المحرر موضوع: ܐܝܼܡܵܢ ܕܦܵܐܹܫ ܒܲܪܢܵܫܐ ܚܲܝܘܐ  (زيارة 3777 مرات)

0 الأعضاء و 1 ضيف يشاهدون هذا الموضوع.

غير متصل عوديشو سادا

  • عضو فعال جدا
  • ***
  • مشاركة: 517
    • مشاهدة الملف الشخصي
    • البريد الالكتروني


عندما يصبح الانسان حيوانًا

ܐܝܼܡܵܢ ܕܦܵܐܹܫ ܒܲܪܢܵܫܐ ܚܲܝܘܐ
ܒܩܲܢܝܐ ؛ ܝܘܼܚܲܢܐ ܒܹܝܕܐܘܝܼܕ
ܡܸܠܒܘ̇ܪܸܢ ܐܸܣܬܪܵܠܝܼܐ
ܬܲܪܓܵܡܬܐ؛ ܥܲܒܼܕܝܼܫܘ̇ܥ ܣܵܗ̄ܕܐ ܝܘܼܚܲܢܐ

ܠܐ ܝܘܲܚ̈ ܒܹܐܬܵܝܐ ܒܡܸܢܕܝܼ ܚܲܕ̄ܬܐ ܒܥܸܕܵܢܐ ܕܒܹܐ̄ܡܵܪܐ ܝܘܲܚ̈ ܕܒܲܪܢܵܫܘܼܬܐ ܥܒܼܝܼܪܐ ܒܡܸܢܝܵܢܐ ܡܢ ܡܲܫܩܠ̈ܐ ܗܲܠ ܕܲܡܛܹܐܠܵܗ̇ ܠܡܲܫܩܠܐ ܕܩܵܐܹܡ، ܘܠܹܐ ܝ̄ܠܹܗ ܡܸܢܕܝܼ ܚܲܕ̄ܬܐ ܐܹܢ ܐܲܡܪܹ̈ܝܚ ܕܚܲܝܘܼܬܐ ܐܲܡܝܼܢܵܐܝܼܬ ܟܹܐ ܡܫܵܢܝܐ ܗ̄ܘܗ̇ ܡܢ ܐܲܝܟܢܘܵܬܐ ܣܲܪ̈ܝܹܐ ܥܲܠ ܐܲܝܟܢܘܵܬܐ ܛܵܒܼ̈ܐ ܒܥܸܠܬܼܐ ܕܣܲܓܝܼܐܘܼܬܼ ܚܲܟܝܼܡܘܼܬܼܐ ܘܝܼܕܵܥܬܼܵܗ̇، ܘܐܸܢ ܡܨܘܼܚܨܹܠܲܢ ܒܚܵܙܹܝܚ̈ ܐܲܡܝܼܢܵܐܝܼܬܼ ܕܗܲܘܢܐ ܟܹܐ ܫܵܩܸܠ ܗ̄ܘܐ ܦܘܼܣܩܵܢܐ ܠܲܦܣܵܥܬܐ ܡܼܢ ܩܵܐܹܡ ܥܲܬܝܼܩܐ ܥܲܠ ܩܵܐܹܡ ܚܲܕ̄ܬܐ ܒܘܼܫ ܪܵܒܐ ܒܢܵܫܘܼܬܼܐ ܘܲܓܡܝܼܪܘܼܬܼܐ ܘܒܸܫ ܪܵܒܐ ܒܫܘܼܡܠܵܝܘܼܬܼܐ ܒܲܡܣܵܝܡܵܢܘܼܬܹܗ ܘܝܵܗܒܲܠܬܹܗ،
