ما من العربي .........واني خادم لاي اسئله ...........زلاحظت شي غريب هناك ان عوائل باقية اكثر من سنه وهي تشكو كثيرا ولكن كيف يحصلون على المال لسد قوتهم لا اعلم ..........لي صديق في بوسطن قال لي بان الحياة للعائلة في بوسطن افر حظا من تكساس اوستن لانه في اخر المطاف سيحصل على سكن بينما في تكساس اصتور الموصوع صعب قليلا..........الحياة في تكساس تنفع الاعزب ..........ولكن تذكر جوها القريب من جو العراق والمواصلات جيدة والله ولي التوفيق .
_____________________

اولا اوستن هيه التابعه لولايه تكساس و احب اكول كل ولايه تختلف عن الاخرى مثلا الايجار ايضا يتراوح بين 600 الى 1000 هاي الشقق المي للعوائل عادتاً 40 - 50$ الكهرباء من 70 -100 وطبعا اكيد هاي نسب غير ثابته الانترنت اكو اشكال .. التلفون ايضا بي اشكال انظمه و تدفع شهريه 30$ او 40 او 50 كل شهر  اجور السلع الاكل اسعاره مناسبه بس الخضار غالي ولحم الحلال غالي نسبةً للحم العادي
بس باقي المواد الغذائيه مناسبه واكو اشكال شركات شويه شويه واحد يتعلم ياخذ الشي الرخيص وبجوده لابأس بيها والملابس اكو اسعار مناسبه واكو غالي وبلمنتدى هواي تفاصيل على الاكل والملابس ..

اولا الله يسهل عليكم ان شاءالله و توصلون بلسلامه
بلتأكيد تكدر خصوصا اذا كان شغلك فول تايم  تكدر تشتغل وتشتري سياره و تركض والعشا سوشييييييييييي مو خباز
بس شويه شويه الشغل قليل و بس الي عنده معارف او المنظمه يدبروله شغل وشويه شويه يكدر يستقر ويرتب اموره و يحط الفلس بمكانه طبعا غساله مو بكل مكان يسمحون الك تحط بلشقه مالتك
بلنسبه للاطفال اكيد اكو حضانات بس تكون غاليه ف هنانه اكو هواي انظمه مجانيه حلوه الاطفال الهم حصه الاسد بامريكا اكو منظمات انسانيه و منظمات مدعومه من الحكومه هاي الك الحق ان تخلي ابنك يمهم قبل دخوله المدرسه بلمجان مثل مذكرت واكيد ممنوع يبقون الاطفال بلبيت وحدهم
هوايه اكو شغلات ممنوع بس هيه كلها لصالح المواطن الاميركي
تفائل وتوكل على الله و تكساس ترحب بيك من هسه انت والعائله
______________________


وهذا رد للاخ ابو قمر مو عن اوستن لكن بيه معلومات عن المنظمات الموجودة بولاية تكساس بشكل عام :


