موضوع مهم الى القادمين الجدد الى امريكا


المحرر موضوع: موضوع مهم الى القادمين الجدد الى امريكا  (زيارة 666 مرات)

0 الأعضاء و 1 ضيف يشاهدون هذا الموضوع.

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
السلام عليكم .
عسى ان تكونوا في افضل حال .
اخوان اليوم اريد اتكلم عن تجربة وهاي المعلومات اريد منكم ان تستفادون منهة
ــــــــــــــــــــــــــــــــــــــــــــــــ
 1- اول متوصلون بخير وسلامة وبعد يوم او يومين راح يجي الكيس ووركر ياخذكم الى المنظمة حتى يطيكم كل واحد 50 دولار للبالغين فقط مجرد مصرف الكم وراح يجيبلكم اوراق حتى اتوقعوهة ... اخوان هنا راح ابدي الموضوع المهم . طبعا احنة العراقيين بينة طبيعة انو احنة نستحي نحاسب اي احد على حساب حقوقنة وهذا من طيبتنة الفطرية الي تربينة عليهة وكيد غلط لان هنا لو راح نستفاد لو نخسر قسم كبير من الحقوق الخاصة بينة .
طبعا راح يكللكم معلومات على الولكم وراح يشوفكم اوراق خاصة بكل المشتريات وهذا المبلغ مخصوم من الولكم العائد لكل شخص في العائلة وراح يكللكم هلكد كلفت وهاكم وقعوا ....... هنا لازم تطلبون منه ورقة وقلم وتحسبون شكد كلفن وتطرحوهن من الولكم مالتكم وتشوفون شكد باقي لان لكل شخص  950 دولار تقريبا ولكل ولاية الهة مبلغ خاص وانا اتكلم عن تكساس .
هو من راح يشوفكم الكم معلومات عن هذا الشي راح ايكللكم المبلغ المتبقي  ( كذا ) وراح ينصحكم اتعوفون المبلغ المتبقي يم المنظمة اخاف مالكيتوا شغل هم يدفعون الايجار فأنتوا اطلبوا المبلغ المتبقي وخلوا يمكم لان ورة شهر او شهر ونص راح تتحولون على برنامج الماجكراند وهذا برنامج خاص للعوائل لفتره ثلاث اشهر بعدهة يشوفون انو الشخص بدا العمل او لا حتى يمددوهة الى ثلاث اشهر اخرى او يقللوهة حسب القرار .
ها صدك الولكم ماله علاقة بالماجكراند يعني تقريبا اول شهرين مصاريف من الولكم بعدهة 3 اشهر من الماجكراند بعدهة لو يمددوهة لثلاث اشهر اخرى او لا .
ايظا طلبو من الكيس وركر بطاقات مال باص لان اول ايامراح تستعملون الباص حتى ايصير عليكم مجانا وايظا اكو كل شهر صك لكل نفر بالغ 200 دولار و50 للطفل لمدة ثلا اشهر وهذا طبعا من الماجكراند
2- وسائل النقل ..... من راح تاخذون كارت خاص للباص من المنظمة مجانا يخلص حسب الاستعمال بهاي الفترة شوفولكم سيارة ارخص مايكون حتى تتعودون علوضع وراهة بكيفكم ومن اكللكم ارخص مايكون يعني قياسا بالعراق مو بامريكا يعني اني من اجيت اشتريت سيارة لوك سوناتا 2009 ذهبي ماشيه 103 ميل يعني لوز يالوز هههههههههه بيش ب 19 ورقة ونص . يابلاش
اجرائات استخراج الدرايفر لايسنز لا زم تاخذ موعد بعدين تمتحن اسئلة باللغة الانكليزية 20 سؤال من مجموع 300 سؤال وراهة لو تنجح لو لا واذا تنجح راح تاخذ موعد ورة شهر او اكثر او اقل حسب دائرة ال dps  القريبه عليكم والسالفة تعبانة .بس اكو غير طريقة تاخذبيهة اجازة دائمية باقل من سبوع وهي الدرايفر سكول بمبلغ 200 دولار وهمة يكملون كلي ويمهم تمتحن نظري وكلشي يمهم يعني تكتون بالكوكل ( Driver school near me ) راح يطلع عدكم وتعيشون وتسلمون طبعا اني احجي على تكساس مادري بالباقيات اكو اولا
هسة شنو بعد ..... ها صدك
3- شغلة مهمة كلش كلش كلش من تطبون اول طبة الكم في بيتكم بخير وسلامة بساع وقبل كلشي صلوا على محمد وال محمد وطلعوا موبايلكم وصوروا البيت اذا اكو اي خلل وفتشوا على الحشرات جوة الكاربت واذا اكو عطل هم صوروا وروحوا على الافس ما مجمع مالكم بالغوا حتى يجون يصلحون احسن من مايذبوهة بروسكم ويلولكم انتو السبب اذا اكو خلل بالبيت او الشقة .
4- الاتصال اخوان من توصلون بخير وسلامة وتسقرون راح تلكون علميز وجبة طعام جاهزة تنتظركم من تكعدون وتبلشون الف عافية راسن النسوان راح يكومن يبجن يذكرن اهلهن وامهن وابوهن وانتوا يعني الزلم بساع اخربوا ضحك عليهن وكلولن طلعوا الوايفاي وتلكون اسم شركات مال انترنت اسنهن ( Xfinity ---Comcast ) هذني الرقمالسري اكثر شي 1234512345 ههه يعني رمز اقدم من ابو الجيس وكنكوا الف عافية من راح تكنكون اعتيادي ماراح تاكلون لان كنكتوا ونسيتوا الغدة هههه اعيادي المره راح تخابر اهلهة والرجال ايروح اينام لان دايخ من الطريق فاحب انطيكم لنك مال موبالات مجانا لمدة 5او 6سنوات انترنت وخط مجانا بدون ان تدفع اي فلس . اكول سنت .
https://www.safelinkwireless.com/Enrollment/Safelink/en/NewPublic/index.html

اخوان هذا لنك مال موبايل من تجون تسجلون وتدخلون معلومتكم  كلهة راح يجيكم بالميل بوكس مالتكم بعد سبوع وتستعملوا الف عافية ونوبات تشوفوهم بالشارع ناصبين خيمة عليه كتابة ( Obama free phone ) يعني همة يعني لوز يالوز ههههبسرعة روحولهم وكلوهم
احنة ( Permanent resident ) يعني مقيم دائمي يعني هاذا البرنامج خاص الكم كمساعدة تكدرون تستعملوا وبي انترنت بالشارع وتخابرون على اهلكم صورة وصوت

بعد شنو ذكروني لان نسيت هواي شغلااااااااااااات
يلة من اتذكر عود اسوة غير موضوع الكم اخواني انتوا واني بخدمتكم والي جاي على هيوستن تكساس خلي يدزلي رساله انطي اسم الصفحة مالتي علفيس اخذة واكملة هواي امور لوجه الله تعالى وفاءا الكم اعظاء منتدى عين كاوة الرائع
تحياتي الكم
                              اخوكم
                           ابو محمدعلــــــــي


حب لاخيك  ما تحب لنفسك



غير متصل المحقق العدلي

  • عضو فعال جدا
  • ***
  • مشاركة: 313
    • مشاهدة الملف الشخصي
    • البريد الالكتروني
بوركت يا طيب


غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
ربي يبارك بيك اخي الغالي المحقق العدلي

حب لاخيك  ما تحب لنفسك

غير متصل predator

  • عضو فعال جدا
  • ***
  • مشاركة: 759
  • الجنس: ذكر
    • مشاهدة الملف الشخصي
تحية الك اخ ابو محمد الغالي.
شكرا للمعلومات الحلوة,ياريت لو نبقى نسمع اخبارك ومعلوماتك,
شنو رأيك بهيوستن وبتكساس من كل النواحي وشنو السلبيات؟


غير متصل فايرفوكس22

  • عضو
  • *
  • مشاركة: 28
  • منتديات عنكاوا
    • مشاهدة الملف الشخصي
تحية طيبة اخي ابو محمد الوردة ... والله فرحانلك من كل قلبي واتمنالك التوفيق ، حبيبي عندي كم سؤال مهم بخصوص المدارس للاولاد : (1) كيف يتم تسجيل الاولاد عند الوصول؟ نظامهم التعليمي ؟ البيئة المدرسية هل تتناسب معنا كلاجئين ؟ ويعني انت الان اصبحت افهم لاحتياجاتنا بهذا الخصوص بما انه انت وصلت لهناك بالسلامة قبلنة ..وياريت نبقى نتواصل على المنتدى لان بصراحة جاي تشوف الوضع اكثر الاعضاء محبطين من وضع المقابلات وما جاي يدخلون الا بفترات متباعدة واني واحد منهم واحس بيهم ...والف شكر


غير متصل tigerheart

  • عضو
  • *
  • مشاركة: 6
  • منتديات عنكاوا
    • مشاهدة الملف الشخصي
الله يبارك بيك ابومحمد ويوفقك ويسهل كل امورك


غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
الاخ العزيز براداتور شكرا لك واكيد راح ابقى على تواصل
اني اعتقد هيوستن المكان الافظل للاجئ بسبب فرص العمل طبعا المنطقه او المدينه جدا جميله السكان اكثرهم مكسيكان وسود لاكن الي يروح بدربه محد يحجي ويا واني اشوفهم ناس لطفاء وجربتهم في بعض المواقف وبيهه عرب هوايه ونادرا ما تلكه امريكي ابيض فقط بالداون تاون سلبياتهه فقط الطسات بالشوارع  هههههه تكول بالعلاوي هههه لاكن ممتازه
اخوك ابو محمد علي

