اعزائي اعضاء وعضوات منتدى عينكاوة حبيت اقدملكم وصفه سريعه للبيتزا وهي سهله ولذيذه اتمنى تعجبكم وتنال رضاكم.
المقادير:
5 كوب طحين،ملعقه اكل خميره،ماءدافي للعجن،3ملاعق اكل زيت ،ملعقه اكل ملح.
نخلط الطحين والملح والخميره وبعدها نضع ماء الدافي قليلا قليلا ونقوم بعجنها اذا راءينا ان العجينه تحتاج بعد ماء نضيف قليلا الى ان تتماسك وبعدها نضيف الزيت على وجه العجينه ونعجنها مره ثانيه ثم نتركها نصف ساعه لكي ترتاح ولا تنسي عزيزتي ان تلفي العجينه بكيس نايلون نظيف حتى تختمر بسرعه والان نقوم بتحضير الخلطه التي تضع فوق العجينه.
مكونات الخلطه : 2 حبه بصل مقطع شرائح رفيعه،2 حبه فلفل اخضر مقطع شرائح رفيعه ،2 حبه طماطه مقطعه قطع صغيره ،قليل من الفلفل الاسود وقليل من الكاري،ملعقه اكل معجون طماطه،زعتر، ملح.
الان نضع قليل من الزيت في طاوة على النار نقوم بوضع البصل يقلب قليلا بعدها نضيف الفلفل الاخضر واخيرا نضيف الطماطه وبعدها نضع البهارات والملح ومعجون الطماطه.
والان بعد ما اختمرت العجينه نحضر صينه وندهنها وتفتح العجينه وتضع في الصينيه المدهونه وتفضل ان تكون العجينه رقيقه حتى توكل افضل ونضع فوق العجينه ملعقه كجب ونوزعه على وجه العجينه ثم نضيف الخلطه على العجينه وبعدها نرش على الخلطه قليل من الزعتر وبعدها نضع الجبن المبروش
وتزين البيتزا بالزيتون ..
عزيزاتي اذا اكو اي استفسار اسئلوني او دزوا رساله خاصه وانا في وصف الخدمه تقبلو تحياتي