مساء الورد ...
طبعا اني اسف اتاخرت  عليكم يوم اضافي لين البارحة عطلة بالايبري  .. طبعا مثل محجيتلكم بالموضوع السابق راح احجيلكم اليوم عن المساعدات الي راح ناخذها شكد وشنو السكجول مالتها ... وطبعا المساعدات بولاية تكساس متشابهة بالكمية لكن تحتلف بالالية او السكجول ..
اني المنظمة مالتي اسمها REFUGEE SERVICES OF TEXAS   طبعا هيا الها ثلاث افرع في دالاس وفي العاصمة اوستن  وفي فورت وورث .. طبعا هاي المنظمة تنطوي تحت منظمات اكبر الي هيا (CHURCH WHORLD SERVICE  CWS و EPISCOPAL MIGRATION  MINISTRIES  EMM و LUTERAN IMMIGRATION AND REFUGEE SERVICES LIRS  ) طبعا هذولا المؤسسات الثلاثة موجودة بأوستن ومنظتنا تقوم برفع التقارير وتنطيهم احداثياتنا يعني بمعنى اخر هم المسئولين عنه بس منظمتنا تقوم بعمل الوسيط  .
طبعا المنظمة تكون مسئولة عن عدة اشياء منها :
1-   أستقبالك من المطار وتوصيلك الى السكن وتوفير السكن والاثاث  المناسب والاكل في المنزل طبعا هذا في حالة عدم وجود كفيل الك  .
2-   التسجيل في السوشيل سكيورتي نمبر لكل افراد العائلة بعد بيوم من وصولك الى الولايات المتحدة من خلال اخذك للدائرة المسئولة عن الموضوع ومساعدتك في التقديم ( دائما اذكر كلمة مساعدة ليش ؟؟؟ لأن المنظمة مراح تبقة وياك للأبد ولهذا انت حاول من تروح وياهم تفهم كلشي الاسلوب اسم المكتب مكان المكتب .. لان بعد اشهر  انت راح تسوي كلشي بيدك يعني موت كعد مثل الاطرش بالزفة ظل أسئل واستفسر واتعلم )
3-   تسجيل كافة افراد العائلة في دائرة الفود ستامب واستخراج الفود ستامب لك ( طبعا أكو مفهوم خاطىء عن الفود ستامب الاكثرية يتخيلون ان المنظمة هي الي تنطيك الفوت ستامب طبعا هذا شي غير صحيح دائرة الفوت ستامب منفصلة كليا عن منظمات التوطين وما الها علاقة بالكاش مني او الايجار او المساعدات الي تاخذها من المنظمة .. وممكن انت بنفسك تروح تقدم عالفوت ستامب .. وكل 3 اشهر انت تروح تسوي مقابلة بدائرة الفوت ستامب حتى  يعرفون دتكفيك لو لا او انت اشتغلت لو لا طبعا الفوت ستامب يظل مستمر الى ان تجد عمل براتب معين اتصور هنا بتكساس يتجاوز 2400 دولار )
4-   اخذك الى المركز الصحي او المستشفى لتسجيلك وعمل القاحات الضرورية جدا في وجودك في الولايات المتحدة وفي استخراج الكرين كارت فيما بعد ( طبعا اليم عنده دفتر لقاحات ومعامل اللقاحات مو من حقه يقدم عالكرين كارت .. لمنظمة تاخذك للمستشفى زيارتين وبعدها انت لازم تعلم نفسك شلون توصل وشلون تتعامل هناك بالمستشفى ولهذا لازم تتعلم من الزيارتين الاولتين )
5-   المنظمة تقوم بتوفير دروس تعليم اللغة الانكليزية لك  .. طبعا الدروس مهما جدا للي انكليزيتهم  ضعيفة . اهم اهم اهم شي في امريكا هو اللغة .. يعني اذا تغلبت على اللغة ففرصك تكون مساوية لفرص الامريكي .. وللعلم اني كنت ماخذ نظرة كبيرة عن الولايات المتحدة .. بس من وصلت ومن خلال هاي الاسبوعين اكتشفت من خلال الناس الي التقيت فيهم ان امريكا معتمدة اعتماد كلي على الكفاءات وان الفئة الاغلب من الشعب فارغة  من الناحية العلمية او حتى الثقافية محتارين بالراب والركص والفوت بول الامريكي وقسم منهم اذا تسأله عن اوباما فمراح يعرفه او اذا تسئله منو انشتاين يكلك لاعب كرة سله بفريق ميامي .. طبعا هذا مو معناه انه امريكا مبيعا ناس مثقفة ومتعلمة لا فيها ناس جدا مثقفة ومتعلمة وبيها علماء ايضا وبيها اطفال معلوماتهم اكبر من عدنا احنا الدارسين بس انا دا احجي عن الاغلبية من الي شفتهم خلال هاي الاسبوعين .. وللعلم هوايا منهم موظفين بمكانات جيدة جدا لكن ما يتسمون بالذكاء او ميكونون لماحين فقط مهنيين وهذا شفته بموظفين التوطين نفسهم .. يعني اني لو لغتي قوية مثلهم كان اني بايام اكون البص مالتهم وهوايا اخطاء صارت وياي من قبلهم بالابلكيشن والتقديم كنت اصلحها الهم .
6-   المنظمة تكون مسئولة عن تعليمك كيفيه استخدام الباصات الخاصة بالنقل ومعرفة الطرق وكلشي يسهل عليك التنقل .
7-   المنظمة تكون مسئولة في وضعك باحد برامج التوطين ... وهيا الي راح توصلك الشيكات .. كما تساعدك المنظمة بتسجيل اسمك بدائرة لكهرباء وفي توقيع وفهم عقد الاجار والحقوق الي عليك والي الك وطبعا كلها تكون مكتوبة في العقد وضروري جدا ان تقرا العقد بنفسك وتفهمه ... كما تساعدك المنظمة في الاجابة عن كل الاسئلة الي ادور ابالك حول البلد الجديد
8-   المنظمة تساعدك في تقديم اسمك لدوائر خاصة لايجاد عمل لك ( مو معناتها انك تكعد تنتظرهم لازم انت ادور
على عمل لين فعاليتهم جدا قليلة ولحد الان ملكو شغل لاحد كل الي اشتغلوا هما الي قدموا بنفسهم )
طبعا هاي تقريبا  الاشياء  الرئيسية الي تتقدملك من المنظمة ... يعني باختصار المنظمة تساعدك حتى تعتمد على نفسك .. يعني بمثال ابسط هيا متسوق السيارة عنك لا هيا تكعد يمك وادليك وانت لازم تسوق وتتعب .. يعني هما مراح يسوون شي عنك هما راح يساعدوك فقط ..
نجي للمساعدات ... بالنسبة لمنظمتنا فالمساعدات المادية الي ناخذها من خلالها 8 أشهر .. وبالنسبة للمساعدات المعنوية هي 6 اشهر ... شلون .. يعني علاقتي بالمنظمة تستمر لمدة 6 اشهر بعدها تنقطع علاقتي بيهم .. فقط استلم الشيكات من عدهم .. بس يبقى ملفي يمهم لغاية ما اخذ الجنسية  واي تغيير بعنواني او رقم تلفوني لازم اخبرهم عنه ..
اني بالنسبة الي حطوني في برنامج RCA والي هو اتصور ريفيوج كاش اسيستنس  ... طبعا هنا بتكساس اكو برنامجين اساسيين الي هما ال RCA  و الماجك كراند  .. والماجك كراند يكون اغلبه للعوائل بس اني الماجك كراند متوقف عدهم هسه فحولوني لل RCA والي هو خاص بالسينكل .... شنو هي الية البرنامج .. بالنسبة النا احنا 3 افراد  تكون كالتالي :
البرنامج ينقسم الى مرحلتين 4 أشهر  و 4 أشهر ثانية ...
1 – اول  اربع اشهر راح نستلم بالشهر الواحد ثلاث شيكات الاول 300$  الثاني 300$ والثالث 156 $  يعني بالشهر 756 دولار طبعا لازم ادفع منهم الايجار وفاتورة الكهرباء والمي والتراش  .
2 – ثاني اربعة اشهر في حالة عدم حصولي على عمل يتجاز راتبه 2400 $ راح استلم بكل شهر 319.25  $ يعني ثلاثمية وتسعة عشر دولار وخمسة وعشرين سنت لمدة اربعة اشهر ..
طبعا بعد متخلص الثماني اشهر واذا ملكيت شغل او راتبك كان ضعيف فانت تكدر تقدم على الولفر او التنف طبعا انت تقدم المنظمة تعلمكم المكان وكيفية التقديم وانت تروح ...
يعني بمثل حالتي اول اربعة اشهر راح يزيد عندي حوالي 256 دولار بالشهر وثاني اربعة اشهر لازم اكمل حوالي
