المحرر موضوع: الصراحة راحة  (زيارة 3159 مرات)

0 الأعضاء و 1 ضيف يشاهدون هذا الموضوع.

غير متصل Furat yosip

  • عضو فعال جدا
  • ***
  • مشاركة: 90
  • الجنس: ذكر
  • منتديات عنكاوا
    • مشاهدة الملف الشخصي
    • البريد الالكتروني
الصراحة راحة
« في: 14:02 25/01/2018 »
الصراحة راحة

تراني ما عفتك العايفك ... منك اوبيك
او ابد ماتخليت عنك ... الخانك امخاويك
خليتك شمس تضوي على باچر
او حارت الظلمة تعثر بيك
.....
كونك تفهم انت هيچي مابديت
وعند الكراسي انت  ما انتهيت
انت أسمى من ان تكون بغير لونك
بعت العمر كله الخاطرك وانت اشتريت
....
دم الشهيد الفاض من عندك
يالي الموت ايخاف بيك ما يندك
مبدأك تتنخى بيه الناس
عدل لا تعوج روح ابفالك شيردك
.....
بيك مثل السوس بعض الناس
بس أذية لا فهم ولا احساس
يتراكضون من تتحزم مثل الشواذي
طبعهم هذا شي ايطهر الانجاس
.....
احچي اوياك طك ابطك
لان أعرفك بالفشگ ماتنطك
منهج الإصلاح قادم لامحالة
لان العطشان على ألمي يتمطك
.....
شريد منك بس انطيك
معتاز والحاجة من ابچيك
لا اتغير اسمك ترى الضوة للعيون
وعيونك احمرت قهر مادري شبيك
.....
احنة ولدك يا تاريخ الشرف
يالي عندك من عزاتنا ترف
انترست المگابر وانته تعرف الچتال
اتحزم بينا تدرينا نخلي المايعرف عرف
....
لاتتنتچي على الأعوج ما يدوم
ولادور من العريان هدوم
بيتك معزب دومة خلي
وخيمة بيهة ضلّل على المضلوم
.....
كافي اطورش بذاناتك
ترى مليناها بياناتك
ندريك موبس حچي خرسان
ليش متغطي بغير عباتك
....
فزعنا ترانا زلم نتعنا للصعبات
وانطلع الحية چفي قبل مانبات
ونتونس على صيحات المنايا
واليتعدى نترس حلگه چيلات
.....
الشمس ماتتغطة ظلمة بنوب
والگيعان ماتنخذ الا بالحروب
والحر يبقى حر للموت
والعاشگ مايضل عاشگ اذا مات المحبوب

فرات يوسپ