زينب يا زينب يالقدوه

[ميسون نعيم الرومي]

زينب يا زينب يالقدوه
ميسون نعيم الرومي
 
*(زينب يازينب) ياحـرَّه
نجمه اوهلـّـيتي ابگمرَه
 
عـَـلـَم ابـّلادچ رَفـّـرَف بـِسّمچ
بـيـن اعـّـلام الدول الحـرَّه
 
قـدّوَه الكل بـنت اومرأه
بنت النهـرين اويالدرَّه
 
اسمچ زينب و(الزينب) قدوه
اخت (حسين) الضحه ابعمره
 
(حسين) المبدأ والإصلاح
ابن (الحيدر) والحيدر(عتــّرَة)*
 
زينب يا زينب يالقدوه
***
زينب يا زينب يالجوريه
شمعه بـورپـَّه اومضويه
 
*(ابسامـَـرَّه) اهلچ يا حلوه
اتحـِجـّـلهَه الناس ابقدسيه
 
امن الصفر ابديتي او نلتي
اعراقيه او بنت اعراقيه
 
حسدوچ اوگالوا تچذب
ساسة هالوكت اللوگيه
 
مليارات اهوايه انهبت
والناس اجواعه اومسبيه
 
شوكه انتي ابعين الساسه
سراق الماتشبع جوعيه
 
ابلمـَّـتهم يرحولچ فـدّوَه
(زينب يا زينب) يالقـِدّوَه
------------------------------------
https://www.youtube.com/watch?v=hKoAl_WEvLI*زينب
 
*عترة1 [ مفرد ] : ج عترات وعترة
ذرية ، نسل من عترة الرسول
------------------------------------------
ســــــــــــتوكهولم
4 / فبروري / 2018