المحرر موضوع: ܡܝܲܩܪܐ - ܒܲܪܡܝܼܵܢܐ  (زيارة 1886 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
ܡܝܲܩܪܐ - ܒܲܪܡܝܼܵܢܐ
« في: 04:45 05/08/2017 »
ܡܝܲܩܪܐ (ܒܲܪܡܝܼܵܢܐ) ؛؛
ܡܠܘ̇ܐܵܐ ܝܘܼܣܹܦ ܝܲܠܕܐ - ܣܝܼܕܢܝܼ
ܬܲܪܓܵܡܬܐ ܠܠܫܵܢܐ ܐܵܬܘ̇ܪܵܝܐ
ܥܲܒܼܕܝܼܫܘ̇ܥ ܣܵܗ̄ܕܐ - ܣܝܼܕܢܝܼ


ܡܩܵܘܡܐ ܡܒܵܩܸܪܝܼ ܚܲܕ̄ ܦܲܪܨܘ̇ܦܐ ܡܢܵܘܟܼܘ̇ܢ ܠܥܸܠܬܐ ܕܡܲܬܵܒܼܬܐ ܠܫܸܡܐ ܕܡܝܲܩܪܐ ܦ̮ܲܗܡܵܐܢ ܒܲܝܢܵܬܼ ܬܪܹܝܢ ܣܸܪ̈ܛܹܐ، ܒܐܵܡܪܸܢ ܩܵܬܵܘܟܼܘܼܢ ܦܘܼܢܵܝܐ، ܕܐܵܗܐ ܡܸܢܕܝܼ ܒܸܕܥܵܪܐ ܝ̄ܠܹܗ ܠܡܸܢܝܵܢܐ ܡܢ ܚܫܵܒܼܝܵܬܹܐ، ܩܵܕ̄ܡܵܝܬܐ ܡܛܠ ܠܲܝܬ ܛܘܼܦ̮ܣܐ ܡܐܲܝܟܼ ܕܝܼܝܹܗ ܠܐ ܠܐܲܟܼܐ ܘܠܐ ܬܵܡܐ، ܘܝܼܬܠܹܗ ܦܲܪܨܘ̇ܦܵܝܘܼܬܐ ܪܵܒܐ ܟܲܫܝܼܪܬܵܗ̇، ܘܝܼܠܹܗ ܡܵܚܘ̇ܪܐ ܡܗܝܼܪܵܐ، ܘܐܘܼܡܵܢܐ ܪܵܫܘ̇ܡܐ ܡܼܢ ܕܲܪܓܼܵܐ ܩܲܕ̄ܡܵܝܐ، ܕܠܲܝܬ ܡܲܚܘܵܬܹܗ ܓܵܘ ܟܠܹܗ ܟܝܵܢܐ، ܘܝܼܠܹܗ ܒܲܪܢܵܫܐ ܒܪܸܢܝܐ ܚܲܪܘܼܦܐ، ܘܡܼܢ ܒܲܝܢܵܬܼ ܚܫܵܒܼܝܵܬܼܐ ܐ̄ܚܹܪ̈̄ܢܹܐ ܐܝܼܠܹܗ ܝܵܕܘ̇ܥܐ ܒܟܠ ܡܸܢܕܝܼ ܒܡܲܥܢܵܝ ܐܝܼܠܹܗ ܡܐܲܝܟܼ ܛܘܼܦ̮ܣܐ ܕܓ̮ܘ̇ܓܵܪ، ܟܲܕ ܚܵܙܸܬܠܹܗ ܚܫܝܼܚܵܐ ܒܟܠ ܕܘܼܟܬܐ ܕܡܲܬܒܸܬܠܹܗ ܘܒܚܲܕ̄ ܥܕܵܢܐ ܩܵܕ̄ܡ ܚܵܙܸܢܹܗ ܡܼܢ ܪܸܚܩܐ ܒܒܹܝܼܬ ܦܲܠܓܐ ܕܚܲܕ̄ ܟܢܘܼܫܝܐ ܡܼܢ ܥܠܲܝܡ̈ܐ، ܘܝܼܗܘܵܐ ܪܵܒܐ ܫܵܚܝܼܢܐ ܘܲܟܪܝܼܒܐ ܘܗܵܘ ܗܲܡܙܘܼܡܹܐ ܥܲܡܲܝܗܝ̈ ܒܩܵܠܐ ܪܵܡܐ، ܗܲܕܟܼܐ ܚܙܹܐܠܝܼ ܡܢ ܒܵܬܪ ܕܲܫܡܝܼܥܠܝܼ ܠܚܲܕ̃ܟܡܐ ܚܲܒܪ̈ܢܹܐ ܕܩܲܕ̃ܡ ܐܵܡܪܘܼܢ، ܘܐܝܼܡܵܢ ܕܩܘܼܪܒܸܢܝܼ ܡܼܢ ܟܸܢܫܐ ܕܝܼܗ̄ܘܵܘ ܠܚܵܕܪܘܵܢܹܗ، ܫܡܝܼܥܠܝܼ ܒܢܲܬܼܝܵܬܼܝܼـ ܠܡܲܡܠܐ ܕܝܼܗ̄ܘܐ ܒܝܼܵܗ̄ܒܼܠܹܗ ܠܐܵܢܝܼ̈ ܕܝܗ̄ܘܐ ܚܫܵܒܲܝܗܝ̈ ܡܼܢ ܐ̄ܢܵܫ̈ܐ ܓܵܘܵܢܵܝ̈ܐ، ܘܗܵܘ ܐܝܼܠܹܗ ܒܸܫ ܥܸܠܠܵܝܐ ܡܢܲܝܗܝ̈ ܪܵܒܐ، ܐܵܗܐ ܓܵܗܹܐ ܗܲܡܙܘܼܡܹܐ ܗ̄ܘܐ ܩܐ ܕܒܼܝܼܚ̈ܐ ܠܦܘ̇ܬܼ ܬܦܵܩܬܐ ܕܲܟܦܝܼܫܠܹܗ ܒܝܼܵܗ̇ ܒܓܵܗܹܐ ܐ̄ܚܵܪܵܝܬܵܗ̇ ܓܵܘ ܗܘ̇ܠܝܘ̇ܕ ܒܡܲܡܬܸܠܵܢܐ ܡܫܲܡܗܐ ܟܠܝܼܢܬ ܐܝܼܣܬܘܘܼܕ، ܘܠܐܲܪܝܼܚܵܬܼܐ ܕܣܲܙܓܵܪܬܐ ܕܦܝܼܫܠܵܗ̇ ܩܛܝܼܪܬܐ ܥܲܡܹܗ ܠܨܲܝܵܪܘܼܬܼܐ ܕܙܘܼܠܐ ܚܲܕ̄ܬܐ، ܠܐܲܟܼܐ ܠܐ ܡܨܹܐܠܝܼ ܕܫܵܬܩܸܢ ܘܫܵܡܥܸܢ ܐܲܡܝܼܢܵܐܝܼܬ ܠܚܲܒܪ̈ܢܹܐ ܠܐ ܚܫܝܼܚ̈ܐ ܪܸܚܩܐ ܡܼܢ ܗܲܘܢܐ، ܘܐ̄ܡܝܼܪܝܼ ܕܠܐ ܒܝܼܕܵܥܬܼـܝܼ ܕܵܐܟܼܝܼ ܟܲܕ ܪܝܼܡܠܹܐ ܩܵܠܝܼ ܚܲܕ̄ܟ̮ܐ، ܐܝܼܢܐ ܒܸܫ ܙܲܘܕܐ ܡܼܢ ܬܪܹܝܢ ܫܸܢ̈ܐ ܗܵܘ ܓܲܒܼܪܐ ܡܝܼܬܵܐ ܝ̄ܠܹܗ ܝܵܐ ܡܝܲܩܪܐ(ܒܲܪܡܝܼܵܢܐ)، ܒܗܵـܝ ܥܕܵܢܐ ܗܘܹܐܠܵܗ̇ ܫܸܠܝܘܼܬܐ ܒܬܘܼܡܵܡܐ ܒܗܵـܝ ܕܘܼܟܬܐ، ܘܐ̄ܬܹܐܠܹܐ ܩܵܠܹܗ ܡܸܠܝܐ ܡܢ ܒܵܘܵܪܘܼܬܐ ܐܲܡܝܼܢܵܐܝܼܬ، ܐܵܦܸܢ ܕܝܼܗܘܐ ܢܦܝܼܠܐ ܬܚܘܼܬ ܓܢܵܗܐ، (ܟܹܐ ܚܵܙܸܢ ܗ̄ܘܵܐܠܹܗ ܩܲܕ̄ܡ ܕܫܵܒܸܩ ܗ̄ܘܵܐܠܲܢ ܘܲܡܫܵܢܹܗ ܠܕܘܼܢܝܹܐ ܐ̄ܚܹܪ̄ܬܐ، ܝܐ ܐܵܚܘܼܢܐ)