اللواكه ماده مخله بالشرف
واحد يسولف ..
يكول .. عندي نعال ابو الاصبع قديم ومعتز بي !!
ذاك اليوم انكطع شديته وخليته بعلاكه نايلون سوده وحطيته جو ابطي ومريت بسوك الصيرفه..
وجان يجي ابن حرام ويخمط العلاگه ويشرد واركض وراه وأسب بيه..ولك أوكف ولك أوكف..
مالحكت بي شرد !!
وهاي الناس التمت عليه..
وانه فحطان وذبو علی وجهي ماي ..
وكساع واحد يكلي العوض عله الله..
وانه مستغرب..
ولهناك وكام واحد من اهل التصريف وسألني عمي العلاكه اشكم شده بالعلاگه؟
يگول انه گتله بعد عمك شدتين!؟
وهاي الناس صاحت والله حرامات..
وصاح واحد يأهل المروه والغيره لمو للحجي وكلمن عله قدرته..
وظلت الوادم تلملي دولارات..
ولنهن صايرات عشرين ورقه ..
انه كيفت بيهن واتشكرت من الوادم الي لمتلي.
ولن الحرامي الباگ العلاكه يلحكني يگلي
هاتطيني نصهن لو افضحك وأكللهم شبيهه العلاكه السوده
انه خفت واطيته عشره اوراق وردلي العلاكه السوده..
ورديت لأهلي واسولف السالفه لأم ناصر وهاي ام ناصر بحياتهه ماشايفه الدولار لأن((ماعدهه كرايب بالخارج ايام الحصار والجوع يوديلهه ورق دولار..
ولاحصلت من واردات النفط ورق !
هي صبتلي ماي وغسلت وجهي واشويه ارتاحيت..
ولنها اتگلي
هاي خوش شغله بيهه رزق دوم حطلك علاگه سوده وافتر بسوگ الصيرفه واتفق وي نفس الحرامي ..
حته كلما يبوك النعال المشكوك اتلملك الوادم.
بس انت جثر الشدات!حته اتحصل اكثر ..
مدري عليمن جبناها ..
علبرلمان لو النائبات اللي ينوصن بغنج منكثر الفلوس وحده ابالي بس ما اكدر اجيب اسمها خاف تقيم عليه بنقابة الصحفيين دعوه قضائيه اكبر من جدتي وعلويه اتشور بيه بس همزين انا استرالي افز بالليل والعن ذاك اليوم اللي خلاهم علينه مسوولين وحطو الفاشل والتافهه حشاكم بمكان يحلم بيه لاهو من اختصاصه ولاشغلته وحاشر نفسه بكل سالفه باللطم لطام بالصحافه صحفي بالفقه فقيه بالتصوير مصور وين يلعبادي ابحث عن ذوله الزغار كل الفساد عدهم هم مثل الصراصر لابدين جوه صخره ومنسقين ويه الكبار ومبدعين باللواكه لان فن اللواكه مو اي واحد يظبطه لويصدرون قرار اللواكه ماده مخله بالشرف
............
