المحرر موضوع: ܛܘ̇ܗܡܵܝܘܼܬܼܐ ܝܼܠܵܗ̇ ܥܲܣܩܘܼܬܼܐ ܕܝܵܬܼܵـܐ ܐ̄ܢܵܫܵܝܬܵܗ̇  (زيارة 3266 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني
العشائرية مشكلة الذات البشرية
ܛܘ̇ܗܡܵܝܘܼܬܼܐ ܝܼܠܵܗ̇ ܥܲܣܩܘܼܬܼܐ ܕܝܵܬܼܵـܐ ܐ̄ܢܵܫܵܝܬܵܗ̇
ܡܠܘ̇ܐܵܐ ܒܝܲܕ ؛ ܐܲܟܵܕ ܙܵܕܸܩ ܓ̮ܲܓ̮ܘ̇
ܬܲܪܓܵܡܬـܐ ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ


ܡܹܐܡܪܐ ܡܲܥܸܒܕܼܵܢܐ ܡܢ ܡܹܐ̄ܡܪ̈ܐ ܕܫܘ̇ܥܝܼܬܼܐ ܗܸܢܕܘܵܝܐ ܡܫܘܼܢܝܐ (ܐܲܠܡܵܗܵܬܡܐ ܓܼܵܐܢܕܝܼ) ܟܲܕ ܚܝܹܐܠܹܐ ܟܠܵܗ̇ ܚܲܝܘܼܬܹܗ ܒܲܦܫܝܼܛܘܼܬܼܐ ܘܡܣܟܹܢܘܼܬܼܐ ܘܫܸܠܝܘܼܬܼܐ، ܥܪܝܼܩܐ ܡܢ ܪ̈ܓܼܝܼܓܼܵܬܼܐ ܘܓܘܼܒܼܪܘܼܬܼܐ ܕܚܲܝ̈ܐ ܘܪܵܡܘܼܬܼܐ ܘܲܚܪܵܒܼܐ ܕܫܘܼܠܛܵܢܐ، ܓܼܵܐܢܕܝܼ ܕܦܝܼܫܠܹܗ ܛܘܼܦ̮ܣܐ ܬܹܒܹܝܠܵܝܐ ܕܲܫܠܵܡܐ ܘܲܕܒܼܵܚܬܐ ܘܫܲܦܝܼܪ ܕܘܼܒܵܪ̈ܐ ܐ̄ܢܵܫܵܝ̈ܐ ܒܚܲܕ̄ ܙܲܒܼܢܐ ܕܦܝܼܫܠܗ̄ܘ̇ܢ ܐܵܢ̈ܝܼ ܪܹ̈ܫܘܵܬܼܐ ܝܵܬܼܵܝ̈ܐ ܘܫܲܦܝܼܪ ܕܘܼܒܵܪ̈ܐ ܡܚܘܼܨܪܹ̈ܐ ܘܲܦܫܝܼܪܹ̈ܐ ܘܲܛܠܝܼܩ̈ܐ ܒܢܝܼܚܘܼܬܼܐ، ܟܠܲܝܗܝ̈ ܩܲܪ̈ܝܵܢܹܐ ܕܲܩܪܹܐ ܠܗ̄ܘ̇ܢ ܠܡܹܐܙܲܠܬܐ ܕܚܲܝܘܼܬܼܐ ܕܐܵܗܐ ܐܵܓܼܘ̇ܢܸܣܛܐ ܡܫܘܼܢܝܐ ܓܙܝܼܪܐ ܒܩܘܼܝܵܡܐ ܕܲܫܠܵܡܐ ܘܲܚܒܼܘ̇ܪ ܕܸܩܢܐ ܒܐܝܼܩܵܪܐ ܘܫܸܠܝܘܼܬܼܐ ܫܲܦܝܼܪ̈ܐ، ܓܵܪܲܓ ܟܵܠܹܐ ܒܝܼܵܝܗܝ̈ ܙܲܒܼܢܐ ܐܵܦܸܢ ܩܐ ܚܲܕ̄ ܪܦܵܦܐ ܩܐ ܕܬܲܚܡܸܢܝܼ ܐܵܘ ܒܥܵܒܸܕܝܼ ܡܘܼܪܵܝܐ ܒܓܵܐܢܲܝܗܝ̈ ܒܝܹܗ ܐܵܦܸܢ ܡܢ ܚܲܕ̄ ܓܹܢ̄ܒܐ، ܒܸܕ ܚܵܙܝܼ ܠܓܵܐܢܲܝܗܝ̈ ܒܗܵܘ ܡܘܼܪܵܝܐ ܒܣܘܼܪܗܵܒܼܐ ܕܢܸܤܝܵܢܲܝܗܝ̈ ܓܵܘ ܚܲܝܘܼܬܼܐ ܕܝܼܠܹܗ ܒܲܨܘܼܪܵܐ ܐܵܘ ܩܲܠܝܼܠܐ، ܘܲܪܘܝܼܚܘܼܬܼܐ ܕܝܼܕܵܥܬܹܗ ܘܡܲܕܵܥܝܵܬܹ̈ـܐ ܝܼܠܲܝܗܝ̈ ܩܲܠܝܼܠ̈ܐ ܘܲܟܡܐ ܕܗܵܘܹܐܠܹܗ ܒܲܪܢܵܫܐ ܪ̈ܢܝܹܐ ܡܼܢ ܡܸܢܝܵܢܐ ܡܼܢ ܥܸܠܡ̈ܐ ܘܡܲܪ̈ܕܘܵܬܼܐ ܘܲܡܕܝܼܢܘܵܬܼܐ، ܐܵܘ ܟܡܵܐ ܕܡܵܛܹܐ ܒܲܪܢܵܫܐ ܠܪܵܡܘܼܬܼܐ ܘܲܡܛܲܘܪܵܢܘܼܬܼܐ ܘܲܪܘܵܝܬܵܗ̇ ܗܲܪ ܠܹܐ ܗܵܘܸܐ ܡܸܬܼܡܲܨܝܵܢܐ ܠܝܼܕܵܥܬܼܐ ܕܟܠܲܝܗܝ̈ ܥܸܠܡ̈ܐ ܘܡܲܕܵܥܝܵܬܼܐ ܘܡܲܪ̈ܕܘܵܬܼܐ ܕܲܦܪܝܼܣܹܐ ܝܼܠܲܝܗܝ̈ ܚܕܵܪ ܬܹܒܹܝܠ ܪܘܝܼܚܬܵܗ̇ ܕܝܼܠܵܗ̇ ܒܡܸܢܝܵܢܐ ܡܢ ܪ̈ܲܢܓ̈ܐ ܘܨܘ̇ܪ̈ܬܼܵܐ ܘܬܸܓܼܡ̈ܐ ܕܒܲܪܢܵܫܘܼܬܼܐ، ܘܣܘܼܟܵܠܐ ܕܲܛܘ̇ܗܡܵܝܘܼܬܐ ܪܘܝܼܚܐ ܒܦܲܥܘܸܐ ܦܪ̈ܝܼܫܹܐ ܒܸܫܩܵܠܐ ܝ̄ܠܹܗ ܓܹܢ̄ܒܵܢ̈ܐ ܡܙܝܼܓ̈ܐ ܘܲܩܛܝܼܥ̈ܐ ܘܲܥܒܼܝܼܪ̈ܐ ܓܵܘ ܚܲܝܘܼܬܵܢ ܝܲܘܡܵܝܬܼܵܗ̇، ܒܣܘܼܟܵܠܐ ܐ̄ܚܹܪ̄ܢܐ ܦܪܝܼܫܘܼܬܼܐ ܕܝܼܠܵܗ̇ ܒܲܪܩܘܼܒܼܠ ܕܲܛܘ̇ܗܡܵܝܘܼܬܼܐ ܟܹܐ ܚܲܝܐܚܠܵܗ̇ ܟܠܝܘ̇ܡ ܒܨܘܼܪܬܐ ܥܝܵܕܵܝܬܵܗ̇ ܘܟܹܐ ܗܵܘܝܐ ܒܚܲܕ̄ܟܡܐ ܥܕܵܢܵܬܼـܐ ܡܐܲܝܟܼ ܡܸܨܥܐ ܠܡܲܝܕܵܥܬܐ ܘܡܲܚܙܵܝܬܐ ܕܣܘܼܟܵܠܐ ܬܘܼܚܸܒܐ ܟܠܵܢܵܐܝܼܬܼ، ܘܣܘܼܟܵܠܐ ܕܲܛܘ̇ܗܡܵܝܘܼܬܼܐ ܒܹܐ̄ܬܼܝܐ ܝ̄ܠܹܗ ܒܫܘܼܪܵܝܐ ܡܢ ܓܵܘ ܟܸܠܦܵܬ ܩܐ ܛܘܼܦ̮ܣܐ ܕܩܵܝܡܝܼ ܐܵܒܼܵܗܵܬܼܐ ܒܦܘܼܪܫܵܢܐ(ܒܸܬܲܡܝܝܼܙ) ܒܲܝܢܵܬܼ ܝܲܠܕܵܝܗܝ̈ ܡܼܢ ܒܢܘܼܢܲܝܗܝ̈ ܘܲܒܼܢܵܬܲܝܗܝ̈، ܐܵܘ ܟܹܐ ܚܵܙܹܝܚ ܠܐܵܗܐ ܦܘܼܪܫܵܢܐ ܓܵܘ ܥܵܠܘ̇ܠܐ(ܓ̮ܵܕܐ) ܐܵܘ ܓܵܘ ܩܢܛܪ̈ܘܼܢܹܐ ܘܲܡܕܲܒܪ̈ܢܘܼܝܵܬܹܐ ܕܦܘܼܠܚܵܢܲܢ ܝܵܘܡܵܐܝܼܬܼ، ܡܛܠ ܒܚܵܙܹܝܬ ܥܒܼܵܕ̈ܐ ܕܚܲܕ̄ܟܡܐ ܡܫܲܚܠܦ̈ܐ ܥܲܡܘܼܟܼ ܡܐܲܝܟܼ ܕܝܼܠܵܗ̇ ܥܲܡ ܐ̄ܢܵܫ̈ܐ ܐ̄ܚܹܪ̈̄ܢܹܐ ܕܝܼܠܹܗ ܒܓܲܪܹܗ ܒܲܪܢܵܫܐ ܐܲـܟܼ ܕܝܼܠܘܼܟܼ ܕܝܼܬܠܹܗ ܡܸܢܕܝܼ ܕܝܼܬܠܘܼܟܼ ܡܢ ܘܵܠܝܼܵܬܼܐ ܘܙܸܕܩ̈ܐ، ܘܒܚܲܕ̄ܟܡܐ ܥܕܵܢܵܬܼـܐ ܒܗܵܘܹܐ ܦܘܼܪܫܵܢܐ ܒܥܸܠܬܼܵܐ ܕܬܲܘܕܝܼܬܼܐ ܐܵܘ ܛܘ̇ܗܡܵܝܘܼܬܼܐ ܐܵܘ ܒܫܸܪܫܵܝܘܼܬܼܐ ܕܫܘܼܡܵܗܐ ܕܒܲܝܬܼܵܝܘܼܬܼܐ ܘܟܸܠܦܵܬ، ܐܵܘ ܒܥܸܠܬܼܐ ܕܦܘܼܪܫܵܢܐ ܬܸܓܼܡܵܝܐ(ܛܲܒܲܩܝܼ) ܡܐܲܝܟܼ ܬܸܓܼܡܐ ܕܲܣܢܝܼܩ̈ܐ ܘܥܲܬܝܼܪ̈ܐ ܐܵܘ ܒܥܸܠܬܼܐ ܕܫܲܘܝܘܼܬܼܐ ܒܡܲܪܕܘܼܬܼܐ ܘܝܘܼܠܦܵܢܐ ܘܩܲܪܛܵܝܣܐ ܕܒܹܝܬܼ ܕܪܵܫܐ، ܘܝܼܬܼ ܡܢ ܥܸܠܠܵܬܼܐ ܐ̄ܚܹܪ̈ܢܹܐ ܕܲܛܘ̇ܗܡܵܝܘܼܬܼܐ ܡܐܲܝܟܼ ܓܲܘܢܐ ܕܒܲܪܢܵܫܐ ܡܐܲܝܟܼ ܕܝܼܗ̄ܘܵܘ ܐܲܝܟܸܢܘܵܬܼܐ ܒܬܲܝܸܡܢܐ ܕܐܲܦ̮ܪܝܼܩܝܼܵܐ ܒܥܸܕܵܢܐ ܕܛܲܟܼܣܐ ܕܦܘܼܪܫܵܢܐ ܛܘ̇ܗܡܵܝܐ ܗܵܘ ܕܫܘܼܠܛܸܢܠܹܗ ܘܡܦܘܼܠܓܼܠܹܗ ܒܓܲܪܹܗ ܩܐ ܫܵܟܝܼܢ̈ܐ ܥܲܠ ܟܘܼܡ̈ܐ ܘܲܚܒܼܵܪ̈ܐ ܒܲܝܢܵܬܼ ܐܲܦ̮ܪ̈ܝܼܩܵܝܹܐ ܘܬܸܓܼܡܐ ܕܲܚܒܼܵܪ̈ܐ ܝܘ̇ܪ̈ܦܢܵܝܹܐ ܡܫܲܚܠܦ̈ܐ ܟܠܵܢܵܐܝܼܬܼ،، ܘܒܓܹܢ̄ܒܵܢ̈ܐ ܐ̄ܚܹܪ̈ܢܹܐ ܐܝܼܬܼ ܥܸܠܠܵܬܼܐ ܕܦܘܼܪܫܵܢܐ ܛܘ̇ܗܡܵܝܐ ܓܲܒܵܝ̈ܐ ܘܓܲܒܵܝܘܼܬܼܐ ܦܘ̇ܠܝܼܛܝܼܩܵܝܬܼܵܗ̇ ܐܵܘ ܐܝܼܕܠܘ̇ܓܵܝܬܼܵܗ̇، ܐܝܼܢܐ ܡܐܲܝܟܼ ܕܡܘܼܕܟܸܪܝܼ ܕܦܘܼܪܫܵܢܐ ܘܛܘ̇ܗܡܵܝܘܼܬܼܐ ܝܼܠܲܝܗܝ̈ ܬܪܹܝܢ ܦܲܬܼܘܵܬܼܐ ܠܚܲܕ̄ ܟܸܣܦܐ ܘܬܪ̈ܘܲܝܗܝ ܦܵܝܫܝܼ ܪܘܝܼܚܹܐ ܒܸܫ ܣܲܓܝܼ ܒܫܘܼܡܠܵܝܘܼܬܼܐ ܠܟܠ ܡܢܕܝܼ ܕܡܲܒܨܸܪ ܘܩܲܠܸܠ ܘܡܲܣܠܹܐ ܠܓܵܐܢܐ ܕܒܲܪܢܵܫܘܼܬܼܐ ܡܢ ܙܸܕܩ̈ܐ ܡܕܝܼܢܵܝ̈ܐ ܘܗܘ̇ܠܵܢܵܝ̈ܐ، ܘܟܠ ܡܢܕܝܼ ܕܦܵܪܹܫ ܒܝܼ ܥܒܼܵܕܐ ܘܙܸܕܩ̈ܐ ܘܘܵܠܝܼܵܬ̈ܐ ܘܲܩܢܵܝܵܬܼܐ ܩܵܢܘ̇ܢܵܝ̈ܐ ܘܕܸܣܬܘ̇ܪ̈ܝܹܐ ܕܦܝܼܫܠܗ̄ܘ̇ܢ ܡܘܼܢܗܸܪܹ̈ܐ ܒܡܲܘܕܥܵܢܘܼܬܼܐ ܬܹܒܹܝܠܲܝܬܵܗ̇ ܠܙܸܕܩ̈ܐ ܕܒܲܪܢܵܫܐ، ܘܲܒܗܸܦܟܐ ܠܡܸܢܕܝܼ ܕܲܦܠܝܼܛܠܹܗ ܒܗܵܝـ ܡܲܘܕܥܵܢܘܼܬܼܐ ܦܝܵܫܐ ܝ̄ܠܹܗ ܚܫܝܼܒܼܐ ܚܲܕ̄ ܬܸܓܼܡܐ ܡܢ ܬܸܓܼܡ̈ܐ ܕܦܘܼܪܫܵܢܐ ܐܵܘ ܛܘ̇ܗܡܵܝܘܼܬܼܐ، ܡܩܵܘܡܐ ܒܗܵܘܹܐ ܠܓܹܢ̄ܒܐ ܕܚܲܕ̄ ܦܲܪܨܘܼܦܐ ܝܼܕܝܼܥܐ ܐܵܘ ܟܸܠܦܵܬ ܒܲܓܡܝܼܪܘܼܬܼܐ ܐܵܘ ܠܚܲܕ̄ ܟܸܢܫܐ ܥܲܡܡܵܝܐ ܐܵܘ ܫܲܪܸܒܬܼـܐ(ܩܲܒܝܼܠܐ) ܐܵܘ ܕܲܪܩܘܼܒܼܠ ܕܚܲܕ̄ ܐܘ̇ܓ̮ܵܚ ܐܵܘ ܠܫܵܢܐ ܐܵܘ ܡܲܪܕܘܼܬܼܐ ܐܵܘ ܡܕܝܼܢܵܝܘܼܬܼܐ ܕܚܲܕ̄ ܐܘܼܡܬܐ ܝܼܕܝܼܥܬܵܗ̇ ܐܵܘ ܕܲܪܩܘܼܒܼܠ ܕܚܲܕ̄ ܟܘܼܝܵܢܐ ܦܘ̇ܠܝܼܛܝܼܩܵܝܐ ܐܵܘ ܐܵܝܕܠܘ̇ܓܵܝܐ ܓܲܒܵܝܐ ܘܟܠ ܡܢܕܝܼ ܕܝܼܣܝܼܪܵܐ ܝ̄ܠܹܗ ܒܙܸܕܩ̈ܐ ܕܦܲܪܨܘܼܦܐ ܒܚܲܝܘܼܬܼܐ ܚܹܐܪܬܵܗ̇ ܘܝܲܕܝܼܕܬܵܗ̇ ܘܫܲܘܝܘܼܬܼܐ ܩܕܵܡ ܩܵܢܘ̇ܢ ܘܓܵܘ ܟܢܘܼܫܝܐ، ܟܢܘܼܫܝ̈ܐ ܕܒܸܚܵܝܐ ܝ̄ܠܹܗ ܒܝܼܵܝܗܝ̈ ܥܲܡܡܵܢ ܟܲܠܕܵܝܐ ܣܘܪܝܵܝܐ ܐܬܘܼܪܵܝܐ ܝܼܠܲܝܗܝ̈ ܛܘܼܦ̮ܣܐ ܚܲܝܐ ܘܫܲܪܝܼܪܐ ܘܡܲܠܵܠܐ ܒܲܪܩܘܼܒܼܠ ܕܛܲܟܼܣܐ ܛܘ̇ܗܡܵܝܐ ܛܵܠܘ̇ܡܐ، ܘܲܫܒܼܝܼܠ̈ܐ ܕܲܥܒܼܝܼܪܘܼܢ ܒܝܼܵܝܗܝ̈ ܥܲܡܡܵܢ ܘܐܘܼܡܬܲܢ ܡܢ ܥܲܣܩܵܘܵܬܼܐ ܝܵܘܡܐ ܒܵܬܪ ܝܲܘܡܐ ܝܼܗ̄ܘܵܘ ܦܠܵܛ̈ܐ ܥܝܵܕܵܝ̈ܐ ܠܐܵܢܝܼ ܛܲܟܼܣ̈ܐ ܫܘ̇ܦ̮ܝܼܢܵܝ̈ܐ ܛܘ̇ܗܡܵܝ̈ܐ ܣܲܟܼܠ̈ܐ ܕܫܘܼܠܛܸܢܘܼܢ ܠܐܲܬܼܪܵܢ ܚܲܒܝܼܒܼܐ ܥܝܼܪܵܐܩ (ܒܹܝܬܼ ܢܲܗܪ̈ܝܢ) ܡܝܵܘܡܵܬܼܐ ܩܲܕ̄ܡܵܝ̈ܐ ܠܫܲܬܼܐܵܣܬܐ ܕܕܵܘܠܬܐ ܥܝܼܪܵܩܲܝܬܵܗ̇ ܒܙܲܒܼܢܐ ܕܫܘܼܠܛܵܢܐ ܡܲܠܟܵܝܐ ܣܲܪܝܐ ܒܫܘܼܡܵܗܐ، ܘܗܲܠ ܩܘܼܝܵܡ̈ܐ ܕܸܡܵܢ̈ܐ ܕܩܝܼܡܠܗ̄ܘ̇ܢ ܒܝܼܵܝܗܝ ܫܘ̇ܦ̮ܝܼܢܵܝ̈ܐ ܕܲܪܩܘܼܒܼܠ ܒܢܘܼܢ̈ܐ ܕܥܝܼܪܵܐܩ ܕܠܐ ܦܘܼܪܫܘܼܢܝܐ، ܟܲܕ ܩܝܼܡܠܗ̄ܘ̇ܢ ܒܟܠܲܝܗܝ̈ ܠܵܚܘ̇ܫܘܵܬܼܐ ܒܙܸܕܩ̈ܐ ܕܥܲܡܡܵܐ ܥܝܼܪܵܐܩܵܝܐ ܟܠܵܢܵܐܝܼܬܼ ܘܒܢܲܝ̈ ܥܲܡܡܵܢ ܐܵܦ ܐܵܢ̈ܝܼ ܐܝܼܬܼ ܗ̄ܘܵܐ ܠܗ̄ܘ̇ܢ ܣܲܗܡܐ ܓܘܼܒܼܪܐ ܡܢ ܦܸܪ̈ܡܐ ܘܲܪ̈ܕܘܼܦܝܹܐ ܘܩܛܠ̈ܐ ܘܡܸܬܼܓܵܘܣܵܢܘܼܬܼܐ ܘܫܘܼܚܠܵܦܐ ܕܝܼܡܘܼܓܼܪܵܦ̮ܵܝܐ، ܘܗܲܠ ܐܸܕܝܘ̇ܡ ܝܵܘܡܐ ܠܐ ܟܠܹܐܠܗ̄ܘ̇ܢ ܓܸܫܪ̈ܐ ܕܲܛܘ̇ܗܡܵܝܘܼܬܼܐ ܣܲܟܼܠ̈ܐ ܒܕܲܪܩܘܼܒܼܠܵܝܘܼܬܼܐ ܕܲܒܢܘܼܢ̈ܐ ܕܐܵܗܐ ܐܲܬܼܪܐ ܡܢ ܫܘܼܠܛܵܢ̈ܐ ܕܸܟܬܵܬܘ̇ܪ̈ܝܹܐ ܛܵܠܘ̇ܡ̈ܐ ܐܵܢܝܼ ܕܙܘܼܒܸܢܠܗ̄ܘ̇ܢ ܠܝܵܬܲܝܗܝ̈ ܘܒܲܪܢܵܫܘܼܬܵܝܗܝ̈ ܘܗܲܘܢܵܝܗܝ̈ ܘܠܒܵܝܗܝ̈ ܩܸܫܝ̈ܐ ܘܲܢܟܼܝܼܠ̈ܐ ܕܠܐ ܣܦܝܼܩܠܗ̄ܘ̇ܢ ܚܲܕ̄ ܝܵܘܡܐ ܡܢ ܡܲܪܝܼܪܘܼܬܼܐ ܘܚܲܣܵܡܘܼܬܼܐ ܘܲܣܢܵܝܬܼܐ ܕܝܼܗ̄ܘܵܘ ܝܵܪܬܘܼܬܼܐ ܓܵܘ ܥܘܼܡܩܵܐ ܕܘܲܪ̈ܝܼܕܵܝܗܝ̈ ܝܘܼܒܵܠ̈ܐ ܥܒܲܪ ܝܘܼܒܵܠ̈ܐ، ܡܢ ܥܸܕܵܢܐ ܕܲܥܒܼܝܼܪܘܼܢ ܒܢܲܝ̈ ܥܲܡܡܵܢ ܡܢ ܟܲܠܕܵܝ̈ܐ ܣܘܼܪ̈ܝܵܝܹܐ ܐܬܘܼܪ̈ܝܹܐ ܥܲܠ ܬܲܘܕܝܼܬܼܐ ܕܡܫܝܼܚܵܝܘܼܬܼܐ ܡܢ ܗܵܘ ܪܦܵܦܐ ܩܲܕ̄ܡܵܝܐ ܫܘܼܪܹܐܠܹܗ ܡܲܫܩܠܐ ܕܦܘܼܪܫܵܢܐ ܘܛܘ̇ܗܡܵܝܘܼܬܼܐ ܕܲܪܩܘܼܒܼܠ ܒܢܘܼܢ̈ܐ ܕܐܵܗܐ ܐܘܼܡܬܐ ܒܥܸܠܬܼܐ ܕܗܲܝܡܵܢܘܼܬܼܐ ܒܝܼ ܡܫܝܼܚܵܝܘܼܬܼܐ، ܘܡܐܲܝܟܼ ܕܝܼܘܵܚ̈ ܒܸܚܙܵܝܐ ܒܬܲܫܥܝܼܬܼܐ ܕܥܹܕܬܐ ܕܡܲܕܢܚܐ ܟܡܵܝܘܼܬܼܐ ܕܣܵܗܕ̈ܐ ܣܲܓܝܼܐ̈ܐ ܕܦܝܼܫܠܗ̄ܘ̇ܢ ܡܘܼܩܪ̈ܘܼܒܹܐ ܡܛܠ ܗܲܝܡܵܢܘܼܬܵܝܗܝ̈ ܡܫܝܼܚܵܝܬܵܗ̇ ܥܒܲܪ ܟܠܲܝܗܝ̈ ܐܵܢ̈ܝܼ ܡܲܫܩܠ̈ܐ ܙܲܒܼܢܵܢܵܝ̈ܐ (ܪ̈ܗܘ̇ܡܵܝܹܐ ܘܦܲܪ̈ܣܵܝܹܐ ܘܲܡܓܼܘ̇ܠܵܝ̈ܐ ܘܬܲܬܵܪ̈ܵܝܹܐ ܘܥܲܒܵܣܵܝ̈ܐ ܘܥܘܼܬܼܡܵܢܵܝ̈ܐ)، ܘܲܡܛܵܝܬܐ ܗܲܠ ܝܵܘܡܐ ܕܫܘܼܪܹ̈ܐ ܠܗ̄ܘ̇ܢ ܒܝܹܗ ܐܵܓܼܘ̇ܢܣܛ̈ܐ ܕܥܲܡܡܵܢ ܒܝܼ ܪ̈ܥܵܫܝܵܬܲܝܗܝ̈ ܠܓܹܢ̄ܒܐ ܕܪܸܢܝܐ ܐܘܼܡܬܵܢܵܝܐ ܠܲܢܛܵܪܬܹܗ ܘܚܵܡܲܝܬܹܗ ܡܢ ܓܸܫܪ̈ܐ ܐܘܼܡܬܵܝ̈ܐ ܥܲܪ̈ܒܼܵܝܹܐ ܘܩܘܼܪ̈ܕܵܝܹܐ ܠܥܘܼܪܵܒܼܐ(ܠܝܼܕܼܵܡܵܐܢ) ܕܠܐ ܦܵܝܫܵܚ̈ ܩܛܝܼܥ̈ܐ ܡܢ ܘܲܪ̈ܝܼܕܲܝܢ ܢܲܗܪ̈ܝܼܢܵܝܹܐ ܒܵܒܸܠܵܝ̈ܐ ܐܬܘܼܪܵܝܹܐ ܡܢ ܓܸܢ̄ܒܐ ܕܠܸܫܵܢܐ ܘܡܲܪܕܘܼܬܼܐ ܘܪܸܢܝܐ ܘܲܟܢܘܼܫܝܐ، ܟܲܕ ܦܝܼܫܠܗ̄ܘ̇ܢ ܡܘܼܦܠܸܚ̈ܐ ܐܵܢ̈ܝܼ ܪ̈ܕܘܼܦܝܹܐ ܛܘ̇ܗܡܵܝ̈ܐ ܕܲܪܩܘܪܒܼܠ ܕܒܢܲܝ̈ ܥܲܡܡܵܢ ܥܒܲܪ ܕܵܪ̈ܐ ܘܙܲܒܼܢ̈ܐ ܘܐܲܚܢܲܢ ܒܢܲܝ̈ ܐܵܗܐ ܟܘܼܝܵܢܐ ܟܲܠܕܵܝܐ ܣܘܼܪܝܵܝܐ ܐܬܘܼܪܵܝܐ ܟܲܕ ܝܼܘܲܚ̈ ܡܢ ܘܲܪ̈ܝܼܕܹܐ ܫܸܪ̈ܫܵܝܹܐ ܥܝܼܪ̈ܵܩܵܝܹܐ ܘܠܐ ܝ̄ܘܲܚ̈ ܓܝܼܒܼܵܝ̈ܐ ܐܵܘ ܡܸܬܼܓܵܘܣܵܢ̈ܐ ܡܐܲܝܟܼ ܕܒܹܐܡܵܪܐ ܝܠܲܝܗܝ̈ ܚܲܕ̄ܟܡܐ ܢܟܼܝܼܠ̈ܐ ܡܢ ܥܲܪ̈ܒܼܵܝܹܐ ܕܥܝܼܪܵܐܩ ،،، ܘܐܲܚܢܲܢ ܐܸܕܝܘ̇ܡ ܝܵܘܡܐ ܒܸܟܠܵܝܐ ܝ̄ܘܲܚ ܥܲܡ ܡܲܗܵܬܡܐ ܓܼܵܐܢܕܝܼ ܒܚܲܕ̄ ܩܵܠܐ ܪܵܡܐ ܘܒܹܐܡܵܪܐ ܠܐ ܩܐ ܛܘ̇ܗܡܵܝܘܼܬܼܐ ܘܠܐ ܩܐ ܦܘܼܪܫܵܢܐ ܥܲܠ ܫܸܪܫܐ ܕܬܸܓܼܡܐ ܘܬܲܘܕܝܼܬܼܐ ܐܵܘ ܟܠ ܦܘܼܪܫܵܢܐ ܡܢ ܟܠ ܬܘܼܚܡܐ ܕܗܵܘܹܐ، ܘܒܸܕ ܦܵܝܫܝܼ ܒܢܘܼܢ̈ܐ ܕܥܲܡܡܵܢ ܟܲܠܕܵܝܐ ܣܘܼܪܝܵܝܐ ܐܬܘܼܪܵܝܐ ܓܝܵܕ̈ܐ ܥܲܡܝܼܩ̈ܐ ܕܐܲܬܼܪܐ ܕܒܹܝܬܼ ܢܲܗܪ̈ܝܢ ܘܝܼܬܠܲܝܗܝ̈ ܙܸܕܩ̈ܐ ܓܡܝܼܪ̈ܐ ܕܚܲܝܐܝܼ ܠܥܲܦܪܹܗ ܘܬܚܘܼܬ ܫܡܲܝܐ ܕܝܼܠܹܗ ܘܫܲܪܪܝܼ ܠܕܲܥܬܝܼܕܵܝܗܝ̈ ܒܐܸܛܪܐ ܕܥܝܼܪܵܐܩ ܦ̮ܝܼܕܪܵܠܵܝܐ ܡܚܘܼܝܕܐ ܘܝܼܠܲܝܗܝ̈ ܐܲܬܪ̈ܝܹܐ ܡܢ ܕܲܪܓܼܐ ܩܲܕ̄ܡܵܝܐ ܘܘܵܠܹܐ ܕܗܵܘܸܐܠܗ̄ܘ̇ܢ ܚܲܕ̄ ܣܲܗܡܐ ܡܢ ܫܘܼܠܛܵܢܐ ܘܕܝܼܠܵܢܵܐܝܼܬܼ ܒܲܦܢܵܝܵܬܼܐ ܕܝܼܬܘܼܬܼܐ ܕܥܲܡܡܵܢ ܒܣܲܓܝܼܐܘܼܬܼ ܫܵܟܝܼܢ̈ܐ ܘܗܵܘܹܐܠܹܗ ܦܘܼܪܢܵܣܐ ܕܝܼܠܵܢܵܝܐ ܒܐܸܛܪܐ ܕܐܲܬܼܪܐ ܦ̮ܝܼܕܪܵܠܵܝܐ ܡܚܲܝܕܐ، ܐܲܚܢܲܢ ܝܼܘܲܚ̈ ܫܲܘܬܵܦ̈ܐ ܓܵܘ ܕܐܵܗܐ ܐܲܬܼܪܐ ܘܡܸܢܕܝܼ ܕܦܝܼܫܠܹܗ ܡܘܼܩܪܘܼܒܼܐ ܩܐ ܥܝܼܪܵܐܩ ܡܢ ܥܲܡܡ̈ܐ ܐ̄ܚܹܪ̈ܢܹܐ ܐܵܦ ܐܲܚܢܲܢ ܡܘܼܩܪܒܼܠܲܢ ܡܐܲܝܟܼ ܕܝܼܝܵܗܝ̈ ܒܚܘܼܫܒܘܼܢܝܐ ܠܡܸܢܝܵܢܐ ܕܫܵܟܝܼܢ̈ܐ ܕܥܲܡܡܵܢ ܩܲܠܝܼܠܐ ܒܲܪܩܘܼܒܼܠ ܟܘܼܝܵܢ̈ܐ ܥܲܪܒܼܵܝܐ ܘܩܘܼܪܕܵܝܐ، ܘܗܲܪ ܒܗܵܝـ ܥܕܵܢܐ ܐܝܼܬܠܲܢ ܙܸܕܩ̈ܐ ܠܡܲܕܥܵܪܬܐ ܕܟܠܲܝܗܝ̈ ܐܲܪ̈ܥܵܬܼܐ ܕܦܝܼܫܠܗ̄ܘ̇ܢ ܫܩܝܼܠ̈ܐ ܡܢܲܢ ܒܚܲܝܠܐ ܒܡܲܚܦܵܠܬܐ ܘܲܥܒܲܪܬܐ ܥܲܠ ܩܵܢܘ̇ܢ ܓܵܘ ܟܠܲܝܗܝ̈ ܦܸܢܝܵܬܼܐ ܕܥܝܼܪܵܐܩ ܕܠܐ ܦܘܼܪܫܘܼܢܝܐ، ܘܝܼܬܠܲܢ ܙܸܕܩ̈ܐ ܚܲܝܠܬܼܵܢ̈ܐ ܕܩܵܝܡܵܚ̈ ܒܝܼ ܥܝܵܕܹܐ ܕܝܼܠܲܢ ܒܙܘܼܝܵܚܐ ܒܪ̈ܘܼܫܡܹܐ ܬܲܘܕܝܼܬܵܢܵܝ̈ܐ ܩܐ ܛܘܼܦ̮ܣܐ ܡܐܲܝܟܼ ܥܹܐܕܐ ܕܡܲܘܠܵܕܐ ܘܥܹܐܕܐ ܕܲܩܝܵܡܬܐ ܘܡܲܪ̈ܕܘܼܬܵܢܵܝ̈ܐ ܡܲܚܵܝܬܐ ܕܥܲܕܼܥܹܐܕ̈ܐ ܦ̮ܠܸܟܠܘ̇ܪ̈ܝܹܐ ܘܐܘܼܡܬܵܢܵܝ̈ܐ ܡܐܲܝܟܼ ܝܵܘܡܐ ܕܚܲܕ̄ ܒܢܝܼܣܵܢ ܪܹܫܐ ܕܫܹܢ̄ܬܐ ܒܵܒܸܠܵܝܬܵܗ̇ ܐܬܘܼܪܵܝܬܵܗ̇ ܕܠܐ ܕܚܝܼܠܘܼܬܼܐ ܘܠܐ ܢܲܚܦܘܼܬܼܐ ܡܢ ܐܲܦܚܲܕ، ܘܝܼܬܠܲܢ ܣܲܒܼܪܐ ܓܘܼܒܼܪܐ ܕܦܵܝܫܝܼ ܡܘܪ̈ܡܹܐ ܟܠܲܝܗܝ̈ ܡܸܨܥ̈ܐ ܘܲܥܒܼܵܕ̈ܐ ܛܘ̇ܗܡܵܝ̈ܐ ܕܝܼܠܲܝܗܝ̈ ܡܘܼܬܒܹ̈ܐ ܒܚܲܝܠܐ ܥܲܠ ܥܲܡܡܵܢ ܘܙܲܘܥܐ ܕܚܹܐܪ̈ܘܼܬܲܢ ܘܙܸܕܩܵܢ ܓܵܘ ܐܲܬܼܪܵܢ ܒܫܲܘܝܘܼܬܐ ܥܲܡ ܫܵܘܬܵܦ̈ܐ ܕܐܲܬܼܪܐ ܡܢ ܥܲܪ̈ܒܼܵܝܹܐ ܘܩܘܼܪ̈ܕܵܝܹܐ ܘܬܘܼܪ̈ܟܡܵܢܵܝܹܐ ܘܫܲܪܟܐ ܕܠܐ ܚܲܫܒܼܝܼܠܵܢ ܕܝܼܘܲܚ̈ ܙܥܘ̇ܪܵܝܘܼܬܼܐ(ܐܲܩܲܠܝܼܵܐ) ܒܡܸܢܝܵܢܐ ܬܘܼܚܸܒܐ ܒܚܲܝܠܐ ܘܚܘܼܦܵܛ̈ܐ، ܘܘܵܠܹܐ ܕܦܵܐܹܫ ܫܝܼܦܐ ܐܵܗܐ ܪܸܢܝܐ ܛܘ̇ܗܡܵܢܵܝܐ ܕܝܼܠܹܗ ܒܸܦܠܵܚܐ ܕܲܪܩܘܼܒܼܠ ܕܥܲܡܡܵܢ ܡܢ ܫܵܘܬܵܦ̈ܐ ܕܐܲܬܼܪ̈ܢ، ܡܛܠ ܝܼܘܲܚ̈ ܘܓܵܪܲܓ ܦܵܝܫܵܚ̈ ܚܸܙܝ̈ܐ ܒܥܲܝܢܐ ܕܚܲܕ̄ ܟܘܼܝܵܢܐ ܪܹܫܵܝܐ ܘܫܸܪܫܵܝܐ ܓܵܘ ܐܲܬܼܪܵܐ ܕܐܵܒܼܵܗܵܬܲܢ ܘܡܲܬܒܼܵܚ̈ ܐܝܼܕܐ ܓܵܘ ܐܝܼܕܐ ܠܲܒܢܵܝܬܹܗ ܘܲܡܛܵܘܪܵܢܘܼܬܹܗ ܘܡܵܪܲܡܬܹܗ ܥܲܠ ܫܲܘܝܘܼܬܼܐ ܕܬܹܒܹܝܠ ܡܕܝܼܢܵܝܬܼܵܗ̇ ܘܡܲܪܚܵܩܬܐ ܕܪܸܢܝܐ ܛܘ̇ܗܡܵܢܵܝܐ ܘܬܲܘܕܝܼܬܼܵܢܵܝܐ ܒܥܲܝܢܐ ܕܦܵܝܫܝܼ ܚܸܙܝ̈ܐ ܒܝܼܵܗ̇ ܟܠܲܝܗܝ̈ ܥܝܼܪ̈ܵܐܩܵܝܹܐ ܕܝܼܠܲܝܗܝ̈ ܒܢܘܼܢ̈ܐ ܕܚܲܕ̄ ܐܲܬܼܪܵܐ ܕܝܼܬܠܲܝܗܝ̈ ܙܸܕܩ̈ܐ ܘܘܵܠܝܼܵܬܼܐ ܒܫܲܘܝܘܼܬܼܐ ،،،