 150 $ يعني تطلع يك حساب ...  بس بكل الاحوال انت راح تضمن انه ايجارك واكلك ومصرف جيبك 8 اشهر مؤمن مية بالمية .. راح تكولون شلون مصرف جيبك ؟؟؟؟؟ راح اكللكم اكو فقرة مهمة نسيناها الي هيا هدية الترحيب من الحكومة الفدرالية اول متوصل  والي هيا كالتالي ..
كل شخص ياخذ 450 دولار لمرة واحدة هدية من الحكومة الفدرالية هاي فور وصولك بس مينطوك اياها ينطوها للمنظمة وهي الي تقسمها وتنطيك الباقي ..  بالنسبة الي كانت كالتالي :
طبعا اني كعدت وياهم وحاسبتهم حسبة مصلاوي عالسنت شصؤفتوا وشكد بقى والحلو البيهم هما ميضوجون او ينزعجون من اسئلتك  المهم :
اني 3 افراد يعني 450 * 3 = 1350 ... هما انطوني منهم 25 $ لكل شخص بوكت مني  المجموع 75 دولار وانطوني  ايضا شيك ب 950 دولار  وكلولي تسوي منه شيكين للايجار للشهر الثالث والرابع افضل واضمن الك وانت استلم شيكات البرنامج مالتك وضمهم .. المهم الي استلمته منهم 1025 $ يبقى 325 $ طبعا خوما يثولوها عليه !! المهم الموظفة كالت احنا اشترينالك اثاث واكل وشامبو ومكيف مال شعر .. كتلها قنفة مستعملة وكراسي وميز وسرير طفل وسرير كبير ب 325 $ وهاي مستعملة ( طبعا غراض البيت مستعملة بس السرير الكبير يجيبوه جديد بنايلونه ) كتلها هذولا مستعملين الناس تشمرهم وحتى الي يشتريهم يشتريهم من البزار بكم دولار بس  .. كلتلي بابا انت فاهم غلط .. احنا مشترينالك هاي الاشياء هاي الاشياء تجينا تبرعات وهيا فري الي اشتريناه  السرير والفراش مالته وهذا حدود ال 100 $ والاكل وادوات المطبخ والشامبو والصابون وذولا همين تقريبا يطلعون بال100$ وكله مسجل يمنى واي شي يبقى من فلوسك بنهاية الشهر الثالث نتحاسب وتاخذه .. يعني ماكو شي اسمه بوووك او تغليس كلشي مسجل .. بس انت كون مفتح وطلب بحقوقك .. يعني صير امريكي مو عراقي ...
طولتها عليكم بس هاي تقريبا كل تفاصيل المساعدات ... بالنسبة لرتات الباص فحسب مفتهمت منهم هاي مجانيا كل فترة اخذ منهم وجدا عادي ..
اكو ملا حظة مهمة صارت وياي ( صار موقف من المنظمة خلاني عصبت عليهم ولمن اجه الموظف الصبح للبيت هجيته وكتله اني اريد اغير المنظمة لين انتم هامليني ومن هالسوالف المهم هو راح ووراه بساعه اجتي مديرة المنظمة نفسها للبيت ... طبعا طبت وسلمت عليها ونزلت طلعت كل الي بكلبي ... بس طبعا بموضوعية .. كتلها انتوا تعاملون العراقيين بشكل اخر .. كلتلي انت شفت لعراقيين الي وياك كلهم عدهم سيارة او سيارتين وكلهم عدهم موبايلات واكثر من موبايل والي عنده خط ارضي وانترنت وبلي ستيشن  ... يعني شكل غريب للاجئين .. ومع هذا احنا نحاول انساعدهم بقدر المستطاع واذا صار تقصير من عدنه فلان العدد كبير ودنحاول انسق الاوقات .. وبعدين انت افضللا هواية من غيرك من الاجئين انت لغتك الانكليزية جيدة واحسن بهواية من الي يجون ميعرفون ولا كلمة بالانكليزي ولا حتى يعرفون يستخدمون التواليت ..( طبعا دتحجي عالاجئين الي يجون من شرق اسيا ومن افريقيا ) .. المهم حبيتا وصلكم فكرة انه المنظمة مراح تساعدك بكلشي لازم انت تبلش من اول يوم تعتمد على نفسك وهو افضل الك ولمستقبلك .. وخليك دائما اطالب بحقك ولتستحي لين هاي حقوقك واستفسر عن اي شي يخطر ابالك منهم فهذا هو شغلهم ويستلمون رواتب على اساسه  ..
تحياتي ومستعد لاي سؤال او استفسار من قبلكم ...
اخوكم ابو قمر.
________________________

