تصورات عامل
انتخابات لموت قادم
ناصر الثعالبي
1
كال الصوت إجانا
وضاع منا الصوت
وحرنا من تشتت صوتنا بلا صوت
ابيا سجه نمر
وبيا جروح انفوت
نزعنا اعيونا بلحظة وهم موقوت
وعاندنا وهمنا
اوكمنا نعلن صوت
يمر يم الرفاكه
مرة الياقوت
وندهنا الفجر سكته
ابغفوة الطاغوت
كال إلنا ..
شمسكم عجروح اتفوت
خل أصوات عزتكم تصد الموت
2
نبض بيه الحنين
وشال غيرة ناس
شفت
جف الشهيد البكلب ينباس
وشفت
روح الشباب التلهب ألإحساس
وشفت
فرحة أطفال اتصيح... ويه الناس
وشفت
(جاكوج يرفع للسما ويندك)
وشفت
منجل يعانك زرع من ينداس
وشفت روحي تصيح..
الصوت للشوعي .. للشوعي
وحك هاي المسيه وحضرة العباس
