شنو يعنيلك صديقــــــــك؟؟!!
اعداد \ الصحفي ايليا26-10-2017
شنو يعنيلك صديقــــــــك.. كتلة صاحب وما يوم ينمل
كلي بس وضحلي اكثــــر.. كتلة دلاني الدرب خلاني اندل
كلي داسئلك صديقــــــك.. كتلة خوية وماشفت فد يوم اجمل
يابة يمعود صديقــــــــك.. كتلة ظلعي وعقلي بيه ما ينشل
كلي بس احسبهة زيــن.. كتلة وين تريــــــــــد توصـــــل
كلي مخدوع بزمانــــك.. كتلة عمـــــــــي ممــكن اسئــــل
شنو يعنيلك صديقــــــك.. كلي خاين وبظهري ثبت المنجل
كتلة بس وضحلي اكثر.. كلي اسكيلة عسل يسكيني حنضل
كتلة دا اسئلك صديقـــك.. كلي حاقد واليريده ايشوفني انــذل
عمي داكلك صديقــــــك.. كلي بس انــدار ضل يشتم وينعـــل
كتلة صديقك مو عدوك.. كلي كيف من طحت وبحزني هلهل
هذا واقع كل صديق وارد انصحك.. وما ريدك مني تزعــل
انه وكتي وصاحبي خلصو عمري.. لان صاحب بيه يغدر وكتي بدل
وفكرت بحجايتة وطلعت صحيحة.. وبس اني طلعت الاهبل
لان من وكتي حلو يمي لكيتة.. ومن افتر عكس بابة قفـــــل
لان ويا اني اضحي افدي بروحي.. وهو سجين الغدر منة تنسل
ولان واكف وي اليذبحون.. بيده السجين وعل ذبح كمـــــل.