تحياتي وبالتوفيق اخونا الكريم .




http://www.ankawa.org/vshare/view/10418/god-bless/



ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرة sound@ankawa.com

غير متصل حبيباتي بناتي

  • عضو
  • *
  • مشاركة: 23
  • الجنس: أنثى
    • مشاهدة الملف الشخصي
    • البريد الالكتروني
الف مبروك وان شاء الله الموفقية بحياتك الجديدة في امريكا
بس سؤال بدون زحمة من تحول عندك / الى or شكد المدة ودزو على الفحص الطبي


غير متصل ابو الصبر

  • عضو
  • *
  • مشاركة: 15
    • مشاهدة الملف الشخصي
    • البريد الالكتروني
الف مبروك وان شاء الله الموفقية بحياتك الجديدة في امريكا
بس سؤال بدون زحمة من تحول عندك / الى or شكد المدة ودزو على الفحص الطبي
السلام عليكم ورحمة الله
والله يا استاذ ما اعرف بس تحول بعدالمقابل الى فحص اداري اليه ولزوجنتي فقط لان اطفالي تحت السن القانوني
بعدين طلبوني مقابلة فحص طبي وراها باقل من 15 يوم تغيرت الحالة وطلبونه لمقابلة اخرى لان بصمات زوجتي ما واضحة وبعدها تبين انه الموضوع علمود اسئلة جديدة .
والحمد لله بعدها تغيرت الحالة لكل الملفات الى فحص اداري مرتين
ثم اصبحت في مرحة اجراءات التاشيرة ومن ثم الاصدار ولله الحمد اليوم استلمت الجوازات وبيهن الفيز يوم الي الك يا رب



غير متصل ابو الصبر

  • عضو
  • *
  • مشاركة: 15
    • مشاهدة الملف الشخصي
    • البريد الالكتروني
الف مبروك وان شاء الله الموفقية بحياتك الجديدة في امريكا
بس سؤال بدون زحمة من تحول عندك / الى or شكد المدة ودزو على الفحص الطبي
السلام عليكم ورحمة الله
والله يا استاذ ما اعرف بس تحول بعدالمقابل الى فحص اداري اليه ولزوجنتي فقط لان اطفالي تحت السن القانوني
بعدين طلبوني مقابلة فحص طبي وراها باقل من 15 يوم تغيرت الحالة وطلبونه لمقابلة اخرى لان بصمات زوجتي ما واضحة وبعدها تبين انه الموضوع علمود اسئلة جديدة .
والحمد لله بعدها تغيرت الحالة لكل الملفات الى فحص اداري مرتين
ثم اصبحت في مرحة اجراءات التاشيرة ومن ثم الاصدار ولله الحمد اليوم استلمت الجوازات وبيهن الفيز يوم الي الك يا رب



غير متصل colacola

  • عضو فعال
  • **
  • مشاركة: 38
    • مشاهدة الملف الشخصي
    • البريد الالكتروني
السلام عليكم
مبروك وشايف الخير ان شاء الله توصلون بالسلامه


غير متصل حبيباتي بناتي

  • عضو
  • *
  • مشاركة: 23
  • الجنس: أنثى
    • مشاهدة الملف الشخصي
    • البريد الالكتروني
شكرا على ردك الكريم واتمنالك التوفيق


