فلنشكر صانع الخيرات الله الاب ويسوع الابن

فلنشكر صانع الخيرات

لو سألنا واحد يعنى ايه نشكر ؟ ... كلمة نشكر معناها انى بقدر المعروف او الخدمه او النعمه المقدمه لى
لما نقف قدام ربنا ونقوله فلنشكر معناه انا بشكر على الخير اللى انت يا رب قدمته لى.
فلنشكر صانع الخيرات قالها معلمنا ابراهيم عندما خرج من ارض ما بين النهرين .. كان لا يملك شئ ولكن عندما ذهب الى لوط كان ليه 318 واحد .... ايضا يقوب عندما ذهب الى خاله لابان كان حاله ايه؟؟ وعندما عاد كان معاه قد ايه؟ ربنا اعطى يعقوب خيرات لا حصر لها ... شعب بنى اسرائيل لما كانوا فى العبودية كان حيلتهم ايه؟؟؟ ولما خرجوا من ارض مصر كان الخير قد ايه؟؟؟
كون الانسان بيشكر على خير اتقدم له او نعمه فذلك لأنه أخذ اما الانسان اللى بيشكر فى الالام والخساره فده بيشكر من اجل الله ومن اجل تدبير الله.
ايام القديس يحن القصير كان بينزل فى لوكاندة يبيت فيها بالليل وبعدها يكمل طريقة ... وهو ماشىرأى انسان يكاد يكون عارى ومعه قماشة بيغطى بيها وسطه وباقى جسده عارى .. تعجب الانبا يحنس عندما رأى الانسان واقف بيصلى ويعد حسنات الله معاه ويقول(اشكرك يا رب انك اديتنى عنين .. فيه ناس فاقده البصر , اشكرك انك اديتنى ايدين واعطتنى موهبة النطق , اشكرك لأنك ........) فالقديس يحنس عندما سمع هذه الصلاة تضاءل جداً امام هذا الشخص.
حياة الشكر هى اسهل فضيلة ممكن الانسان يقتنيها , اى فضيلة اخرى (الاتضاع مثلاً) تحتاج الى جهاد كثير يصل الى عشرات السنين .
+ الواحد لما يعبر عن شكره يبوس ايديه وش وظهر .. ليه؟
وش :- بنشكر على الحاجات الكويسه (حالات النجاح)
ظهر :- بنشكر على الحاجات اللى مش كويسه (الاخفاق)
+ لو الواحد عرف ان الخير اللى بيوصل له كله من صنع ربنا لن يكف عن الصلاة بالشكر.
+ صلاة الشكر دى يقولوها الاباء الرسل القديسين لأن لما ربنا اختارهم كان واحد صياد , وواحد فلاح , كان كل واحد فكره على قد حاله وربنا اختارهم بحالة هذا وبدأ يدربهم وتعالى شوف دلوقتى قد ايه مكانة الاباء الرسل , وقد ايه ربنا رفعهم

الرحوم الله

اعظم خير ربنا قدمه لنا انه رحمنا
بدون الرحمه لا نحصل على شئ , بدون الرحمة من يقدر ان يثبت امام الله .
الرحمة هى الصليب ... فلما نشكر ربنا نشكره على خلاصه , على صليبه .......... فدى حتطنا امام المسيح المصلوب , امام عمل الله الخلاصى لى ... انا ماكنش لى دخول السماء بدون رحمة ربنا .. بدون الصليب "كلمة الصليب عند الهالكين جهالة" فاللى يجهل الصليب يهلك.