غرﮔـت بـينا السفينة
<><><><><><><><><><><><><><><><><><><><><>
تركتكُم غصبن علية *** يا أحبابي مو بدية
جبرني الزمن أتغرب *** وفوًكـ همومي أتعذب
وأظل محتار *** و بصدري النار
وعلى خدي تسيل الدموع
<><><><><><><><><><><><><><><><><><><><><>
مشتاﮒ يا شوﮒ ألكُم *** بس أريد أبـﭽـي و أحظنكُم
وأشبع عيوني من شوفتكم *** وأطفي ناري ألي بالضلوع
<><><><><><><><><><><><><><><><><><><><><>
وسفـة أنعيش باقي عُمرنا *** كُل واحد بمكان
حسرة بـًكلبنا تصير لمتنا *** و نحلم يجمعنا الزمان
أه منجِ يا غـُربة *** شـﮕد مُرة وصعبة
تذوبين ﮔـلوبنا مثل الشموع
<><><><><><><><><><><><><><><><><><><><><>
ورود ﭼنا أبين أهلنا *** نأمُر و ندلل على حبايبنا
بـدينا الروح زدناهـا جروح و ذبـلنا لمن تـغربنـا
وبعد سنين وعذاب وأنين *** صرنا نفكر بالرجوع
<><><><><><><><><><><><><><><><><><><><><>
فات الأوان يا روحي الحزينة *** ضاع العُمر وغرﮔـت بينا السفينة
كول الحلول بعد ما تنفع *** الشيب بين والزمن ما يشفع
و الإنسان يموت من القهر *** مــا يموت من الجوع
<><><><><><><><><><><><><><><><><><><><><>
† ليحميكم الرب †
اخوكم / مهند الكانون ( أبو ماريو )