غير متصل sadeq78

  • عضو فعال
  • **
  • مشاركة: 52
    • مشاهدة الملف الشخصي
السلام عليكم...اولا الف مبروك و موفق ان شاء الله.....سوال على المساعدات و على تكتات الطائرة ...السفر عليك لو عليهم بما انه انته مسافر من قبل على حساب المنضمة...وثانية مشمول بالمساعدات من ويلكم الى اخره من برامج المساعدات او لا لان انته اصلا مثل ما كلت مسافر من قبل واكيد حصلت على كل ما سلف ذكره ...فهل بلغوك بهاي التفاصيل اولا لا اني مثل حالتك تقريبا وما ادري بس المنضمة ابلغوني انه اذا طلعت الفيزا لازم اسافر على حسابي اما موضوع المساعدات ما ابلغوني بشي...ياريت تشاركني بالمعلومات الي تحصل عليها ..مع الشكر الجزيل
 


غير متصل ابو الصبر

  • عضو
  • *
  • مشاركة: 15
    • مشاهدة الملف الشخصي
    • البريد الالكتروني
السلام عليكم...اولا الف مبروك و موفق ان شاء الله.....سوال على المساعدات و على تكتات الطائرة ...السفر عليك لو عليهم بما انه انته مسافر من قبل على حساب المنضمة...وثانية مشمول بالمساعدات من ويلكم الى اخره من برامج المساعدات او لا لان انته اصلا مثل ما كلت مسافر من قبل واكيد حصلت على كل ما سلف ذكره ...فهل بلغوك بهاي التفاصيل اولا لا اني مثل حالتك تقريبا وما ادري بس المنضمة ابلغوني انه اذا طلعت الفيزا لازم اسافر على حسابي اما موضوع المساعدات ما ابلغوني بشي...ياريت تشاركني بالمعلومات الي تحصل عليها ..مع الشكر الجزيل
والله عزيزي ما عندي معلومات عن هذا الموضوع ولا تواصلت مع السفارة
للعلم انا اخذت كل الحقوق من طيران وويلكم مني ورعاية باول سفرتي بس اتصور يقدمونها مرة ثانية . على كل حال ان شاء الله نحصل اي معلومة اضافية ممكن تفيدنا والله يكتب التوفيق للجميع .
بس حضرتك شلون تواصلت مع المنظمة باي طريقة ....




غير متصل sadeq78

  • عضو فعال
  • **
  • مشاركة: 52
    • مشاهدة الملف الشخصي
اخي العزيز ابو الصبر
تواصلت معاهم على هذا الايميل siv_ope@iom.int وان شاء الله بالمستقبل من تحصل معلومات اضافية ياريت تفهمنا عليه حتى نكدر نفتهم شراح يصير لان اني الضاهر نفس حالتك.مع الشكر الجزيل



غير متصل slam hawk

  • عضو مميز جدا
  • *****
  • مشاركة: 4719
  • Engineer Slam Hawk
    • مشاهدة الملف الشخصي
    • البريد الالكتروني
Engineer
Slam Hawk

غير متصل sadeq78

  • عضو فعال
  • **
  • مشاركة: 52
    • مشاهدة الملف الشخصي
السلام عليكم الاخ ابو الصبر ....بشرنا شصار وياك و دزيت الفيز لل IOM بعمان و الحجز عليك لو عليهم لان اني مثل حالتك واريد افتهم شراح يضير فياريت لو نكدر نتواصل اني وياك وايميلي sadiq_aggar@yahoo.com واذا تحب دزلي ايميل وانطيك رقم تلفوني وبيه فايبر


غير متصل Aiham_

  • مبدع قسم الهجرة
  • عضو مميز جدا
  • *
  • مشاركة: 3994
  • Only the Gentle are truly strong
    • مشاهدة الملف الشخصي
اوستن تكساس و ما ادراك ما اوستن ... اوستن من احلى المدن و ارقى المدن بتكساس و بامريكا كلها حاليا، مدينه زغيره بيها شغل حسب علمي بس الازدحامات بيها تكتل ، خصوصا I-35 و من تجي راح تعرف شنو هذا الفري وي  ;D
اوستن غاليه و بدت تغلى يوم بعد يوم مدينه الموسيقى و 6th street , rainy street
المكسيكان تارسيها ترس ، مدينه حلوه و الداون تاون مالها كلش حلو ، المناطق الزينه تكون شمال غربي المدينه قريب على بحيره ترافيز ، توصل بالسلامه و بالتوفيق