ردودكم قليلة ليش؟؟؟؟؟ يا ابناء الرافدين

[nasseem2]

امبارح دخلت اول مرة لهذا القسم في المنتدى وكالعادة في المنتديات العراقية  لقيت الردود على المواضيع المطروحة قليلة جدا بل معدومة في بعض الاحيان  مقارنة بعدد الزيارات التي هي بالمئات وحبيت اسأل ليش؟؟؟
واجاوب: لأن نحن شعب بلا وعي و اناني ما يحب الا نفسه وما يكلف او يتعب نفسه بالرد على المواضيع وخصوصا بعض المواضيع هي نداءات استغاثة يطلقها من اجبرته الظروف القاهرة على ان يترك بلده ويستغيث بكل من يشوفه.. هل تتكاسلون ان تكتبوا كلمه لتجبر الخاطر لهذا المستغيث؟؟؟؟

الشكر للذين يقومون بالرد ولكن فعلا شئ يعصب الواحد
شوفوا المنتديات السعودية واتعلموا منها

[/color] [/color]

[غلطة وندم]

اخي الكريم

هذا القسم مختص بالهجره

يعني يعتبر محط امل او ملاز للي  يردون يهاجرون ويكون همهم الهجره والخلاص فقط وانا واحد منهم للاسف

لاكن لا يبرر عدم الرد والاكتفاء بالمشاهده


كلامك صحيح وانا اشد على ساعدك وجزاك الله خير الجزاء

تحياتي لك

[nasseem2]

الدليل عدد الزيارات اكثر من ثلاثين وحصلت رد واحد....

نحن العراقيين نبخل بمساعدة بعضنا ولو كنا شمس ما نطلع على احد اظن

اني جربت ابعث نداءات استغاثة .. بس لا يوجد رد من احد...

الله كريم

وتحياتي الك يا بطل

[nasseem2]

جميل واي...بس كان لازم تستعمل صيغة المذكر اذا سمحت لانني لست امرأة (الاسم نسيم)

[elissa2007]

عيب  عليك تتجاوز  شويه  خلي  احترام

[nasseem2]

شنو اخويه شبيك انت؟؟؟؟؟ وضح اكثر لو سمحت
مو خليت بالي

[رنــــــا الالقوشيه]

اختي  نسيمه  nasseem


انتي  الظاهر  مو من  العراق وهو  وين العراقيين  وابيش  حايرين  خاطر يجاوبوج


فانتي  نسيمه   غلطانه   الله  يكون  بعون العراقيين  ومو  احنا الي نتعلم  من السعودين  وانما  انعلمهم


رنا الالقوشيه

[nasseem2]

يمعود رنا على كيفج علينا
اولا اني نسيم 2  مو نسيمة شنو ماتعرفون تقرون؟؟
واني من العراق
وما اريد احد يجاوبني لكن القصد هو ان يتعلم العراقيين ان يتركوا لامبالاتهم وكسلهو ويحركون ايديهم شوية
وكلليلي بس شنعلم السعوديين نحن؟؟؟ ها انعلمهم البهاته مثلا؟؟
شوفي هالمنتداين السعوديين وحكمي

http://ma3ali.net/
http://www.arabslaptop.net/

[kella_tg]

الموضوع حلو بس يا عراقيين كعدو وكولو احنة منو
وليش  الي ديصير بينا شمسوين الرب  العالمين 

متدرون لن احنة هاذة سني وهاذة شيعي 

وهاذوة مسيحي متدروين اكو كلمة بل كتب والمقدسات لا اكراه بل دين انتبهو يا مسلمين 

انتبهو يا مسيحيين  يا عراقيين منو الي سوانا هيج غير الحتلال 

اني حيدر قوميتي وديني عراقي مسيحي مسلم يزيدي كردي عربي عراقي اني        حيدر KELLA_TG

[nasseem2]

