إلى العامل في عيده (1/آيار/2019)


المحرر موضوع: إلى العامل في عيده (1/آيار/2019)  (زيارة 446 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 587
    • مشاهدة الملف الشخصي
    • البريد الالكتروني
إلى العامل في عيده (1/آيار/2019)
ميسون نعيم الرومي
 
بعيدك يبو الأحرار.. جاي آنه اعايد
انت الرجه للناس .. وكت الشدايد
***
تتلاوه ويـّه الريح (اسطولك) مهابه
يالعامل  فخر للناس .. وانت الطبابه
***
لا ضل أبد مجداف .. لا ضل سفينه
كلهه صفت للجار .. كتلوْ العينه
***
چاكوچك يهز الكون .. يالچنت أول
بالتال اوصرت چا ليش ! والوكت حوّل
***
چاكوچك فخر للناس .. وانت الطليعه
يالعامل المغوار .. تسكت .. شنيعه
***
وين المطرگه اوچاكوچ ! وين الصناعه
شاخت الف يا حيف .. انباعت بضاعه
***
بالواحد امن (آيار) .. تهتز الاكوان
تسكت يعامل ليش ! تترجه لحسان
***
خالي الوطن مسحوه .. بس ضلـَّت البوم
والشـعب يبچي اينوح .. ايلملم بالدموم
***
يالعامل اصحه اوشوف .. سيـّسـَـت (بغداد)
(أيـسّـنه) نبچي ادموم .. عيشـتنه بالكاد
***
من حرب الحرب منذور يا شعب الاحزان
هالتحمي فستكان افلان .. والوطن غرگان
***
يالمعتني (لحسين) .. تنذر بالنذور
(حسين) اول اومن ثار.. عَ الظلم والجور
***
ايد اوتساند ايد .. عامل وفلاح
نطرد دخيله اشرار.. واتعم الافراح
***
نترجـَّه ذاك اليوم .. يصحه شعبنه
يرجع وطنه ابعز.. ايرفرف علمنه
-----------------------------------------
1 / آيار / 2019
ســــــــــتوكهولم