گۆتن و کریار
حسين شنگالي کار ب ئاخفتن و پەسنا ناهێنە پیڤان ، لێ پیڤانا کاری ب هندێ یە کا چەندی مرۆڤ بشێت خزمەتێ پێشکەش کەت کو ببن شاهدێ مەزناتی و بهێزیا کەسایەتیا مرۆڤی و پێگەهێ وی یێ جڤاکی ل ناڤ خەلکێ دا ، ئەرێ پا چەوا ئەگەر مەبەست کەسایەتیەکی سیاسی و بناڤودەنگ بیت و کارتێکرنا وی ل گۆرەپانا سیاسی هەبیت وەک نێچیرڤان بارزانی و وان ئاخفتنێن دبێژیت کو هەمیان دکەتە کریار ل خزمەتا هەمی تەخ و چینێن جڤاکێ دا بێ جوداهی ، ب تایبەت هەولێن وی یێن دوماهیێ ل بۆ لهەڤ نزیککرنا لایەنێن سیاسی ل کوردستانێ و فەراهەمکرنا سەرجەم پێدڤیێن سازانا سیاسی ژبۆ پاشەرۆژەکا گەش و ژیانەکا کامەران بۆ هەڤوەلاتیان ، هەروەها دووبارە ئاڤاکرنا ژێرخانەکا بهێز وەکی وەلاتێن پێشکەفتی ب رێکا دیبلوماسیەتا خۆ یا ئارام و لێهاتی ، بۆچی ڤێ چەندێ نەکەت و ئەو ژ خێزانەکا خەباتکەرە کو هەمی ژیانا خۆ تەرخانکرنە پێخەمەت دەستڤەئینانا مافێن گەلەکی زولم لێکری ل سەر دەستێ درەندەترین دکتاتۆریەت ل مێژوویێ دا ، ئەو ژی خێزانا بارزانیێ نەمرە کو ل بەر دەستێ وی سەدان نیشتمانپەروەر و خەباتکەر بۆ دۆزا رەوایا گەلێ کورد مەزن بووینە، و هەمیشە هەولێن سەربەخۆیی دانە وەکی هەمی گەلێن دی یێن جیهانێ ب ئاشتی و ئازدای و پێکڤەژیانەکا ئارام .
و ل ڤێ دوماهیێ و ب بریارەکا مێژویی ژ لایێ ئەنجومەنێ وەزیرانێ هەرێما کوردستانێ ڤە کو تایبەت بوو ب دوماهیکئینانا سیستەمێ پاشکەفت ژ شایستەیێن دارایی یێن فەرمانبەرێن هەرێما کوردستانێ کو ژ ئەنجامێ سیاسەتا شۆڤینی ژ لایێ حکومەتا پێشوو یا بەغدا و هاتنا تیرۆریستێن داعش ڤە هاتە پەیرەوکرن کو ئەگەرێن سەرەکی بوون بۆ کێم بوونا بەرچاڤ یا داهاتێ هەرێما کوردستانێ ، لەوا بریارا پاشکەفتکرنا موچەیێن فەرمانبەران هاتە دان .
هەورەکو دوهی سەرۆک وەزیران " نێچیرڤان بارزانی " ئاماژە پێدای کو ژ ناچاری پەنا برن بەر بریارەکا ب ڤی شێوەی داکو کاروانێ ژیانێ ل کوردستانێ نەراوەستیت و ب تایبەت ژیانا فەرمانبەران ، هەورەها بەحسکر کو سەبر و خۆراگریا گەلێ کوردستانێ و یا فەرمانبەران ب تایبەتی پالنەرەکی سەرەکی بوو داکو کارەکی زۆر ب زەحمەت بکەین بۆ رزگاربوون ژ ڤێ تەنگاڤیێ .
لەوا دبێژین کریارێن مەزن کەسێن مەزن دڤێن کو کریاران ژ گۆتنێن خۆ دروست بکەن .