اهلا وسهلا اخ حيدر وشكرا على مرورك وتعليقك
اخي اتفق معاك بكلشي الا نقطة واحده زهي ان"الاحتلال سبب هذا ..صدقني نحن سبب هذا كله ..
الاحتلال هذي شغلة لازم تصير مكتوبة علينا وهي استمرار لمخططات الحرب العالمية الثانية وما تبعها من الحرب الباردة بين اقطاب العالم
كان لازم نعرف نتعامل معه
وكما قال الشاعر كريم العراقي بما معناه انه جا المحتل يسكن دارنا فقمنا فجرنا الدار
ليش ها؟؟
انت اذا جاك واحد سكن غصب ببيتك لنفترض انه اخذ عرفة من غرفك عنوة وهو مسلح وعنده قوه ..فهل تقوم انت تفجر البيت؟؟ او تحاول تفجر غرفته؟؟
خذا بالعقل
بانتظار تعليقك

[nasseem2]

اكيييييييييييد

[nussty]

عندك حق لان الردود ما كو بس هم ننطي عذر لان يمكن مو كل موضوع يعجب احد يعني مثلا اني هسة اي موضوع يخص الفيزا و اللجؤ اطب راسا بس و الله اذا اكو شي اكدر افيد راسا اكتب مثلك يا ورد لمن رديت اشكرك اهواية و خلي نتواصل سلام.

[nasseem2]

شكرا عيوني نوستي على مرورك وتعليقك واكيد راح نتواصل... نحن بالحقيقة نريد نفعل الحوار بين العراقيين حتى نصل لحل لأزمانتنا لان بدون الحوار والتفكير الموضوعي راح تبقى المشاكل الى الابد كما هي ونحن نريد نعالجها حتى نرجع على بلدنا اللي ما عدنه غيره
تحياتي

[روزيتا]

والله يا عزيزي نسيم دمك محروك وحقك ولو ماكو هيج ناس محد يتحرك. صحيح هذا اول دخول الي للموقع لكن اول اشتراك الي من كل المواقع اللي ادخلها
الله يبارك بيك وبكل المخلصين

[nasseem2]

شكرا لمرورك روزيتا وياريت تساهمين معانا وتضعين مواهبك وقدراتك في خدمة المجتمع العراقي اللذي هو بحاجة الج... نحن ننشط بقسم الهجرة واللاجئين... والمآسي والى من يهمه الامر هذه الاقسام موجودة في عينكاوا
تحياتي الج

[nasseem2]

اخي واي باجر نشوف الصفحة متروسة مسائل حسابية هههههههههههههه
تعليقك عجبني عن الانسان العراقي
لازم يتعود الانسان العراقي من هسه ورايح على الحوار لان المشاكل ما راح تنحل من كيفها بدون حوار
ولازم يترك ايضا التعصب الموجود مثل ما ذكرت حضرتك

[مروان_نرسي]

اخويه العزيز احنه نسحاول نساعد كل الي مجتاج مساعده بالمعلومات الي اعرفهه او اخذه من مصدر موثوق يعني من واحد من الاخوه يسال على عنوان و الزائر للموضوع مايعرف الجواب راح يكتفي بالزياره و احسن ما يكله روح للصومال و هوه الفحصوات الطبيه مالته بدار فور و على العموم مشكور على الموضوع  و تحياتي الك و لكل الي بالمنتدى

[فراس الرافدين]

اخي العزيز نسيم
جواب على سؤالك انه الردود قليلة. السبب هو انه كل المشاركين ينتظرون الفرج وعندهم نفس السؤال الي يقرأوه، والكل ينتظر نفس النتيجة لكن الجواب موجود عند الي يسافرون. والي يسافر بس الله يعلم بظروفه هناك، يمكن ماعندة مجال يدخل على النت حتى يقرأ ويجاوب استفساراتنا.
لذلك الجواب قليل لأن المنتدى يخص السفر. والا تره ماكو واحد يحب يسولف بكد العراقي. مو لو آني غطان؟