حب لاخيك  ما تحب لنفسك

غير متصل fadhil1974

  • عضو فعال جدا
  • ***
  • مشاركة: 242
  • الجنس: ذكر
  • الحياة فرصة سعيد الحظ من نال منها فرصتين
    • مشاهدة الملف الشخصي
شكرا جزيلا ولا تنسانا بالدعاء ببركة الصلاة على محمد واله

فاضل السعيدي

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
ربي يحفظك اخي العزيز فايرفوكس22 واتمنالكم كلكم تجون وتشوفون الوضع ومع الاسف اكثر الي يجون لو يسكتون لو يكولون اتندمنه يمكن يخافون من الحسد .
طبعا اني ساكن بتكساس هيوستن وهاي المنطقة عليهة هواي دعايات مو زينة مثل ماجنت اسمع قبل ما اجي وحيل تعبت وحسيت اني تورطت بهاي المدينة او الولاية بس خليتهة على الله واجيت ومن وصلت اني واهلي شفت الوضع ممتاز وكل الناس تضحك بوجهك وامان وشغل متوفر وكل الي جنت اسمع بي كذب وكلشي تمام طبعا اكو سلبيات بس بالنسبة النة والوضع الي جنة عايشين بي بالعراق اني اعتبرهة زلاطة ههههههه
يعني اني ماشفت سلبات لحد الان والحمد لله بس اكيد اكو الزين والموزين.
اما المدارس راح اجي على نفسي اني عندي ثلاث اطفال وحسب الموقع الجغرافي اقرب مدرسة الي سجلتهم بيعة الزي للطالب الواحد الجديد النوعية ممتازة تكدر تشتري من الولمارت يكلف تقريبا 15 دولار للطفل الواحد او يكلولك الادارة مال المدرسة احنة نجيبة الزي وعلية مكتوب اسم الطالب والمدرسة كلة يكلف 20 دولار
المدارس ممتازة بيهة بالادارة تلكة يتكلمون عربي واكثر اللغات اني بالنسبة الي جابو مساعدات وملابس للاطفال لو اضل منا اليوم القيامة ميغلصن هههههههه
الخلاصة
ـــــــــــــ
تعال ومتتندم انشالله بس الاتزام بالقانون مهم يعني الدولة هية تحميك وتصير مثل العشيرة بالعراق اذا صار شي
    اخوك ابو محمدعلي

حب لاخيك  ما تحب لنفسك

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
fadhil1974 ربي يسهل امرك بحق محمد وال محمد واصبر وعلساعة تذكر كل هاي الامور وانته هنا
اخوك ابو محمد علي

حب لاخيك  ما تحب لنفسك

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
tigerheart اني بخدمتك اخوية رحم الله والديك

حب لاخيك  ما تحب لنفسك

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
اخوان اعذروني اذا اتاخر عليكم بالرد لان مشغول بالشغل بس انشالله ارد على اي استفسار واني حاضر

                       اخـــــــــوكم
                 ابـــــــــــو محمدعلــــــــــــــــــي

حب لاخيك  ما تحب لنفسك

غير متصل Sound of Soul

  • اداري
  • عضو مميز متقدم
  • ***
  • مشاركة: 12042
  • الجنس: أنثى
  • اردت العيش كما تريد نفسي فعاشت نفسي كما يريد زماني
    • مشاهدة الملف الشخصي
    • http://www.ankawa.com/forum/index.php?PHPSESSID=2622rbulvdb1dvlb15e1vd3cu7&/board,53.0.html


عاشت ايدك اخونا ابو محمد علي
موفق بحياتك ببلدك الجديد ان شاء الله
تحياتي .



http://www.ankawa.org/vshare/view/10418/god-bless/


ما دام هناك في السماء من يحميني ليس هنا في الارض من يكسرني
ربي لا ادري ما تحمله لي الايام لكن ثقتي بانك معي تكفيني
http://www.ankawa.com/forum/index.php/topic,603190.0.html
ايميل ادارة منتدى الهجرةsound@ankawa.com

غير متصل ابو محمد علي

  • عضو فعال جدا
  • ***
  • مشاركة: 598
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
انتي العايشه اخت ساوند وانا دائما في خدمتكم...
       اخوكم
    ابو محمد علي

حب لاخيك  ما تحب لنفسك

غير متصل samataha

  • عضو فعال
  • **
  • مشاركة: 73
  • منتديات عنكاوا
    • مشاهدة الملف الشخصي
    • البريد الالكتروني
عاشت ايدك والموفقية بحياتكم


غير متصل dole79

  • عضو فعال جدا
  • ***
  • مشاركة: 164
  • الجنس: ذكر
  • يمتة الفرج ياربي
    • مشاهدة الملف الشخصي
شكرا على المعلومات الحلوة يارب يوعدني واجي باقرب وقت  :'(