المحرر موضوع: أبونا أرسطوبولس الثاني  (زيارة 933 مرات)

0 الأعضاء و 1 ضيف يشاهدون هذا الموضوع.

غير متصل يوسف جريس شحادة

  • عضو فعال جدا
  • ***
  • مشاركة: 757
    • مشاهدة الملف الشخصي
    • البريد الالكتروني
أبونا أرسطوبولس الثاني
« في: 20:56 19/01/2018 »
أبونا أرسطوبولس الثاني
يوسف جريس شحادة
كفرياسيف_www.almohales.org
نشر قدس الأب ثاوذورس داود هذه المادة ولأهمية الموضوع وعكسه لحال العديد من الرعايا وبعض الحوارنة الخوارنة ننشر المقال وفي ذيله تعقيبنا.
-" يا أبونا. 
- نعم يا عمتي أم نجيب أْمُري { من الأمر}
- يا أبونا، رح بتكفرونا
- له له له، ليش يا عمتي أم نجيب؟ له ما تقولي هيك شو صاير ؟
- يا أبونا، أنا عمري صار ٨٤ سنة. ما بحياتي فوّتت قداس إلا إذا التلج قطع الطرقات. الخوري حنا الله يرحمو خدمنا ٤٠ سنة. نجي نصلي ونسمع كلمة الله ببساطة ونروح عالبيت. محبتو إلنا كانت الكهنوت وكانت حضور المسيح وروح المسيحية يلي انعكست على الضيعة كلها. هلق إجانا أرسطوبولس الثاني صرلو سنتين……
- مين إجاكم مين؟
- الخوري أرسطوبولس الثاني
- ما بعرف خوري بهالإسم وهيدا مش إسم خوري.
- وإذا بأم نجيب تُطلق ضحكة قويّة من أعماق قلبها أظهرت بعض أسنانٍ عتيقة مخضرمة شهدت ثلاث حروب عالمية، الحرب العالمية الأولى والحرب العالمية الثانية والحرب العالمية الثالثة التي هي حربها الروحية مع الخوري أرسطوبولس. ثم قالت بخبث بريء ووجه مبتسم :  بعرف بعرف يا أبونا إنّو ما إسمو هيك. هيدا الإسم من تأليفي أنا وأم أنور ووديعة حِرمة المرحوم أسعد. أنا عّم إحكيك عن الخوري فادي يللي جابو جديد عالضيعة. هنا شعرت أني سأخرج بسبقٍ فكاهي وبحكمة فسألتها مبتسماً وببعض دينونة :- ليش سميّتو أرسطوبولس ومنين جبتو هالإسم.  هنا تغيّر وجه أم نجيب إلى الجدّية وقالت لي:- شو شغل الخوري بلا مؤاخذة؟ ودون أن تعطيني وقتاً لأجيبها أكملت : مش شغلو يشرح كلمة الإنجيل ويقدّس ويزور المرضى ويصالح الناس الزعلانة؟ أنا قريت الإنجيل ٤٠ مرة بحياتي وما لقيت فيه ذكر لأسم أرسطو. كل يوم أحد أو عالقليلة مرتين بالشهر حضرتو نازل بشارة بأرسطو. شو قال أرسطو وشو ما قال أرسطو. وكمان ولاد عّم أرسطو إذا ماني غلطانة سئراط ( سقراط ) وأبو جانّيس ( أوريجانوس ) وبضل يكر ويْبِر( يعيد ويكرر الكلام) عنهم وعن الفلسفة اليونانية وعن رأي بولس بالموضوع. يا أبونا بحياة الله هو لمين عّم يوعظ ؟ إلنا ولّا لسعيد عقل ؟ نحن ١٠٠ نَفَر بهالضيعة سبعين منهم عّم يلبطوا الموت حتى ما ياخدهم شو هاممنا  بجوهر الثالوث  والنور غير المخلوق والموس ( تقصد النوس ). نحنا بنروح نسمع كلمة عن التوبة والمصالحة والغفران حتى نحضّر حالنا قبل ما نروح من هالدني. نحنا بننبسط انو خوارنتنا متعلمين بس أهم من العلم هو البشارة. ما بيعرف يحكي لغة بنفهمها ومحتاجينها؟ المسيح اختار صيادين أميين حتى يخاطب الناس وحضرتو الخوري أرسطوبولس ما نقّى من الرسل إلا بولس ونازل العّك ( كلمة من المصدر ) فيه وبأرسطو وبعيلتو. ما بسير (يصير ) هيك. بسير هيك ؟ إنت قلي.  قبل أن أنفجر من الضحك حاولت أن أمسح وجهي من الرذاذ المتطاير من طاقات فمها المبارك بسبب كثرة الكلمات التي تحتوي أحرف السين والصاد مثل: أرسطوبولس ،الرسل، بولس، أرسطو،سقراط، "بسير أو ما بسير". بعدها قلت لها وأنا أضحك :-  يعني أرسطوبولس هو جمع إسمين أرسطو وبولس مع بعضهم ؟
