عراقي الحبيب:
مَدري ليش من يجيبون بطاريّك أتألم
وبسرعة دمعتي تنزل
وآني اللّي جنت بيك اكتب شعر
وبأسمك كل يوم اتغزّل
صاير اتعصَّب حيل واتكدّر،
من ينسون ذكر عزّك
وطيبتك المنهل
كُلشي بليّاك بالدنيا ما لا طَعَم ْ،
حتى لو ضافولة احلى الحلو وغطّو بالعسل
افترّيت كل بلاد العالم ،
ومثلك ما لكيت أحلى وأحن مسكن
لو خيروني بينك وبين كل المجرة
ما ابدلك حتى لو جابولي الكوكب زُحَل
اتونَّس من اكظي وياك ليلة سهر،
بيها ارجع لأول يوم جنت بي طفل
واذا ما لقبوني بالعراقي،
اتنفرز منهم حيل... ويبين علي الزَّعل
عراقي الحبيب نبقى نسميك ،
و باسمك يبقى يتغنى كل أبيّ وكل بطل
واطلب من الله يجي اليوم اللّي،اشوفك
بي راسك مرفوع لفوك.... وجمالك احلى واحلى من قبل
وأحرار الرافدين تهلهل .. وبامجادك تتكذّل
وعشتار ترجع بعرسها لبابل
وبحب الوطن تتغزل
ويرجع البطل كلكامش يحكم
وبنبتتة الحياة يرد الحكم يتعدل
......
اسطيفان
http://mnshakhabete.blogspot.com/
