كتلك ما انساك

[malekta_tkhoba]

كتلك ما اعوفك انه كلي وياك

لو للموت رايح انه وي كلك


واذا طبع الشمس يدفه بيها الكون

انه الك شمسك وامشي وي ضلك


كلهه الناس كلهه عافتك وبساع

بس انه الوحيد اللي صرت خللك


من الغيم جاني الشمس غيري تروح

كل ضنك دفوها هيه تكفلك


تاليه ارجعت يمي تصب ادموع

كل هذا واكولن كلبي دك مثلك


واذا مرك عطش بدموعي انه ارويك

اصيرن غيم فوكك وانه المطرلك


واذا ذبك تعب هاك اخذ مني الحيل

واخذ ارموش عيني صوغهن كحلك


وروح بدنيتك سوي انته مهمه تريد

واسكن بالغرب خليني مندلك


بس انه ارد اكلك اخذ روحي وياك

ورغم الجرى منك كلبي ما ملك

[alm7b]

يسلموووو على الموضوع الرائع ملكتااا

[lena_wrda]

كلمات حلووووة عززتي عاشت ايدج

[ستيفن الالقوشي]

يسلمووووووووو يا وردة على الخاطرة الروعة عاشت ايدج يا ملكة الرومانسية


تحياتي الج


ستيفوووووووو

[فادي تلسقوفي]

يسلمووووووووو يا وردة على الخاطرة الروعة عاشت ايدج يا ملكة

تحياتي فادي

[fadi_lion17]

عاشت ايدج لبي  للخاطرة والكلمات الحلوة وكلج ذوق  للرائع

[shomana_4_u]

كلمات حلووووة عززتي عاشت ايدج