ܘܡܐܲܝܟܼ ܪ̈ܥܝܵܢܹܐ ܥܸܠܡܵܝܹܐ ܕܒܲܪܢܵܫܘܼܬܼܐ ܝܼܠܵܗ̇ ܚܲܕ̄ ܟܸܠܦܵܬ ܪܸܚܩܐ ܡܢ ܦܪܝܼܫܘܼܬܼܐ ܘܦܘܼܠܵܓܼܐ ܕܓܲܘܢܐ ܘܓܸܢܣܐ ܐܵܘ ܐܘܼܡܬܐ ܐܵܘ ܬܲܘܕܝܼܬܐ، ܚܲܕ̄ ܟܸܠܦܵܬ ܡܛܠ ܐܝܼܬܠܵܗ̇ ܫܵܘܬܵܦܝܵܬܐ ܚܲܝܠܬܵܢ̈ܐ ܕܠܵܐ ܩܵܒܠܝܼ ܒܢܲܨܵܝܘܼܬܼܐ ܐܵܘ ܦܫܝܼܓܘܼܬܼܐ، ܐܝܼܢܐ ܦܘܼܪܫܘܼܢܝܐ ܕܝܼܬܠܹܗ ܐܝܼܬܘܼܬܐ ܒܲܝܢܵܬܼ ܒܲܪܢܵܫܘܼܬܐ ܐܝܼܠܹܗ ܡܢ ܒܲܪܵܝܹܐ ܐܲܚܟ̮ܝܼ ܡܛܠ ܦܠܵܛ̈ܐ ܕܒܵܨܘܼܪܘܼܬܼܐ ܓܵܘ ܟܝܵܢܐ ܕܝܼܠܲܝܗܝ̈ ܡܲܒܘܼܥ̈ܐ ܕܒܝܼܫܘܼܬܼܐ ܟܝܵܢܵܝܬܵܗ̇ ܬܹܐܘ̇ܠܘ̇ܓܼܝܼܵܐܝܼܬܼ (ܠܵܗܘܼܬܝܼܵܐܢ) ܘܲܦܠܵܛܐ ܕܒܵܨܘܼܪܘܼܬܼܐ ܕܡܲܪܕܘܼܬܼܐ ܐܵܘ ܝܼܕܲܥܬܼܐ ܐܵܘ ܡܕܲܪܟܵܢܘܼܬܼܐ، ܘܗܲܪ ܗܵܕܹܝܟܼ ܦܠܵܛܐ ܕܲܩܪ̈ܒܹܐ ܒܟܠ ܬܸܓܼܡܵܝܗܝ̈ ܦܘ̇ܠܝܼܛܝܼܩܵܝ̈ܐ ܐܵܘ ܬܲܘܕܝܼܬܵܢܵܝ̈ܐ ܕܝܼܠܲܝܗܝ̈ ܦܝܼܫ̈ܐ ܣܢܝܼܕܹ̈ܐ ܒܟܠܲܝܗܝ̈ ܐܲܝܟܸܢܘܵܬܼܐ ܒܝܼ ܐܸܩܢܘ̇ܡܝܼܵܐ ܐܵܘ ܟܸܣܦܐ،
ܐܵܗܐ ܟܸܠܦܵܬ ܐ̄ܢܵܫܵܝܬܵܗ̇ ܥܒܼܝܼܪܐ ܒܐܲܪܒܥܐ ܡܲܫܩܠ̈ܐ ܐܲܢܸܢܩܵܝ̈ܐ ܒܡܹܐܙܲܠܬܐ ܕܲܡܛܵܘܪܵܢܘܼܬܼܵܗ̇ ܕܝܼܠܹܗ ܡܲܫܩܠܐ ܕܫܘܼܥܝܵܬܼܐ (ܐܲܠܐܲܣܵܐܛܝܼܪ) ܘܡܲܫܩܠܐ ܕܬܲܘܕܝܼܵܬܼܐ ܘܦܝܼܠܵܣܘ̇ܦܘܼܬܼܐ ܘܡܲܫܩܠܐ ܕܥܸܠܡ̈ܐ ܘܬܘܼܪ̈ܵܨܹܐ ܘܲܒܚܘܼܬܵܡܐ ܡܲܫܩܠܐ ܕܥܸܠܡܵܝܘܼܬܼܐ (ܐܲܠܥܲܘܠܲܡܐ) ܘܕܵܪܐ ܐܲܠܟܸܬܪܘ̇ܢܵܝܐ، ܢܝܼܫܐ ܕܒܲܪܢܵܫܐ ܡܢ ܐܵܗܐ ܫܘܼܚܠܵܦܐ ܝܼܗ̄ܘܐ ܝܣܵܠ̄ܩܬܐ ܐܵܘ ܥܸܠܠܵܝܘܼܬܼܐ (ܐܲܠܬܲܣܵܐܡܝܼ) ܘܫܵܢܲܝܬܵܐ ܡܼܢ ܣܲܪܝܘܼܬܼܐ ܠܛܵܒܼܘܼܬܼܐ ܘܦܘܼܪܩܵܢܐ ܡܢ ܩܸܛܪܐ ܕܲܕܚܝܼܠܘܼܬܼܐ (ܙܕܘܼܥܬܐ) ܘܡܲܦܣܵܥܬܐ ܕܲܟܝܵܢܐ ܗܘ̇ܠܵܢܵܝܐ ܒܨܘܼܝܵܢܹܗ ܘܚܲܝܘܼܬܼܐ ܒܚܲܕܘܼܬܼܐ ܘܫܲܝܢܵܝܘܼܬܼܐ، ܘܫܘܼܢܵܝܐ ܐ̄ܚܲܪܵܝܐ ܝܼܗ̄ܘܐ ܪܵܒܐ ܒܣܘܼܪܗܵܒܼܐ ܟܲܕ ܫܒܼܝܼܩܠܹܗ ܡܲܥܸܒܕܵܢܘܼܬܼܐ ܓܘܼܒܼܪܬܵܗ̇ ܥܲܠ ܒܲܪܢܵܫܐ ܘܟܠܲܝܗܝ̈ ܬܸܓܼܡ̈ܐ ܕܚܘܼܦܵܛܹ̈ܗ،
ܒܡܲܫܩܠܵܐ ܐ̄ܚܲܪܵܝܐ ܗܘܹܐܠܹܗ ܚܒܼܵܛܐ ܒܲܝܢܵܬܼ ܝܼܕܵܥܬܼܐ ܡܲܕܢܚܵܝܬܵܗ̇ ܘܡܲܥܸܪܒܼܵܝܬܵܗ̇ ܥܲܡܚܕܵܕܹܐ ܒܚܲܕ̄ ܠܸܠܝܐ ܘܚܲܕ̄ ܝܵܘܡܐ ܚܒܼܝܼܛܠܗ̄ܘ̇ܢ ܣܘܼܟܵܠ̈ܐ ܚܲܝܠܬܼܵܢ̈ܐ ܒܠܗ̄ܟܣܝܼܩܘ̇ܢܹ̈ܐ ܕܝܼܕܵܥܬܼܵܐ ܘܬܲܪ̈ܥܝܵܬܼܐ (ܥܲܩܵܐܸܕ) ܘܡܲܕܪ̈ܫܝܵܬܼܐ ܪ̈ܢܝܵܝܹܐ ܥܲܡܚܕܵܕܹ̈ܐ ܒܐܘܼܪܚܐ ܕܡܸܨܥ̈ܐ ܣܲܓܝܼܐ̈ܐ ܘܝܼܣܘ̇ܪ̈ܐ ܚܲܕ̄ܬ̈ܐ ܘܲܒܣܘܼܪܗܵܒܼܐ ܕܲܫܒܼܝܼܩܠܗ̄ܘ̇ܢ ܠܲܡܨܵܝܵܬܼܐ ܕܒܲܪܢܵܫܐ ܕܲܡܫܵܢܹܐ ܘܡܲܡܛܹܗ ܠܓܸܕܫܐ ܐܵܘ ܛܸܒܐ ܡܢ ܟܠ ܕܘܼܟܬܼܐ ܘܐܲܬܼܪܐ ܕܝܼܠܲܝܗܝ̈ ܠܦܵܬܼܐ ܕܐܲܪܥܐ ܘܦܵܪܸܣܠܹܗ ܩܐ ܟܠܵܗ̇ ܬܹܒܹܝܠ ܒܚܲܕ̄ ܪܦܵܦܐ ܟܡܐ ܕܗܵܘܝܼ ܐܲܬܼܪ̈ܘܵܬܼܐ ܪܸܚܩܐ ܥܲܡܚܕܵܕܹ̈ܐ ܘܒܟܠ ܥܸܕܵܢܐ ܕܒܵܥܹܗ، ܘܓܵܘ ܐܬܪ̈ܘܬܢ ܡܲܕܢܚܵܝ̈ܐ ܘܲܡܕܝܼܢܵܝܘܼܬܲܝܗܝ̈ ܡܠܝܼܬܵܐ ܡܢ ܢܹܒܼܗܵܝܘܼܬܼܐ ܦܝܼܫܠܗ̄ܘ̇ܢ ܚܲܝܠܬܼܵܢ̈ܐ ܒܫܵܘܦܲܝܗܝ̈ ܒܩܘܼܪܒܐ ܒܸܫ ܪܵܒܐ ܡܢ ܬܪܹܝܢ ܐܲܠܦ̈ܐ ܫܢ̈ܐ ܕܠܐ ܡܵܨܝܼ ܕܪܲܚܩܝܼ ܡܢ ܩܵܐܹܡܲܝܗܝ̈ ܥܒܲܪ ܚܲܕܲܕܬܐ ܘܲܦܣܵܥܬܐ ܥܲܡ ܡܕܝܼܢܵܝܘܼܬܐ ܐ̄ܢܵܫܲܝܬܵܗ̇ ܐܲܚܟ̮ܝܼ ܒܕܘܼܟܵܢ̈ܐ ܘܒܸܥܕܵܢܵܬܼܐ ܬܘܼܚܒ̈ܐ ܡܐܲܝܟܼ ܕܵܪܵܐ ܩܲܕ̄ܡܵܝܐ ܡܢ ܡܸܬܚܐ ܕܫܘܼܠܛܵܢܐ ܕܕܵܘܠܬܐ ܥܲܒܵܣܲܝܬܵܗ̇، ܘܲܡܫܵܢܲܝܬܐ ܕܬܘܼܪܟܝܼܵܐ ܡܢ ܕܵܘܠܬܐ ܕܚܝܼܠܵܦܘܼܬܼܐ ܡܫܸܠܡܵܢܬܵܗ̇ ܥܲܠ ܕܵܘܠܬܐ ܡܕܝܼܢܵܝܬܵܗ̇ ܥܲܠ ܐܝܼܕܵܬܐ ܕܟܲܡܵܐܠ ܐܲܬܵܬܘ̇ܪܟ، ܟܲܕ ܡܘܼܪܝܸܟܼܠܵܗ̇ ܣܦܵܪܬܐ ܕܐܸܡܘܵܬܼܐ ܘܥܲܡܡ̈ܐ ܕܡܲܕܢܚܐ ܡܸܨܥܵܝ̈ܐ ܒܩܘܼܪܒܐ ܕܐܲܪܒܥܐ ܐܸܡܐܐ ܕܵܪ̈ܐ ܥܲܠ ܢܦܲܠܬܐ ܕܕܵܘܠܬܐ ܥܘܼܬܼܡܵܢܲܝܬܵܗ̇ ܘܲܨܡܵܚܬܐ ܕܨܲܦܪܐ ܚܲܕ̄ܬܐ ܠܐܵܢܝ̈ ܐܸܡܘܵܬܼܐ ܘܥܲܡܡ̈ܐ ܠܲܩܝܵܡܬܐ ܒܝܵܬܲܝܗܝ̈ ܘܲܩܢܵܝܬܐ ܕܡܵܪܘܼܬܼܐ، ܘܲܩܢܵܝܬܐ ܠܡܲܘܕܵܝܬܐ ܒܝܼ ܟܝܵܢܲܝܗܝ̈ ܦܘ̇ܠܝܼܛܝܼܩܵܝ̈ܐ ܘܦܘܼܪ̈ܢܵܣܵܝܹܐ، ܡܢ ܒܵܬܪ ܒܸܫ ܣܲܓܝܼ ܡܢ ܐܲܪܒܥܝܼ ܫܢ̈ܐ ܕܲܩܢܹܐܠܗ̄ܘ̇ܢ ܪܵܒܐ ܡܢ ܕܲܘܠܝܵܬܼܐ ܕܦܝܼܫܠܗ̄ܘ̇ܢ ܫܘܼܬܼܐܸܣ̈ܐ ܡܢ ܝܵܪܬܘܼܬܼܐ ܕܐܸܡܦܪܵܛܘ̇ܪܘܼܬܼܐ ܥܘܼܬܼܡܵܢܲܝܬܵܗ̇ ܠܡܵܪܘܼܬܲܝܗܝ̈ ܡܢ ܬܲܚܠܦܵܢܘܼܬܼܐ ܕܒܪܝܼܛܵܢܝܼܵܐ ܘܲܦ̮ܪܲܢܣܐ ܡܢ ܒܵܬܪ ܦܲܠܓܐ ܕܕܵܪܐ ܡܢ ܫܘܼܠܛܵܢܐ ܕܐܵܢܝ̈ ܕܵܘܠܝܵܬܼܐ ܒܫܘܼܬܼܐܵܣܐ ܚܲܕ̄ܬܐ ܒܓܵܐܢܲܝܗܝ̈، ܒܫܡܐ ܕܕܝܼܡܘܼܩܪܵܛܝܼܘܼܬܼܵܐ ܘܛܲܟܼܣ̈ܐ ܡܲܠܟܵܝ̈ܐ ܘܫܲܪܟܐ، ܕܝܗ̄ܘܵܘ ܒܲܬܗܘ̇ܡܲܝܗܝ̈ ܛܘܼܟܵܣ̈ܐ ܕܸܟܬܵܬܘ̇ܪ̈ܝܹܐ ܟܲܕ ܫܪܹܐܠܹܗ ܒܵܬܪ ܗܵܕܹܝܟܼ ܡܲܫܩܠܐ ܕܒܹܝܬܼ ܢܝܼܣܵܢ̈ܐ ܥܲܪܒܼܵܝܐ ܕܠܐ ܒܪܹ̈ܐܠܗ̄ܘ̇ܢ ܓܝܵܕܹܐ ܗܲܠ ܩܵܐܹܡ ܐܲܚܟ̮ܝܼ ܓܵܘ ܚܲܕ̄ ܐܲܬܪܐ ܕܝܼܠܹܗ ܐܲܬܼܪܐ ܕܡܸܨܪܝܼܢ،
ܡܲܕܢܚܵܝ̈ܐ ܐܲܡܝܼܢܵܐܝܼܬܼ ܟܹܐ ܕܵܪܝܼ ܠܲܘܡܐ ܥܲܠ ܛܘܼܟܵܣ̈ܐ ܡܲܥܪ̈ܒܼܵܝܹܐ ܘܐܲܡܪܝܼ ܐܵܢ̈ܝܼ ܝܼܠܲܝܗܝ̈ ܥܒܼܵܕܐ ܚܘܼܟܵܡܐ ܠܡܲܕܥܵܪ̈ܬܲܝܗܝ ܠܲܒܵܬܼܪܐ ܥܲܠ ܕܵܪ̈ܐ ܥܲܡܛܵܢ̈ܐ ܘܣܲܟܼܠܘܼܬܼܐ ܘܥܲܠ ܦܘܼܠܵܓܼܐ ܦܘ̇ܠܝܼܛܝܼܩܵܝܐ ܘܡܲܫܦܲܠܬܲܝܗܝ̈ ܠܲܫܩܵܠܬܐ ܕܦܘܼܣܩܵܢܐ ܫܲܪܝܼܪܐ، ܐܝܼܢܐ ܟܹܐ ܡܲܢܫܝܼ ܠܲܫܪܵܪܐ ܐܲܢܸܢܩܵܝܐ ܕܝܼܠܹܗ ܕܐܵܗܐ ܡܲܥܸܪܒܼܐ ܥܒܼܝܼܪܹܗ ܓܵܘ ܩܪ̈ܒܹܐ ܒܸܫ ܚܲܝܠܬܼܵܢ̈ܐ ܡܢ ܐܵܢ̈ܝܼ ܩܪ̈ܵܒܹܐ ܕܲܥܒܼܪܘ̇ܢ ܒܝܼܵܗܝ̈ ܡܲܕܢܚܵܝ̈ܐ ܘܲܩܛܝܼܠܗ̄ܘ̇ܢ ܥܲܡܚܕܵܕܹܐ ܠܕܵܪ̈ܐ ܥܒܼܝܼܪܹܐ ܐܝܼܢܐ ܒܚܘܼܬܵܡܐ ܫܠܝܼܡܠܗ̄ܘ̇ܢ ܠܦܘܼܣܩܵܢܐ ܠܡܲܦܠܵܚܬܐ ܕܡܘ̇ܚܐ ܘܗܲܘܢܐ، ܘܲܩܒܝܼܠܗ̄ܘ̇ܢ ܕܲܡܫܵܢܝܼ ܡܢ ܕܵܪܐ ܕܲܩܪ̈ܒܹܐ ܥܲܠ ܕܵܪܐ ܕܲܡܕܝܼܢܵܝܘܼܬܼܐ ܥܲܠ ܕܵܪܐ ܕܝܼܠܹܗ ܫܸܪܫܸܗ ܡܝܵܩܲܪܬܐ ܘܩܵܕܲܫܬܐ ܕܚܲܝܘܼܬܐ، ܘܫܲܪܲܪܬܐ ܕܩܵܢܘ̇ܢ̈ܐ ܘܢܵܡܘ̇ܣ̈ܐ ܕܲܡܚܵܡܝܼ ܠܟܠܲܝܗܝ̈ ܬܸܓܼܡ̈ܐ ܕܚܲܝܘܼܬܼܐ، ܩܒܝܼܠܗ̄ܘ̇ܢ ܒܫܘܼܚܠܵܦܐ ܘܛܘܼܝܸܒܼܠܗ̄ܘ̇ܢ ܠܟܸܟ̮ܚܐ ܕܲܟ̮ܠܵܦܬܐ ܟܲܕ ܒܩܵܐܹܡ ܒܸܚܵܝܐ ܝܠܲܝܗܝ̈ ܕܵܪܐ ܕܲܗܒܼܵܢܵܝܐ ܒܸܢܝܐ ܥܲܠ ܚܹܐܪܘܼܬܼܐ ܬܚܘܼܬ ܦܘܼܩܕܵܢܐ ܕܢܵܡܘ̇ܣܘܼܬܼܐ ܘܲܫܠܵܡܐ، ܘܟܠ ܡܲܕܢܚܵܝܐ ܒܸܚܠܵܡܐ ܝܠܹܗ ܘܝܼܬܠܹܗ ܣܲܒܼܪܐ ܕܚܲܝܹܗ ܐܝܼܢ ܡܛܹܐܠܹܗ ܠܐܵܢ̈ܝܼ ܐܲܬܼܪ̈ܵܘܵܬܼܐ ،
ܓܵܘ ܡܲܕܢܚܵܐܢ ܟܪܝܼܗܐ ܫܩܝܼܠܗ̄ܘ̇ܢ ܦܘܼܣܩܵܢܐ ܚܲܕ̃ܟܡܐ ܠܲܕܥܵܪܬܐ ܠܲܒܵܬܼ̃ܪܐ ܪܵܒܐ ܥܲܠ ܕܵܪܐ ܕܝܼܗܘܵܘ ܒܝܹܗ ܦܪ̈ܝܼܣܹܐ ܘܒܸܦܣܵܥܐ ܫܲܗܘܲܬܝܵܬܼܐ ܕܚܲܝܘܹ̈ܐ ܥܲܠ ܢܹܒܼܗܵܝܘܼܬܹܗ ܘܩܸܢܛܪܘ̇ܢ ܕܦܘܼܣܩܵܢܹ̈ܗ ܐܵܢܝܼ ܫܵܩܠܝܼ ܗ̄ܘܵܘ ܦܘܼܣܩܵܢܐ ܡܐ ܒܥܵܒܸܕ ܦܲܓܼܪܐ ܒܕܘܼܡܝܐ ܕܐܵܗܐ ܒܲܪܢܵܫܐ ܫܩܝܼܠܹܗ ܦܘܼܣܩܵܢܐ ܕܦܵܪܹܫ ܘܟ̮ܵܠܸܦ ܡܢ ܒܲܪܢܵܫܘܼܬܹܗ ܘܲܕܵܥܸܪ ܥܲܠ ܟܝܵܢܐ ܕܚܲܝܘ̈ܐ، ܡܩܲܘܡܐ ܚܲܕ̄ ܒܲܩܪܵܢܐ ܒܵܩܹܪ ܕܵܐܟܼܝܼܠܹܗ ܒܪܵܝܐ ܐܵܗܐ ܡܸܢܕܝܼ،؟ ܐܵܢܐ ܠܐ ܕܲܪܫܸܢ ܐܸܠܐ ܒܚܲܕ̄ܟܡܐ ܨܸܒܘܵܬܼܐ ܡܢ ܪܵܒܐ ܕܝܼܠܲܝܗܝ̈ ܒܪܵܝܐ ܘܒܸܒܪܵܝܐ ܓܵܘ ܡܕܝܼܢ̄ܬܐ ܕܢܝܼܢܘܹܐ ܡܫܲܡܵܗܬܵܗ̇ ܐܵܘ ܒܐܲܬܼܪ̈ܘܵܬܼܐ ܐ̄ܚܹܪ̈ܢܹܐ ܥܲܠ ܐܝܼܕܵܬܐ ܕܐܸܪ̈ܗܝܼܒܼܵܝܹܐ ܚܲܢܦ̈ܐ ܡܟܘ̇ܣܝ̈ܐ ܒܥܲܡܛܵܢܐ !!
