بمناسبة الانتخابات العراقية


المحرر موضوع: بمناسبة الانتخابات العراقية  (زيارة 405 مرات)

0 الأعضاء و 1 ضيف يشاهدون هذا الموضوع.

غير متصل ماجد ابراهيم ككي

  • عضو فعال جدا
  • ***
  • مشاركة: 218
    • مشاهدة الملف الشخصي
    • البريد الالكتروني
بمناسبة الانتخابات العراقية



لا تنتخب وتصّعد لمجلس النوّاب
أيّ واحد من هذولا الهتليّة النهاب
ما بيهم واحد نزيه أمين و حبّاب
ما صدق معاك بل دوم كان كذّاب
بأجتماعات المجلس دومهم غيّاب
بمليارات أشترى ولغف أكل و كباب
خمط المليارات فلت وعاف الباب
و لا رئيسه القارورة أبو الشباب
لا مختارالعصرولا صهره أبو رحاب
اللي نهبوا وخمطوا بدون أيّ حساب
لا تنتخب عالية لا حنونة و لا عتاب
لا أياد لا أسامة ولا سلومة الجذّاب
لا نصر لا حكمة لا فتح لا قانون لا هباب
لا أرادة لا سائرون لا قرار كلهم غلّاب
تشوفوهم أضداد بس جوّ هم أصحاب
قبل الانتخاب يتودد و يحسبك من الاحباب
وبعد الانتخابات بسرعة يكلُب ويصير كَلّاب
يسووّلك الدنيا كمرة و ربيع و ألّذ الارطاب
بعدها يخمط ويحول الخضرة الى قحط و يباب
صار ألهم ثلاث دورات بعد ما شبعوا النهاب
يريدون يكملون لغفهم وليحولوا الخير الى تراب
ماجد ابراهيم بطرس ككي