المارضه بجزه رضه ابجزه وخروف /////سواها مسعود ،،متعلم عله لطم الخدود
لفته والليفه قصه منقولة من احد الاصدقاء
لفته صــار عنــده نوع نادر من الأكزيمـــا راجـــع إطبــاء عدة وما گدروا يعالجــوه ، ابن عمه گـاله ليش ما تروح للمغيسل مال الموتى ؟؟ لأن علاوي ابن حجي حلو عنده نفس الأكزيمـــا مالتك و مل من المراجعات و ما طاب الا لمن غسلوه بالمغيسل و ذاك هو كلشي ما بيه حتى الأطباء تعجبوا ...لفته گله أنت صدگ تحچي ؟؟ مستحيل اروح للمغيسل ... ضل لفته يعالج نفسه عند الاطباء و ماكو نتيجة و حالته تفاقمت .. و بعد ما يأس من الأطباء راح للمغيسل و حچى و يه المغسلچي گله يابه اني اريدك تغسلني علمود تروح الأكزيمـــا مالتي .. المغسلچي گله يابه اني أجاني واحد نفس حالتك و غسلته بس بعد ما أعرف طاب لا ؟؟
المغسلچي گال لفته ذب ملابسك و نام على دچة المغيسل و غطي عورتك بالخاولي ...لفته گال للمغسلچي رحمة لوالديك اريدك تغسلني بليفة جديدة لأن استنگس من المستعملة ... المغسلچي طلع يجيب ليفة جديدة بهالاثناء دخلــوا تلث زلم عدهم ميت يصيحون على المغسلچي ... ابو فلان ..ابو فلان .
فلفته حچى وياهم گاللهم راح يجيبلي ليفة و يرجع .... و الزلم صار مطافرها بفلس لأن على بالهم لفته ميــت ... واحد منهم تزحلگ و نشگ راسه و الثاني سكت گلبه و مات ويه حسه ... والثالث انچبح على وجه و طلع بره يصرخ مثل المخبل ...
و چان لفته يخسر فوگ الأكزيمـــا مالته فصل ٣٥ مليون >>
