ܡܝܲܩܪܵܐ ܡܲܠܦܵܢܵܐ ܝܘܣܦ ܒܓܬܫ
ܫ̈ܠܵܡܹܐ ܥܲܡ ܐ̈ܝܼܩܵܪܹܐ ܠܵܟܼ ܡܩܲܪܸܒܼ ܐ݇ܢܵܐ.
ܛܵܒܼ ܡܼܢ ܟܠܗܘܿܢ ܙܲܒܼ̈ܢܹܐ ܥܲܠ ܛܲܣܪܵܪܵܐ ܒܕܘܼܡܝܵܐ ܕܗܿܘ ܕܲܒܼܡܹܐܡܲܪܬܼܵܟܼ ܦܲܢܸܟܼܬ ܝܵܘܡܵܢܵܐ ܣܢܝܼܩܝܼܢܲܢ. ܛܲܣܪܵܪܵܐ ܕܲܒܼܥܘܼ̈ܡܩܹܐ ܕܩܸ̈ܛܪܹܐ ܕܲܠܓܘܼܫܡܵܐ ܕܐܘܼܡܬܲܢ ܐܲܒܼܪܸܡܘ ܓܡܝܼܪܵܐܝܼܬܼ ܘܒܲܣܒܸܣܘ ܟܠܵܢܵܐܝܼܬܼ ܢܸܚܘܿܬܼ ܘܢܸܫܪܸܐ ܐܸܢܘܿܢ. ܛܲܣܪܵܪܵܐ ܕܡܲܚܫܲܒܼܬܹܗ ܡܥܲܠܝܵܐ ܗܿܝ ܡܼܢ ܡܸܨܛܲܠܝܵܢܘܼܬܼܵܐ ܫܲܪܸܒܬܼܵܢܵܝܬܵܐ ܘܡܸܬܼܒܲܝܬܝܵܢܘܼܬܼܵܐ ܓܲܒܵܢܵܝܬܵܐ ܘܦܲܢܵܛܝܼܩܵܝܘܼܬܼܵܐ ܬܵܘܕܝܼܬܼܵܢܵܝܬܵܐ. ܗܵܠܹܝܢ ܕܠܲܚܕܼܵܝܘܼܬܲܢ ܡܥܲܪܙܵܠܘܼ ܥܲܪܙܸܠܘ ܘܠܐܝܼܬܘܼܬܲܢ ܡܪܲܟܵܫܘܼ ܪܲܟܸܫܘ، ܘܲܠܠܝܬܵܝܘܼܬܲܢ ܐܘܼܪܚܵܐ ܕܫܲܦܝܵܐ ܘܲܕܼܪܝܼܫܵܐ ܡܫܵܘܝܵܢ ܕܒܼܵܗܿ ܥܲܡܵܐ ܕܝܼܠܵܢ ܕܡܵܐܸܫ ܒܥܲܡܛܵܢܵܐ ܡܸܨܛܲܒܼܝܵܢܵܐܝܼܬܼ ܪܲܗܛܹܗ ܡܲܩܸܠ. ܛܲܣܪܵܪܵܐ ܕܡܲܡܪܲܚ ܕܲܢܣܝܼܡ ܕܡܹܗ ܒܲܙܘܵܪܹܗ ܘܡܵܬܲܚ ܓܪܸܡܚܲܨܹܗ ܓܵܫܘܿܪܵܐ ܕܢܸܥܒܪܘܿܢ ܒܲܝܬܼܵܝܵܘ̈ܗܝ ܢܲܗܪܵܐ ܕ̈ܡܵܠܹܐ ܘܲܕܼܛܘܼ̈ܪܦܹܐ ܠܐܲܝܟܵܐ ܕܲܢܦܹܐܫܵܐ ܡܸܫܬܲܟܲܚ. ܐܘܿ ܡܵܪܝ ܐܲܬܼܪܵܐ ܕܝܼܠܲܢ ܝܵܘܡܵܢܵܐ ܓܵܥܹܐ ܐܲܝܟܼ ܗܿܘ ܦܲܪܢܘܼܫܵܐ ܥܠܲܝܡܵܐ ܕܡܼܢ ܢܘܼܓܼܪܵܐ ܕܲܫ̈ܢܲܝܵܐ ܕܒܸܐܓܲܪܬܼܵܟܼ ܕܲܠܘܵܬܼ ܡܲܠܦܵܢܵܐ ܓܲܒܪܐܝܠ ܐܦܪܐܡ ܕܒܲܟܼܬܼܵܒܹܗ ܕܐܸܓ̈ܪܵܬܼܵܐ ܦܪܲܣ ܓܵܥܹܐ ܘܐܵܡܲܪ: ܠܵܐ ܥܲܕ ܡܲܨܝܵܐ ܕܐܹܣܲܝܒܲܪ ܦܬܼܝܼ̈ܠܵܬܼܟܼܘܿܢ ܘܠܵܐ ܡܛܲܟܣܘܼܬܼܵܐ ܕܒܸܪܡܲܬ ܠܬܲܓܪܘܼܡܬܼܵܐ ܕܝܼܠܟܼܘܿܢ ܐܘܼܡܬܼܵܢܵܝܬܵܐ ܘܥܹܐܬܵܢܵܝܬܵܐ.
ܡܵܘܕܸܐ ܐ݇ܢܵܐ ܠܵܟܼ ܛܵܒܼ ܥܲܠ ܣܝܵܡܵܟܼ ܗܵܢܵܐ ܕܐܲܝܟܼ ܥܝܵܕܼܵܐ ܠܡܲܚܫܲܒܼܬܼܵܐ ܡܒܲܠܗܸܐ ܘܲܠܡܘܼܚܵܐ ܡܦܲܪܩܵܥܘܼ ܡܦܲܪܩܲܥ.
Sami Hariri