السيد المحترم lucian
أنا لم اقم بعملية مقارنة ابدا أنا كنت بقصد بكلامي .. أن الحكم على الكل من خلال الجزء لا يصح ويدل على فساد الرأي وميله "الخطأ ان نعمم ونطلق صفة الجزء على الكل ".
أيها الفاضل : المسلمون وعلمائهم ومنابرهم كلها تهاجم داعش وتتبرأ منهم ومن أفعالهم، وكل دوله في المنطقة ملهيه وغرقانه في مصايب داعش وحربهم ، محدش مضرور أكتر منا أحنا، هنا في مصر العشرات من أهالينا واخواتنا في الجيش بسينا ومن المدنين المسلمين بيموتو كل يوم بسبب داعش كان في مذبحة لداعش في سينا في مسجد الروضة أثناء الصلاة حصدت أرواح 305 شخص بينهم 27 طفلا وإصابة 128 آخرين بجروح .. متيخل أثناء الصلاة .. دول مش شايفين حد تاني .. داعش دول مجرمين.
عندنا هنا نار كل يوم بسبب داعش دي
، فنثور ونحتج على من بالظبط ! ، " انتم فقط وداعش من يقولون انهم يمثلون الإسلام وهذه تعاليم القرآن" ، لماذا يصمم الاساتذة الأفاضل هنا على ذلك ؟ هو بالعافية ؟!! ، كلنا بنقول "لأ دول غلط وانتو وهما بتقول لأ صح".
محتاج احتجاجات تثبت الرفض ده من المسلمين الذين تصفهم بالجيدين ؟ ، بس تكون الاحتجاجات دي تطالب بتغيير مناهج وكمان يا سلام لو تشيل حبه من القرآن تلغيه من المقرر" وبعض التفاسير اللي مش على هوانا ، أيها الفاضل ، لو قابلت تلميذ فاشل وقالك 1+1=3 والمدرسه كلها وكتبها بتقول 1+1 = 2 يكون الحل عندك نطالب بالغاء المسألة نفسها من المقرر !!
فين المنطق اللي بتكلم عنه ؟!
وكلمة المسؤولية هي كلمة اجنبية في العربية لا يعرفها احد واذا طلبتها من مسلم فانه لا يفهم شيئا.
أختلف معك بشدة ، الكلام ده جايبه منين بالظبط !
هل على سبيل المجاز تقصد ؟! ام على سبيل المعلومة اللغوية؟ ، أم المعلومة الإسلامية؟
لو كمعلومة لغويه فصحح معلوماتك وابحث في قاموس اللغة ، لو كمعلومة إسلامية حديث "كلكم راع وكلكم مسؤل عن رعيته" على العكس من كلامك ده من أهم الأشياء في الإسلام المسؤلية .. امال الحساب في الأخرة ده على ايه! ودرجات ومنازل الجنة ليه .. مش على صلاة وصوم بس ، لأ على كله عبادات ومعاملات خير وشر قتل واحياء خيانة ووفاء ..... إلخ .. إمراة عذبت هرة فدخلت النار ، وإمرأة سقت كلب فدخلت الجنة .
لو علي سبيل المجاز ، اتفق معك ان صححت النص ، وقلت مجتمعات العالم الثالث مثلا ، او غالبيه المجتمعات العربية ، لا تعرف معنى المسؤلية ، حيث هنا ينتشر الجهل والفقر والحرمان من أقل الحقوق ، والتعليم متدنى لدرجات لا تتخيلها ، والأسر مفككة ، مجتمعات مريضة ، مع كل هذه الثروات والخيرات التي تملكها ، ولكنها ليست لهم .. الأحوال لا تسر عدو ولا حبيب .
ولكن مكن هذه المجتمعات وأعطها تلك المقومات !!
ماعدا المجتمعات المسلمة فهي ترفض تحمل المسؤولية والخروج الى الشارع للوقوف بموقف واضح وقوي ضد المتطرفين
انت محتاج موقف واضح أكتر من تبرأنا منهم والأزهر كمؤسسة بيقول دول خوارج يقام عليهم حد الحرابة قطع الأيدي والأرجل من خلاف ، موقف أوضح من اننا في حرب معاهم !! .. هو ده المنطق اللي حضرتك بتكلم عنه؟
انا شخصيا اعتبر النقاش مع المسلمين بشكل عام مضيعة للوقت
الحقيقة انا استفدت جدا ، واعتقد ان النقاش كان سيكون مفيدا للآخرين ايضا ان تحاملو على أنفسهم وتركو العنصرية أو التعصب لبعض الوقت ، ألا تتفق معي ان العنصرية والتعصب هو ما يجعل النقاش مضيعة للوقت ؟!
خالص تحياتي لحضرتك ، وشاكر جدا على جميع ردودك ، التي لمست فيها عدم الخروج عن سياق النقاش ، بالإضافه لأكثر كلمة أعجبتني
"أتفق معك " التي قلتها
مع أنك عقبت عليها .. ولكن ، تقريبا مفيش حد هنا متفق في اي شيء اساسا ولا كلمة من اللي قلتها عاجبه حد ؟
من العبث صرف وقتكم مع المدعو احمد سالم .
كان الاستاذ صباح قيا قد طالبه بنشر صورته مع اسمه الحقيقي فلم يفعل .
حسبته مسلما اعتياديا فحاورته .
الرجل اسلامي متمرّس ، وللاسف يلجأ الى " الكذب " من اجل دعم فكرته
استاذ متي اسو : اسلوبك الصبياني ده شيء مؤسف جدا !
وبعدين انت محاورتنيش أصلا المفروض في رد منتظره منك ! طلبت مني أفهمك وفهمتك ، المفروض ترد تقول فهمتك أو عيد تاني ، او النقطة دي مش صحيحة مثلا . مع انك بتدخلنا في حوار عقائدي ، والذي يتطلب مني أن اذكر أحيانا المثل في دينك أيضا ، لتصلك الفكره كاملة ، وتقتنع .. على رأي المثل "اللي بيته من زجاج ما يرميش الناس بالطوب" وبالطريقة دي مش هنخلص ابداً. ترد وارد وتدافع وادافع وانت فاهم وانا مش فاهم وهكذا ..
الرجل اسلامي متمرّس
لو شايف ان انا كده متمرس ، فأشكرك .. على فكره ده وصف إن كان في فأفخر بيه .. ولا كلمة إسلامي هي اللي المشكلة أصلا ؟ مش شايف ان انا داعشي كمان ؟! طيب متطرف ؟!
انا مش بدعم فكرتي على قدر ما انتو عندكو معلومات خطأ عن الإسلام أو ناقصة مصممين عليها، وهذا أمر لا تخطئة العين ، فالعالم الإسلامي كله بيرد عليها بصوت عالي ومع ذلك لا تسمع سوى صوتك !
فالرجل يتقن بحرفية كبيرة فن المراوغة والتلاعب بالمعاني
وطبعا انت ذكائك خلاك ما تقعش في تلك المعاني الكاذبة والمرواغة الخادعة
.. يااه فلت للأسف ، وذكائك أنقذك انك تصدق ، وخلاك تغمض عنيك بسرعه .. يا رجل ده أنا خوفت مني بعد الكلام اللي انت قلته ده
اييه !!!!
انا جيت المنتدى هنا بالصدفة البحته ، ولشيء تاني أصلا .. مش هقلك عليه طبعا فمتسألش
فالدين الذي يدافع عنه يتأرجح الان على كفوف المسلمين الذي استعبدهم لقرون طويلة ...عندئذ لن يجد مخرجا... انها مسألة وقت فقط .
أكرر انا لا أدافع عن الدين ، أنا اوضح مفاهيم مغلوطة عنه ، بحسب النقاش
لو سلمنا بموضوع الأرجحة اللي بتكلم عنها ، فهو بيتأرجح بمفهومك ده منذ وفاة النبي كما أخبرتك ، لأنه نفس الكلام ، ولم يأتي هذا الوقت الذي تنتظرة للأسف ، ولن يأتي .. فالتاريخ يقول ذلك وليس أنا بحسب مفهومك للأرجحه