ܗ̇ܘ ܕܩܵܛܹܥ ܡܲܝܐ ܨܸܦܝ̈ܐ ܘܒܲܪܩܐ ܘܡܝܼܟܼܘܼܠܬܐ ܥܲܠ ܐ̄ܢܵܫ̈ܐ ܕܠܐ ܚܲܕ̄ ܥܸܠܬܼܐ ܘܐܵܢ̈ܝܼ ܝ̄ܬܝܼܒܹ̈ܐ ܓܵܘ ܒܵܬܲܝܗܝ̈ ܡܘܼܕܝܼ ܒܗܵܘܹܐ ܡܫܘܼܡܗܐ؟
ܡܵܢܝܼ ܕܒܸܩܛܵܠܐ ܝ̄ܠܹܗ ܠܢܵܫ̈ܐ ܐ̄ܚܹܪ̈̄ܢܹܐ ܡܛܠ ܠܐ ܝ̄ܠܲܝܗܝ̈ ܬܒܼܵܥܐ ܠܛܘ̇ܗܡܐ ܕܩܵܛܘܼܠ̈ܐ ܘܬܲܘܕܝܼܬܵܝܗܝ ܡܵܢܝܼ ܒܗܵܘܝܼ؟
ܗ̇ܘ ܕܥܵܒܸܕ ܡܲܥܸܒܕܵܢܘܼܬܐ ܠܐܝܼܩܵܪܐ ܕܢܵܫ̈ܐ ܘܪܵܟܒܼ ܒܬܼܘܼܠܵܬܐܼܵ ܘܚܵܛܸܦ ܒܪܝܼܪ̈ܐ ܡܘܼܕܝܼ ܒܗܵܘܹܐ ؟
ܡܵܢܝܼ ܕܡܲܨܠܹܐ ܨܠܝܼܒܼܐ ܡܪܹܫ ܥܹܕܬܵܬܼܐ ܘܬܵܠܹܝܚ ܡܲܣܓܼܕ̈ܐ ܡܘܼܕܝܼ ܦܵܐܹܫ ܡܫܘܼܡܗܐ ؟
ܡܵܢܝܼ ܕܬܵܠܹܝܚ ܡܲܣܓܼܕ̈ܐ ܘܡܲܒܣܸܡ ܘܛܵܐܹܠ ܒܝܼ ܫܠܲܕ̈ܐ ܘܡܵܩܸܕܠܲܝܗܝ̈ ܡܵܐ ܒܗܵܘܹܐ ؟
ܗ̇ܘ ܕܩܵܛܸܠ ܦܲܠܚܵܐ ܕܝܼܬܠܹܗ ܘܵܠܝܼܬܐ ܒܡܲܩܪܵܒܼܬܐ ܕܚܸܠܡܬܟܵܪܘܼܬܐ ܩܐ ܐܵܬܵܐ ܕܐܲܬܼܪܹܗ ܘܦܵܠܸܛ ܠܟܲܘܕܹܗ ܡܢ ܦܲܓܼܪܹܗ ܘܐܵܟܸܠܹܗ ܢܵܝܐ ܡܵܐ ܒܗܵܘܹܐ ܡܫܘܼܡܗܐ ؟
ܗ̇ܘ ܕܨܵܠܸܒܼ ܠܚܲܕ̄ ܫܲܒܼܪܐ ܙܥܘܼܪܐ ܡܛܠ ܡܫܝܼܚܵܝܘܼܬܹܗ ܡܵܐ ܒܗܵܘܹܐ ܡܫܘܼܡܗܐ ؟