مساء الخير ... اني عراقي حلاياً اني مغترب بدولة كندا بس عندي رسالة اتمنى ان توصل الى رابي سركيس اغاجان و الى رابي يونادم كنا و الى الست الفاضلة الوزيرة وجدان ميخائيل والى الست باسكال والى كل عراقي ومسيحي بالذات يهمه ما يحدث للعراقين واتصور هو الموضوع من اختصاص الست وجدان
عندما كنت بدولة سوريا في دمشق حدثت حادثة لبولمان كان كل الركاب عراقيين ومن اهالي بغداد كانوا يحاولون تجديد جوازاتهم العراقية التي اصبحت مهزلة العراقي يتعنى 1000 كيلو لمجرد ختم صغير وبسبب هذا الختم وقعت هذه الكارثة التي ادت الى اصابة جميع جميع اقربائي من الكبير الى الصغير و منهم طفل عمره 13 سنة التي ادت هذه الحادثة الى بتر يديه اليمنى التي كان يكتب ويأكل ويلعب بيا وتشوه وجه الطفل و الاصابة الثانية لطفل عمره سنة والاثنين مو مجرد عزاز على قلبي لا بس اعرف شكد اتعذبوا بالعراق من خطف المصاب الاول في العراق وشاف الجحيم بعينى وهسه هو مدمر بدون ايد ووجه مشوه وصدقوني لو تشوفون شلون طفل وشلون جمال جان بكيتو دم والمصاب الثاني من خطف والده في بغداد من قبل مركز شرطة حي الوحدة وابتزازه بالمال وهي الجرميتين مصورتين وموثقة حتى بالصور والسيديات وباقي الاصابات تهون على هل المصيبتين ارجو ارجو اتمنى من الست وجدان سالم ميخائيل ان بس تقرا هاي الرسالة مع الاستاذ يونادم كنا و الاستاذ سركيس اغاجان وكل الاساتذة الي ذكرت اسمائهم انا انسان معروف عدهم لان اشتغلت معاهم كا هدا الاستاذ سركيس اغاجان بس عندي كلمات اخيرة يا ناس يا مسوؤلين بس جاوبوني علمود ارسللكم الصور وتشوف حال هذا الطفل الي ما اعرف شراح انسويلى
