ثلاث أغنيات
كلمات : رحيم العراقي
يا والده
إنتي الوفه يلوالده إنتي الهنه يلوالده
حضنج دفه وإيدج شفه
واللي يجــازيج الوفـه الله بحياته إيساعده..
****
مالي عكَب عينج وِلي
بس إنتي بالدنيه إلي
مشتاكَه ياديرة هلي ودموع عيني شاهده ..
****
يا يمه غربني الدهر
والشوكـَ علمني السهر
وشراعي هايم بالبحر والريح كلهه إتعانده..
****
ياوالده إســـــنين الحــزن
صارن سواجي إعلى الجفن
وإنتي الوفـــه وكَــلبج يحن حّــن الحمامة الفاكَـده..
ولهانه عليك
ولهانه عليك مفتونه بنور عيونك
خليني أوياك ما اتحـمل من دونك
يا دهن العـود يا طيبك
عين الحاسود لتصيبك
ربك موجود الله يحفظك ويصونك..
****
تركًص وتميل يلطـــولك رمح إرديني
وبيدك مـــنديل موصوف إلدمعة عيني
إمسهرني الليل شايل همك وظنونك..
****
آني بيا حــال وأتحمل هــاي النظــرة
مشغـــولة بال سحرتني العين الخضره
أحلى الآمــــال صارت خمريه إبلونك..
****
ويـــّـه النغمات تركَــص وتهز إجتافك
وأحـلى الكــلمات غّـنت مابين إشفافك
كل عمري الفات ضايع ضايع من دونك.
يتدلل
يتدلل..يعرفنه نريده
يتدلل..والروح بإيده
*****
يتـــدلل مابـيـن أحـبابه
ويازعله وياطول إعتابه
الزعل يروح بأســـــبابه
والحب الأيام إتزيده..
*****
تّـيمني بروحه الشفافه
وأجمل بسمه بين شفافه
الحلو ماتكـــمل أوصافه
دومه يظن عناده يفيده..
*****
ساحرني وآسرني جماله
لكــن عـّذّب حالي دلاله
كــلما أتعّود على حـاله
ألكَى حبيبي بحاله جديده..