- عادت لتضحك بقوة وتغطي فمها بيد عمرها ٢٠١٧ عام كُتبت على تجاعيدها آيات الكتاب المقدَّس باللون الأسود الناتج عن غمام  البخور الذي قدّسها وقدَّس أم أنور ووديعة حرمة المرحوم أسعد والذي قبْلهم تقدّس مع الخوري حنا البسيط . هنا حاولت أن أكون صانع سلام فسألتها بابتسامة :- جربتو تحكو معو يا عمتي أم نجيب ؟
- جاوبت بحدّة : جرّبنا يا أبونا جرّبنا وقلنالو يا عمّي إنت لمين عّم توعظ وليش ما عّم بتزور هالناس ؟ قام جاوب إنو بسجّل وعظاتو للفايستوك ( الفايسبوك ) ولمرتو بالبيت يلي ما بتجي عالكنيسة. وقال إنّو ما بزور لأنو مشغول بأطروحة جديدة.
هنا……   أنا من وقع في الإدانة وفي الغضب وكنت على وشك أن أطلب من أم نجيب أن تبصق في وجهي ووجه كل من وضع يده على المحراث وما يزال ينظر إلى الوراء لكني لم أشأ أن أشكّكها اكثر فقلت لها :- يا أم نجيب أنتو البركة وأنتو سبب إستمرار الكنيسة. طولو بالكم وجربو تركزوا على كلام القداس وعلى المناولة وعلى السلام في قلوبكم.  صدقيني كرمال ناس متلك بعدو ربنا بيشرق شمسو على هالدني.
أجابت ودمعة في عينها:- بعرف يا ابني بعرف. على كلٍ ما بقى في كتير من هالعمر نحنا رايحين بس العترة على هالجيل الجديد يللي خوارنتو على شاكلة أرسطوبولس التاني. -  أم نجيب !!! على فكرة … ليش أرسطوبولس التاني؟ ليه في أرسطوبولس الأول؟ - هنا تبسمت أم نجيب مجدداً وقالت : إيه يا أبونا أيه.   مطرانو………. …نجيب إبني يلي عايش عالساحل قلّي أنو المطران هونيك كل وعظاتو كمان عن أرسطو وإخواتو وكمان عن نشته ( نيتشه ) وعن الشعر العربي وعن خلدون ( إبن خلدون ) وعن قسيسين إلمان. وقلي نجيب إنّو مطرانو بيوتظ وما بيتطلع بالناس.بضل متطلع لفوق، بلا مؤاخذة منك متل الشامم ريحة كِرهه.  الله يا أبونا شو بدّي قلك، أنا ما فرقاني معي حالي أنا قوية كتير بالرب ومش مطّولة،  بس خايفه على نجيب إبني وولادو.  هو قرفان كمان وعم يفتش على كاهن بسيط يحكي كلمة الله ويعيشها. يالله يا أبونا خليني روح. الله يطوّل عمرك ما تنسى تصليلي وتصلي لإبني وعيلتو. حاولت ام نجيب أن تقبل يدي لتأخذ البركة فما كان مني إلا أن ارتميت على يدها اليسرى وقبّلتها ثم أخذت اليمنى وقبّلت يد المسيح ثم قلت :- سامحيني…… سامحونا وصلولنا."
++قمنا بابراز بعض الجمل للفت نظر القاريء الكريم.
الموضوع بحدّ ذاته كامل شامل يمثّل حال العديد من الخوارنة الدك ثور وتفذلكها وللاسف اتضح انها تحمل حتى شهادة مزورة ولا يكفي خيانتها لبيت الرب وبيتها فقد خرّبت كل رعية حلت بها والقاصي والداني يشهد لذلك.


غير متصل Salem Canada

  • عضو فعال جدا
  • ***
  • مشاركة: 154
  • منتديات عنكاوا
    • مشاهدة الملف الشخصي
رد: أبونا أرسطوبولس الثاني
« رد #1 في: 05:52 20/01/2018 »
عزيزي :يوسف جريس شحادة المحترم
انا من المتابعين  لكتاباتك الرائعة .
الله يحفظك ويرعاك ويجعل منك نوراً ساطعاً للإيمان المسيحي .
نعم قول الحقيقة مُراً لكن مهما كان مراً فهو افضل مليون مرة من المجاملة والعيش وسط الزيف والخداع .
تقبل محبتي وتقديري.
( إن أبشع استغلال للإنسان هو إستغلاله باسم الدين .. لذلك يجب محاربة المشعوذين والدجالين حتى يعلم الجميع أن كرامة الإنسان هي الخط الأحمر الذي دونه الموت.)  جيفارا