وين اهلنه ؟


المحرر موضوع: وين اهلنه ؟  (زيارة 299 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 491
    • مشاهدة الملف الشخصي
    • البريد الالكتروني
وين اهلنه ؟
« في: 21:27 24/05/2017 »
وين اهلنه ؟
ميسون نعيم الرومي
 
عـلى اجـناح الشـوگ جـيـتچ
مـن بـَـعـَـد غـيـبـَة سـنـيـن
 
غـِنـْوَه گـَلبي غـَـنـَّه بسمچ
هايـم اوكـلي حـَـنـيـن
 
ابحضن گاعـچ من ربـيـنه
نـغـْـفـَه عَ اللحـن الحـَزيـن
 
عـيـني ليـچ اودوم تـرْبي
بـيـهـَه حـَسـْرات اوونـين
 
غـَـصَّه انـتِ بالليـالي
وَشـِـم حـبـّچ عَ الجبين
 
انـتِ يحـْـبـيـبـَه فـَرَحـنـَه
والفـَرَح .. يابعد روحي .. ضنين
 
فـيـزَه دَگــَّـوْ بالجـواز
صرنـَه غـربه جيم اوسين
 
جـيـتچ آنـَه .. مالگـيـتچ !
انـشـِـد اسأل .. آنـه ويـن ؟
 
ويـن الاحباب .. ويـن اهلنه ؟
نـَخـلـَتـْـنـَه ويـن ؟
راحـت ! اوراح الياسمين..
 
ذكريات اتصيح تصرخ
والصدى ابـروحي رنين
 
اصفگت ايـدي .. اومادريت..
ابـغـربـتي غـربة سـَجـيـن
-----------------------------------------
مايس / 2017
ســــــــــتوكهولم